ತೈಲ ಮಾರಾಟ ಕಂಪನಿಗಳಿಗೆ ದಾಖಲೆ ಲಾಭ ನಿರೀಕ್ಷೆ

ಮುಂಬೈ: ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳ ತೆರಿಗೆ ಪೂರ್ವದ ಲಾಭವು ಈ ವರ್ಷದಲ್ಲಿ ದಾಖಲೆಯ ₹1 ಲಕ್ಷ ಕೋಟಿಯನ್ನು ತಲುಪುವ ನಿರೀಕ್ಷೆ ಇದೆ. ದೇಶಿ ಮಾರುಕಟ್ಟೆಯಲ್ಲಿ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಹೆಚ್ಚಿನ ಮಟ್ಟದಲ್ಲಿ ಇರುವುದು ಹಾಗೂ ಆಮದು ಕಚ್ಚಾ ತೈಲದ ಬೆಲೆಯು ಸ್ಥಿರವಾಗಿ, ಕಡಿಮೆ ಮಟ್ಟದಲ್ಲಿ ಇರುವುದು ಈ ಲಾಭಕ್ಕೆ ಕಾರಣ ಎಂದು ರೇಟಿಂಗ್ಸ್ ಸಂಸ್ಥೆ ಕ್ರಿಸಿಲ್ ಸಿದ್ಧಪಡಿಸಿರುವ ವರದಿ ಹೇಳಿದೆ.