ಮುಂದಿನ ವರ್ಷ ಜೆಟ್ ಏರ್‌ವೇಸ್‌ಗೆ ಮತ್ತೆ ಜೀವ
ಅಕ್ಷರ ಗಾತ್ರ :ಆ |ಆ |ಆ
ಮುಂಬೈ: ಜೆಟ್ ಏರ್‌ವೇಸ್‌ ವಿಮಾನಯಾನ ಕಂಪನಿಯು 2021ರ ಬೇಸಿಗೆಗೆ ಮುನ್ನ ಮತ್ತೆ ಕಾರ್ಯಾಚರಣೆ ಆರಂಭಿಸುವ ಸಾಧ್ಯತೆ ಇದೆ ಎಂದು ಉದ್ಯಮಿ ಮುರಾರಿ ಲಾಲ್‌ ಜಲನ್ ಮತ್ತು ಲಂಡನ್ನಿನ ಕಲ್‌ರಾಕ್‌ ಕ್ಯಾಪಿಟಲ್‌ ಒಕ್ಕೂಟ ತಿಳಿಸಿದೆ. ಈ ಒಕ್ಕೂಟವು ಜೆಟ್ ಏರ್‌ವೇಸ್‌ ಕಂಪನಿಯ ಬಿಡ್‌ ಗೆದ್ದುಕೊಂಡಿದೆ.
ರಾಷ್ಟ್ರೀಯ ಕಂಪನಿ ಕಾನೂನು ನ್ಯಾಯಮಂಡಳಿ (ಎನ್‌ಸಿಎಲ್‌ಟಿ) ಮತ್ತು ಇತರ ಶಾಸನಾತ್ಮಕ ಸಂಸ್ಥೆಗಳಿಂದ ಅನುಮೋದನೆ, ನಾಗರಿಕ ವಿಮಾನಯಾನ ಸಚಿವಾಲಯದಿಂದ ಒಪ್ಪಿಗೆ ಸಿಗುವುದನ್ನು ಈ ಒಕ್ಕೂಟವು ಕಾಯುತ್ತಿದೆ. ನಾಗರಿಕ ವಿಮಾನಯಾನ ಸೇವೆಗಳು ಆರಂಭವಾದ ನಂತರ, ಸರಕು ಸಾಗಣೆ ಸೇವೆಗಳನ್ನೂ ಆರಂಭಿಸುವ ಆಲೋಚನೆ ಈ ಒಕ್ಕೂಟಕ್ಕೆ ಇದೆ.
ಜೆಟ್ ಏರ್‌ವೇಸ್‌ ಕಂಪನಿಗೆ ಸಾಲ ನೀಡಿದ ಸಂಸ್ಥೆಗಳ ಸಮಿತಿಯು, ಈ ಒಕ್ಕೂಟವು ಕಂಪನಿಯ ಪುನಶ್ಚೇತನಕ್ಕೆ ಸಲ್ಲಿಸಿದ ಯೋಜನೆಗೆ ಒಪ್ಪಿಗೆ ನೀಡಿದೆ. ಜೆಟ್ ಏರ್‌ವೇಸ್‌ ಕಂಪನಿಯಲ್ಲಿ ನಗದು ಬಿಕ್ಕಟ್ಟು ಉಂಟಾಗಿ, ಕಾರ್ಯಾಚರಣೆ ಸ್ಥಗಿತಗೊಳಿಸಲಾಗಿತ್ತು.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
