ಮುಂಬೈ: ಮಂದಗತಿಯ ಆರ್ಥಿಕತೆಯ ಪರಿಣಾಮವಾಗಿ ಆನ್‌ಲೈನ್‌ನಲ್ಲಿನ ಉದ್ಯೋಗ ನೇಮಕಾತಿಯು ಕುಸಿತ ಕಂಡಿದೆ.
ವಾಹನ ಮತ್ತು ಬಿಡಿಭಾಗ ತಯಾರಿಕೆ ಕ್ಷೇತ್ರದಲ್ಲಿ ಜನವರಿಯಿಂದ ಜೂನ್‌ ಅವಧಿಯಲ್ಲಿನ ನೇಮಕಾತಿ ಪ್ರಕ್ರಿಯೆಯು ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಶೇ 5ರಷ್ಟು ಕಡಿಮೆಯಾಗಿದೆ.
ಟೈರ್‌ ತಯಾರಿಕೆ ವಲಯದಲ್ಲಿ ಇದು ಶೇ 10ರಷ್ಟಿದೆ. ಕೃಷಿ ಆಧಾರಿತ ಕೈಗಾರಿಕೆಗಳಲ್ಲಿನ ಈ ಪ್ರಮಾಣ ಶೇ 51ರಷ್ಟಿದೆ ಎಂದು ಉದ್ಯೋಗ ಮಾರುಕಟ್ಟೆ ವಿಶ್ಲೇಷಿಸುವ ಮಾನ್‌ಸ್ಟರ್‌ ಇಂಡಿಯಾ ಸಂಸ್ಥೆಯ ಎಂಪ್ಲಾಯ್‌ಮೆಂಟ್‌ ಇಂಡೆಕ್ಸ್‌ನ ವರದಿಯಲ್ಲಿ ತಿಳಿಸಲಾಗಿದೆ.
