ನವದೆಹಲಿ: ಮೈಕ್ರೊಸಾಫ್ಟ್ ಕಂಪನಿಯ ಗ್ಲೋಬಲ್ ಡೆಲಿವರಿ ಸೆಂಟರ್ನ (ಜಿಡಿಸಿ) ಮುಖ್ಯಸ್ಥೆಯಾಗಿ ಅಪರ್ಣಾ ಗುಪ್ತಾ ಅವರ ನೇಮಕವಾಗಿದೆ ಎಂದು ಕಂಪನಿ ತಿಳಿಸಿದೆ.
ಆರು ವರ್ಷಗಳ ಹಿಂದೆ ಅಪರ್ಣಾ ಅವರು ಕಮರ್ಷಿಯಲ್ ಸಾಫ್ಟ್ವೇರ್ ಎಂಜಿನಿಯರಿಂಗ್ನ (ಪ್ರಸ್ತುತ ಐಎಸ್ಇ) ಭಾರತದ ಮುಖ್ಯಸ್ಥೆಯಾಗಿ ಮೈಕ್ರೊಸಾಫ್ಟ್ ಸೇರಿದ್ದರು. ಈ ವೇಳೆ ಅವರು ಉತ್ತಮವಾಗಿ ಕಾರ್ಯನಿರ್ವಹಿಸಿದ್ದಾರೆ ಎಂದು ಕಂಪನಿ ತಿಳಿಸಿದೆ.
ಗ್ರಾಹಕ ಕೇಂದ್ರಿತ ಯೋಜನೆಗಳನ್ನು ರೂಪಿಸಲು ಮತ್ತು ಮೈಕ್ರೊಸಾಫ್ಟ್ನಲ್ಲಿ ಹೂಡಿಕೆ ಮಾಡುವವರ ಮೌಲ್ಯವನ್ನು ಹೆಚ್ಚಿಸಲು ಅಪರ್ಣಾ ಅವರ ಅನುಭವವು ನೆರವಿಗೆ ಬರಲಿದೆ ಎಂದು ಮೈಕ್ರೊಸಾಫ್ಟ್ ಇಂಡಿಯಾದ ಅಧ್ಯಕ್ಷ ಪುನೀತ್ ಚಂದೋಕ್ ಹೇಳಿದ್ದಾರೆ.