ನವದೆಹಲಿ: ಕಳೆದ ವಾರ ದೇಶದ ಪ್ರಮುಖ 10 ಕಂಪನಿಗಳ ಪೈಕಿ ಏಳು ಕಂಪನಿಗಳ ಮಾರುಕಟ್ಟೆ ಮೌಲ್ಯವು (ಎಂ–ಕ್ಯಾಪ್‌) ₹71,301 ಕೋಟಿಗೆ ಏರಿಕೆಯಾಗಿದೆ.
ಕಳೆದ ವಾರ ಮುಂಬೈ ಷೇರುಪೇಟೆ ಸೂಚ್ಯಂಕ ಶೇ 0.50ರಷ್ಟು ಏರಿಕೆಯಾಗಿದ್ದರಿಂದ ಕಂಪನಿಗಳು ಗಳಿಕೆ ಕಂಡಿವೆ.
ಭಾರ್ತಿ ಏರ್‌ಟೆಲ್‌ ₹38,726 ಕೋಟಿ, ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾ ₹13,476 ಕೋಟಿ, ಎಚ್‌ಡಿಎಫ್‌ಸಿ ₹12,243 ಕೋಟಿ, ಐಸಿಐಸಿಐ ₹3,099 ಕೋಟಿ, ಐಟಿಸಿ ₹1,469 ಕೋಟಿ, ಟಿಸಿಎಸ್‌ ₹1,157 ಕೋಟಿ ಹಾಗೂ ಹಿಂದುಸ್ತಾನ್‌ ಯೂನಿಲಿವರ್‌ ₹1,127 ಕೋಟಿ ಗಳಿಕೆ ಕಂಡಿವೆ.
ಇನ್ಪೊಸಿಸ್‌ ₹15,875 ಕೋಟಿ, ರಿಲಯನ್ಸ್ ಇಂಡಸ್ಟ್ರೀಸ್‌ ₹15,391 ಕೋಟಿ ಹಾಗೂ ಎಲ್‌ಐಸಿ ಮಾರುಕಟ್ಟೆಯ ಮೌಲ್ಯ ₹6,166 ಕೋಟಿ ಇಳಿಕೆಯಾಗಿದೆ.
