<p><strong>ಮುಂಬೈ:</strong> 2023–24ನೇ ಆರ್ಥಿಕ ವರ್ಷದ ಮಾರ್ಚ್ ತ್ರೈಮಾಸಿಕದಲ್ಲಿ ಕಿರು ಹಣಕಾಸು ಸಂಸ್ಥೆಗಳಿಂದ ಕಿರು ಸಾಲ ನೀಡಿಕೆಯು ಶೇ 27ರಷ್ಟು ಏರಿಕೆಯಾಗಿದೆ ಎಂದು ಕ್ರೆಡಿಟ್ ಮಾಹಿತಿ ನೀಡುವ ಕಂಪನಿ ಕ್ರಿಫ್ ಹೈ ಮಾರ್ಕ್ ತಿಳಿಸಿದೆ.</p>.<p>ಕಳೆದ ಹಲವು ತ್ರೈಮಾಸಿಕಗಳಿಂದ ಸಾಲ ನೀಡಿಕೆಯು ಸ್ಥಿರವಾಗಿತ್ತು. ಮಾರ್ಚ್ ತ್ರೈಮಾಸಿಕದಲ್ಲಿ ಸಾಲದ ಬಾಕಿ ಪ್ರಮಾಣವು ಏರಿಕೆಯಾಗಿದೆ ಎಂದು ಮಂಗಳವಾರ ಬಿಡುಗಡೆಯಾಗಿರುವ ವರದಿ ತಿಳಿಸಿದೆ.</p>.<p>ಈ ತ್ರೈಮಾಸಿಕದಲ್ಲಿ ₹4.42 ಲಕ್ಷ ಕೋಟಿ ಸಾಲ ನೀಡಲಾಗಿದೆ. ಒಟ್ಟು ಸಾಲದ ಬಂಡವಾಳ ಪ್ರಮಾಣದಲ್ಲಿ ಶೇ 27ರಷ್ಟು ಏರಿಕೆಯಾಗಿದೆ. ಡಿಸೆಂಬರ್ ತ್ರೈಮಾಸಿಕದಲ್ಲಿ ಈ ಪ್ರಮಾಣವು ಶೇ 8.5ರಷ್ಟಿತ್ತು ಎಂದು ತಿಳಿಸಿದೆ.</p>.<p>ಒಟ್ಟಾರೆ ಸಾಲದಲ್ಲಿ 10 ರಾಜ್ಯಗಳ ಪಾಲು ಶೇ 83.5ರಷ್ಟಿದೆ. ಪಶ್ಚಿಮ ಬಂಗಾಳ, ಬಿಹಾರ, ಉತ್ತರ ಪ್ರದೇಶ ಈ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿವೆ. 31 ದಿನಗಳಿಂದ 180 ದಿನಗಳ ಅವಧಿ ಮೀರಿದ ಸಾಲಗಳ ಬಾಕಿ ಉಳಿಸಿಕೊಂಡ ಮೊತ್ತದ ಅನುಪಾತವು ಡಿಸೆಂಬರ್ ತ್ರೈಮಾಸಿಕದಲ್ಲಿ ಶೇ 2ರಷ್ಟಿತ್ತು. ಮಾರ್ಚ್ ತ್ರೈಮಾಸಿಕದಲ್ಲಿ ಶೇ 2.1ಕ್ಕೆ ಏರಿಕೆಯಾಗಿದೆ ಎಂದು ವಿವರಿಸಿದೆ.</p>.<p>ಹಣಕಾಸು ಸಂಸ್ಥೆಗಳಿಂದ ಸಾಲ ಮಂಜೂರಾತಿಗೆ ಅನುಮೋದನೆ ಹಾಗೂ ಸಾಲಗಾರರ ಖಾತೆಗಳಿಗೆ ಹಣ ವರ್ಗಾವಣೆ ಮಾಡಿರುವ ಸಾಲಗಳನ್ನು ‘ಸಕ್ರಿಯ ಸಾಲ’ಗಳೆಂದು ಪರಿಗಣಿಸಲಾಗುತ್ತದೆ.</p>.<p>ಇಂತಹ ಸಕ್ರಿಯ ಸಾಲ ಹೊಂದಿರುವ ಸಾಲಗಾರರು ಅಪರಾಧ ಹಿನ್ನೆಲೆ ಹೊಂದಿದ್ದಾರೆ. ಅಲ್ಲದೆ, ಶೇ 12ರಷ್ಟು ಮಂದಿ ನಾಲ್ಕು ಅಥವಾ ಅದಕ್ಕಿಂತಲೂ ಹೆಚ್ಚು ಸಕ್ರಿಯ ಸಾಲಗಳನ್ನು ಪಡೆದಿದ್ದಾರೆ. ಗರಿಷ್ಠ ಸಕ್ರಿಯ ಸಾಲಗಳನ್ನು ಹೊಂದಿರುವ ರಾಜ್ಯಗಳ ಪೈಕಿ ಕರ್ನಾಟಕ ಮುಂಚೂಣಿಯಲ್ಲಿದೆ ಎಂದು ವರದಿ ತಿಳಿಸಿದೆ.</p>.<p>ಕಿರು ಹಣಕಾಸು ಸಂಸ್ಥೆಗಳಿಂದ ಪಡೆಯುವ ಸಾಲಗಳ ಪೈಕಿ ಚಿನ್ನದ ಸಾಲವು ಜನರ ಪ್ರಧಾನ ಆಯ್ಕೆಯಾಗಿದೆ. ಒಟ್ಟು ₹35,679 ಕೋಟಿ ಸಾಲ ನೀಡಲಾಗಿದ್ದು, 41.2 ಲಕ್ಷ ಸಕ್ರಿಯ ಸಾಲಗಳಿವೆ. </p>.<p>ಸಾಲ ನೀಡಿಕೆಯಲ್ಲಿ ಬ್ಯಾಂಕೇತರ ಹಣಕಾಸಿನ ಕಂಪನಿಗಳು ಮತ್ತು ಕಿರು ಹಣಕಾಸು ಸಂಸ್ಥೆಗಳ ಪಾಲು ಶೇ 39.2ರಷ್ಟಿದೆ. ಬ್ಯಾಂಕ್ಗಳು ಶೇ 33.2ರಷ್ಟು ಹಾಗೂ ಸಣ್ಣ ಹಣಕಾಸು ಸಂಸ್ಥೆಗಳು ಶೇ 16.9ರಷ್ಟು ಪಾಲು ಹೊಂದಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ:</strong> 2023–24ನೇ ಆರ್ಥಿಕ ವರ್ಷದ ಮಾರ್ಚ್ ತ್ರೈಮಾಸಿಕದಲ್ಲಿ ಕಿರು ಹಣಕಾಸು ಸಂಸ್ಥೆಗಳಿಂದ ಕಿರು ಸಾಲ ನೀಡಿಕೆಯು ಶೇ 27ರಷ್ಟು ಏರಿಕೆಯಾಗಿದೆ ಎಂದು ಕ್ರೆಡಿಟ್ ಮಾಹಿತಿ ನೀಡುವ ಕಂಪನಿ ಕ್ರಿಫ್ ಹೈ ಮಾರ್ಕ್ ತಿಳಿಸಿದೆ.</p>.<p>ಕಳೆದ ಹಲವು ತ್ರೈಮಾಸಿಕಗಳಿಂದ ಸಾಲ ನೀಡಿಕೆಯು ಸ್ಥಿರವಾಗಿತ್ತು. ಮಾರ್ಚ್ ತ್ರೈಮಾಸಿಕದಲ್ಲಿ ಸಾಲದ ಬಾಕಿ ಪ್ರಮಾಣವು ಏರಿಕೆಯಾಗಿದೆ ಎಂದು ಮಂಗಳವಾರ ಬಿಡುಗಡೆಯಾಗಿರುವ ವರದಿ ತಿಳಿಸಿದೆ.</p>.<p>ಈ ತ್ರೈಮಾಸಿಕದಲ್ಲಿ ₹4.42 ಲಕ್ಷ ಕೋಟಿ ಸಾಲ ನೀಡಲಾಗಿದೆ. ಒಟ್ಟು ಸಾಲದ ಬಂಡವಾಳ ಪ್ರಮಾಣದಲ್ಲಿ ಶೇ 27ರಷ್ಟು ಏರಿಕೆಯಾಗಿದೆ. ಡಿಸೆಂಬರ್ ತ್ರೈಮಾಸಿಕದಲ್ಲಿ ಈ ಪ್ರಮಾಣವು ಶೇ 8.5ರಷ್ಟಿತ್ತು ಎಂದು ತಿಳಿಸಿದೆ.</p>.<p>ಒಟ್ಟಾರೆ ಸಾಲದಲ್ಲಿ 10 ರಾಜ್ಯಗಳ ಪಾಲು ಶೇ 83.5ರಷ್ಟಿದೆ. ಪಶ್ಚಿಮ ಬಂಗಾಳ, ಬಿಹಾರ, ಉತ್ತರ ಪ್ರದೇಶ ಈ ಪಟ್ಟಿಯಲ್ಲಿ ಮುಂಚೂಣಿಯಲ್ಲಿವೆ. 31 ದಿನಗಳಿಂದ 180 ದಿನಗಳ ಅವಧಿ ಮೀರಿದ ಸಾಲಗಳ ಬಾಕಿ ಉಳಿಸಿಕೊಂಡ ಮೊತ್ತದ ಅನುಪಾತವು ಡಿಸೆಂಬರ್ ತ್ರೈಮಾಸಿಕದಲ್ಲಿ ಶೇ 2ರಷ್ಟಿತ್ತು. ಮಾರ್ಚ್ ತ್ರೈಮಾಸಿಕದಲ್ಲಿ ಶೇ 2.1ಕ್ಕೆ ಏರಿಕೆಯಾಗಿದೆ ಎಂದು ವಿವರಿಸಿದೆ.</p>.<p>ಹಣಕಾಸು ಸಂಸ್ಥೆಗಳಿಂದ ಸಾಲ ಮಂಜೂರಾತಿಗೆ ಅನುಮೋದನೆ ಹಾಗೂ ಸಾಲಗಾರರ ಖಾತೆಗಳಿಗೆ ಹಣ ವರ್ಗಾವಣೆ ಮಾಡಿರುವ ಸಾಲಗಳನ್ನು ‘ಸಕ್ರಿಯ ಸಾಲ’ಗಳೆಂದು ಪರಿಗಣಿಸಲಾಗುತ್ತದೆ.</p>.<p>ಇಂತಹ ಸಕ್ರಿಯ ಸಾಲ ಹೊಂದಿರುವ ಸಾಲಗಾರರು ಅಪರಾಧ ಹಿನ್ನೆಲೆ ಹೊಂದಿದ್ದಾರೆ. ಅಲ್ಲದೆ, ಶೇ 12ರಷ್ಟು ಮಂದಿ ನಾಲ್ಕು ಅಥವಾ ಅದಕ್ಕಿಂತಲೂ ಹೆಚ್ಚು ಸಕ್ರಿಯ ಸಾಲಗಳನ್ನು ಪಡೆದಿದ್ದಾರೆ. ಗರಿಷ್ಠ ಸಕ್ರಿಯ ಸಾಲಗಳನ್ನು ಹೊಂದಿರುವ ರಾಜ್ಯಗಳ ಪೈಕಿ ಕರ್ನಾಟಕ ಮುಂಚೂಣಿಯಲ್ಲಿದೆ ಎಂದು ವರದಿ ತಿಳಿಸಿದೆ.</p>.<p>ಕಿರು ಹಣಕಾಸು ಸಂಸ್ಥೆಗಳಿಂದ ಪಡೆಯುವ ಸಾಲಗಳ ಪೈಕಿ ಚಿನ್ನದ ಸಾಲವು ಜನರ ಪ್ರಧಾನ ಆಯ್ಕೆಯಾಗಿದೆ. ಒಟ್ಟು ₹35,679 ಕೋಟಿ ಸಾಲ ನೀಡಲಾಗಿದ್ದು, 41.2 ಲಕ್ಷ ಸಕ್ರಿಯ ಸಾಲಗಳಿವೆ. </p>.<p>ಸಾಲ ನೀಡಿಕೆಯಲ್ಲಿ ಬ್ಯಾಂಕೇತರ ಹಣಕಾಸಿನ ಕಂಪನಿಗಳು ಮತ್ತು ಕಿರು ಹಣಕಾಸು ಸಂಸ್ಥೆಗಳ ಪಾಲು ಶೇ 39.2ರಷ್ಟಿದೆ. ಬ್ಯಾಂಕ್ಗಳು ಶೇ 33.2ರಷ್ಟು ಹಾಗೂ ಸಣ್ಣ ಹಣಕಾಸು ಸಂಸ್ಥೆಗಳು ಶೇ 16.9ರಷ್ಟು ಪಾಲು ಹೊಂದಿವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
