TCS ಸಿಇಒ ರಾಜೇಶ್ ಗೋಪಿನಾಥನ್‌ ರಾಜೀನಾಮೆ
ಅಕ್ಷರ ಗಾತ್ರ :ಆ |ಆ |ಆ
ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್‌ (TCS)ನ ಮುಖ್ಯ ಕಾರ್ಯನಿರ್ವಾಹಕ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಸ್ಥಾನದಿಂದ ರಾಜೇಶ್ ಗೋಪಿನಾಥನ್‌ ಅವರು ಕೆಳಗಿಳಿದಿದ್ದಾರೆ.
ಕೆ. ಕೃತಿವಾಸನ್‌ ಅವರು ರಾಜೇಶ್ ಅವರ ಉತ್ತರಾಧಿಕಾರಿಯಾಗಿರಲಿದ್ದಾರೆ ಎಂದು ಟಿಸಿಎಸ್ ಹೇಳಿದೆ.
‘ರಾಜೇಶ್ ಗೋಪಿನಾಥನ್‌ ಅವರು ರಾಜೀನಾಮೆ ನೀಡಿದ್ದಾರೆ ಎಂದು ನಾವು ಈ ಮೂಲಕ ತಿಳಿಯಪಡಿಸುತ್ತೇವೆ. ಅವರ ರಾಜೀನಾಮೆಯು 2023 ಸೆಪ್ಟೆಂಬರ್‌ 15ರಿಂದ ಜಾರಿಗೊಳ್ಳಲಿದೆ. ಅಲ್ಲಿಯವರೆಗೆ ಅವರು ತಮ್ಮ ಸ್ಥಾನದಲ್ಲಿ ಮುಂದುವರಿಯಲಿದ್ದಾರೆ ಎಂದು ಟಿಸಿಎಸ್ ಗುರುವಾರ ಸಲ್ಲಿಸಿದ ವಿನಿಮಯ ಫೈಲಿಂಗ್‌ನಲ್ಲಿ ಹೇಳಿದೆ.
ಸದ್ಯ ಟಿಸಿಎಸ್‌ನ ಬಿಎಫ್‌ಎಸ್‌ಐ ವರ್ಟಿಕಲ್‌ನ ಗ್ಲೋಬಲ್‌ ಹೆಡ್‌ ಆಗಿರುವ ಕೃತಿವಾಸನ್‌ ಅವರನ್ನು ಮಾರ್ಚ್ 16ರಿಂದ ಅನ್ವಯವಾಗುವಂತೆ ಸಿಇಒ ಆಗಿ ನೇಮಕ ಮಾಡಲಾಗಿದೆ. ಮುಂದಿನ ಹಣಕಾಸು ವರ್ಷದಿಂದ ಕೃತಿವಾಸನ್‌ ಅವರು ಅಧಿಕಾರ ಸ್ವೀಕಾರ ಮಾಡಲಿದ್ದಾರೆ.
ದೇಶದ ಅತೀ ದೊಡ್ಡ ಐಟಿ ಉದ್ಯಮ ಎನ್ನುವ ಖ್ಯಾತಿಗಳಿಸಿರುವ ಟಿಸಿಎಸ್‌ನ ಕಾರ್ಯನಿರ್ವಾಹಕ ಮತ್ತು ವ್ಯವಸ್ಥಾಪಕ ನಿರ್ದೇಶಕರಾಗಿ 2017ರಲ್ಲಿ ಗೋಪಿನಾಥನ್‌ ಅವರು ಅಧಿಕಾರ ಸ್ವೀಕರಿಸಿದ್ದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
