ನವದೆಹಲಿ: ಜಿಯೊಮಾರ್ಟ್‌ ಗ್ರಾಹಕರು ದಿನಸಿ, ತರಕಾರಿ ಸೇರಿದಂತೆ ಹಲವು ಅಗತ್ಯ ವಸ್ತುಗಳನ್ನು ವಾಟ್ಸ್ಆ್ಯಪ್ ಮೂಲಕವೂ ಆರ್ಡರ್‌ ಮಾಡಬಹುದಾಗಿದೆ.
ವಾಟ್ಸ್‌ಆ್ಯಪ್‌ನಲ್ಲಿ ಟ್ಯಾಪ್‌ ಆ್ಯಂಡ್‌ ಚಾಟ್‌ ಆಯ್ಕೆ ಮೂಲಕ ದಿನಸಿ ವಸ್ತುಗಳನ್ನು ಆರ್ಡರ್‌ ಮಾಡಬಹುದು. ಈ ಸೇವೆಯು ಉಚಿತವಾಗಿರಲಿದ್ದು, ಕನಿಷ್ಠ ಇಂತಿಷ್ಟು ಮೌಲ್ಯದ ಖರೀದಿ ನಡೆಸಬೇಕು ಎನ್ನುವ ಮಿತಿ ಇಲ್ಲ ಎಂದು ಕಂಪನಿಯು ತಿಳಿಸಿದೆ.
ವಾಟ್ಸ್‌ಆ್ಯಪ್‌ನ 40 ಕೋಟಿ ಬಳಕೆದಾರರು ಮತ್ತು ರಿಲಯನ್ಸ್‌ನ ರಿಟೇಲ್‌ ಗ್ರಾಹಕರನ್ನು ಸುಲಭವಾಗಿ ತಲುಪಲು ಈ ಪಾಲುದಾರಿಕೆ ಮಾಡಿಕೊಳ್ಳಲಾಗಿದೆ ಎಂದು ಜಿಯೊಮಾರ್ಟ್‌ ಹೇಳಿದೆ.
