ಬೆಂಗಳೂರು: ಜೂನ್ ತ್ರೈಮಾಸಿಕದಲ್ಲಿ ಕರೂರ್ ವೈಶ್ಯ ಬ್ಯಾಂಕ್ ಒಟ್ಟು ₹ 1.16 ಲಕ್ಷ ಕೋಟಿಯ ವಹಿವಾಟು ನಡೆಸಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿನ ವಹಿವಾಟಿಗೆ ಹೋಲಿಸಿದರೆ ಇದು ಶೇಕಡ 7.4ರಷ್ಟು ಹೆಚ್ಚು ಎಂದು ಬ್ಯಾಂಕ್ ತಿಳಿಸಿದೆ.
ಆಭರಣಗಳ ಮೇಲಿನ ಸಾಲದ ಪ್ರಮಾಣದಲ್ಲಿ ಜೂನ್ ತ್ರೈಮಾಸಿಕದಲ್ಲಿ ಶೇ 32ರಷ್ಟು ಹೆಚ್ಚಳ ಕಂಡುಬಂದಿದೆ. ಹಿಂದಿನ ವರ್ಷದ ಈ ತ್ರೈಮಾಸಿಕದಲ್ಲಿ ₹ 3,258 ಕೋಟಿ ಆಗಿದ್ದ ಇದು, ಈ ವರ್ಷದಲ್ಲಿ ₹ 13,206 ಕೋಟಿ ಆಗಿದೆ.
ಬ್ಯಾಂಕ್‌ನ ಠೇವಣಿಗಳ ಪ್ರಮಾಣವು ಶೇ 7ರಷ್ಟು ಏರಿಕೆ ಕಂಡಿದೆ. ಹಿಂದಿನ ವರ್ಷದ ಇದೇ ಅವಧಿಯಲ್ಲಿ ಶೇ 8.34ರಷ್ಟು ಇದ್ದ ನಿವ್ವಳ ಎನ್‌ಪಿಎ ಪ್ರಮಾಣವು ಈ ಬಾರಿ ಶೇ 7.97ಕ್ಕೆ ಇಳಿದಿದೆ. ಜೂನ್ ತ್ರೈಮಾಸಿಕದಲ್ಲಿ ಬ್ಯಾಂಕ್ ಒಟ್ಟು ₹ 109 ಕೋಟಿ ಲಾಭ ಗಳಿಸಿ ಎಂದು ಪ್ರಕಟಣೆ ತಿಳಿಸಿದೆ.
