ತೆರಿಗೆ ರಿಟರ್ನ್ಸ್: ಜುಲೈ 31 ಕೊನೆ ದಿನ

ತೆರಿಗೆದಾರರ ವಯಸ್ಸು, ವೈಯಕ್ತಿಕ ಆದಾಯ ಹಾಗೂ ಅವರು ಆಯ್ಕೆ ಮಾಡುವ ತೆರಿಗೆ ಪದ್ಧತಿಗೆ ಅನುಗುಣವಾಗಿ ತೆರಿಗೆ ರಿಟರ್ನ್ಸ್ ಸಲ್ಲಿಸಬೇಕೇ ಅಥವಾ ಬೇಡವೇ ಎಂಬುದು ನಿರ್ಣಯವಾಗುತ್ತದೆ. ಈ ಕೆಳಗೆ ನೀಡಿರುವ ಮಿತಿ ದಾಟಿ ತೆರಿಗೆ ಆದಾಯ ಹೊಂದಿರುವವರು ರಿಟರ್ನ್ಸ್ ಸಲ್ಲಿಸುವುದು ಕಡ್ಡಾಯವಾಗಿದೆ. 

ತೆರಿಗೆದಾರರೇ ಇಲಾಖೆಯ ವೆಬ್‌ಸೈಟ್‌ಗೆ ಲಾಗಿನ್ ಆಗಿ ತೆರಿಗೆ ರಿಟರ್ನ್ಸ್ ಸಲ್ಲಿಸಬಹುದು. ಇತರೆ ಮೂಲಗಳಿಂದ ಆದಾಯ ಇದ್ದಾಗ ಹಾಗೂ ಅದಕ್ಕೆ ಸಂಬಂಧಿಸಿ ಇರುವ ವಿನಾಯಿತಿ, ಅನ್ವಯವಾಗುವ ಕಾನೂನಿನ ಕೆಲವು ಕ್ಲಿಷ್ಟಕರ ಅಂಶಗಳು ಎದುರಾಗುತ್ತವೆ. ಅವುಗಳನ್ನು ಸರಿಯಾಗಿ ಅರ್ಥೈಸಿಕೊಂಡು ರಿಟರ್ನ್ಸ್‌ ಸಲ್ಲಿಸುವಾಗ ಕೆಲವು ಲೋಪಗಳಾಗುವ ಸಾಧ್ಯತೆ ಇರುತ್ತದೆ. ಅಂತಹ ವೇಳೆ ಪರಿಣತ ತೆರಿಗೆ ಸಲಹೆಗಾರರು ಅಥವಾ ಲೆಕ್ಕ ಪರಿಶೋಧಕರನ್ನು ಸಂಪರ್ಕಿಸಬಹುದು.