ಮ್ಯೂಚುವಲ್‌ ಫಂಡ್‌ಗೆ ಮುದ್ರಾಂಕ ಶುಲ್ಕಹೂಡಿಕೆದಾರರ ಮೇಲೆ ಪರಿಣಾಮ ಬೀರದು

ನವದೆಹಲಿ: ಮ್ಯೂಚುವಲ್ ಫಂಡ್ಗಳ ಖರೀದಿಗೆ ಬುಧವಾರದಿಂದ ಜಾರಿಗೆ ಬಂದಿರುವ ಮುದ್ರಾಂಕ ಶುಲ್ಕದಿಂದ ಸಾಮಾನ್ಯ ಹೂಡಿಕೆದಾರರ ಮೇಲೆ ಅತ್ಯಲ್ಪ ಅಥವಾ ಯಾವುದೇ ಪರಿಣಾಮ ಕಂಡು ಬರುವುದಿಲ್ಲ ಎಂದು ಮಾರುಕಟ್ಟೆ ಪರಿಣತರು ಅಭಿಪ್ರಾಯಪಟ್ಟಿದ್ದಾರೆ.

. ಶೇ 0.005ರಷ್ಟು ಶುಲ್ಕವು ವ್ಯವಸ್ಥಿತ ಹೂಡಿಕೆ ಯೋಜನೆ (ಎಸ್ಐಪಿ), ವ್ಯವಸ್ಥಿತ ವರ್ಗಾವಣೆ ಯೋಜನೆ(ಎಸ್ಟಿಪಿ), ಲಾಭಾಂಶ ಮರು ಹೂಡಿಕೆ ಮತ್ತು ಒಂದೇ ಕಂಪನಿಯ ಒಂದು ಯೋಜನೆಯಿಂದ ಇನ್ನೊಂದು ಯೋಜನೆಗೆ ಹೂಡಿಕೆ ಬದಲಿಸುವ ವಹಿವಾಟಿಗೆ ಅನ್ವಯವಾಗಲಿದೆ. ಯುನಿಟ್ಸ್ಗಳನ್ನು ಮರಳಿಸಿ ಹಣ ಮರಳಿ ಪಡೆಯುವುದಕ್ಕೆ ಅನ್ವಯಗೊಳ್ಳುವುದಿಲ್ಲ.

. ಒಂದು ಡಿಮ್ಯಾಟ್ ಖಾತೆಯಿಂದ ಇನ್ನೊಂದು ಡಿಮ್ಯಾಟ್ ಖಾತೆಗೆ ವರ್ಗಾವಣೆ ಮಾಡಲು ಶೇ 0.015ರಷ್ಟು ಶುಲ್ಕ ಅನ್ವಯಿಸಲಿದೆ. ಯುನಿಟ್ಗಳನ್ನು ಮರಳಿಸಿ ಹಣ ಪಡೆಯುವ ಅಥವಾ ಮಾರಾಟಕ್ಕೆ ಈ ಶುಲ್ಕ ಅನ್ವಯಗೊಳ್ಳುವುದಿಲ್ಲ.

. ‘ಮುದ್ರಾಂಕ ಶುಲ್ಕವು ಅತ್ಯಲ್ಪ ಪ್ರಮಾಣದಲ್ಲಿ ಇರುವುದರಿಂದ ಮ್ಯೂಚುವಲ್ ಫಂಡ್ ಹೂಡಿಕೆದಾರರ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ’ ಎಂದು ಆಶಿಕಾ ವೆಲ್ತ್ ಅಡ್ವೈಸರ್ನ ಸಿಇಒ ಅಮಿತ್ ಜೈನ್ ಹೇಳಿದ್ದಾರೆ.

. ‘ಸಾಮಾನ್ಯ ಹೂಡಿಕೆದಾರರು 3 ತಿಂಗಳಿಗಿಂತ ಕಡಿಮೆ ಅವಧಿಗೆ ಹಲವು ಕೋಟಿ ರೂಪಾಯಿಗಳನ್ನು ಮ್ಯೂಚುವಲ್ ಫಂಡ್ಗಳ ಖರೀದಿಗೆ ವೆಚ್ಚ ಮಾಡಿದರೆ ಕೆಲ ಮಟ್ಟಿಗೆ ಸ್ಟ್ಯಾಂಪ್ ಡ್ಯೂಟಿ ಪಾವತಿಸಬೇಕಾಗುತ್ತದೆ. ಕಾರ್ಪೊರೇಟ್ ಹೂಡಿಕೆದಾರರು ಕೆಲವೇ ದಿನಗಳಿಗಾಗಿ ಹಲವು ಕೋಟಿಗಳನ್ನು ಹೂಡಿಕೆ ಮಾಡುವುದರಿಂದ ಅವರಿಗೂ ಶುಲ್ಕದ ಬಿಸಿ ಕೆಲಮಟ್ಟಿಗೆ ತಟ್ಟಲಿದೆ’ ಎಂದು ಪ್ರೈಮ್ಇನ್ವೆಸ್ಟರ್ ಸಹ ಸ್ಥಾಪಕಿ ವಿದ್ಯಾ ಬಾಲಾ ಹೇಳಿದ್ದಾರೆ.

. ’ಪ್ರತಿ ₹ 1 ಲಕ್ಷ ಹೂಡಿಕೆಗೆ ಮುದ್ರಾಂಕ ಶುಲ್ಕವು ₹ 5 ಇರಲಿದೆ. ಹೀಗಾಗಿ ₹ 1 ಲಕ್ಷ ಹೂಡಿಕೆ ಮಾಡಿದರೆ ₹ 99,995 ಮೊತ್ತಕ್ಕೆ ಯುನಿಟ್ಗಳನ್ನು ಹಂಚಿಕೆಯಾಗಲಿದೆ’ ಎಂದು ಬಾಲಾ ವಿವರಿಸಿದ್ದಾರೆ.

. ’ದೀರ್ಘಾವಧಿ ಹೂಡಿಕೆದಾರರ ಮೇಲೆ ಕನಿಷ್ಠ ಪರಿಣಾಮ ಕಂಡು ಬರಲಿದೆ’ ಎಂದು ಸ್ಯಾಮ್ಕೊ ಸೆಕ್ಯುರಿಟೀಸ್ನಲ್ಲಿ ರ್ಯಾಂಕ್ಎಂಎಫ್ ಮುಖ್ಯಸ್ಥರಾಗಿರುವ ಓಂಕೇಶ್ವರ ಸಿಂಗ್ ಅಭಿಪ್ರಾಯಪಟ್ಟಿದ್ದಾರೆ.

. ‘ಒಂದು ಬಾರಿಗೆ ಮಾತ್ರ ವಿಧಿಸಲಾಗುವ ಸ್ಟ್ಯಾಂಪ್ ಡ್ಯೂಟಿಯು ಅಲ್ಪಾವಧಿ ಹೂಡಿಕೆದಾರರಿಗೆ ಮಾತ್ರ ಅನುಭವಕ್ಕೆ ಬರಲಿದೆ’ ಎಂದು ಸ್ಕ್ರಿಪ್ಬಾಕ್ಸ್ ಸಹ ಸ್ಥಾಪಕ ಪ್ರತೀಕ್ ಮೆಹ್ತಾ ಅವರೂ ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮ್ಯೂಚುವಲ್‌ ಫಂಡ್‌ಗೆ ಮುದ್ರಾಂಕ ಶುಲ್ಕಹೂಡಿಕೆದಾರರ ಮೇಲೆ ಪರಿಣಾಮ ಬೀರದು

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌