ಬೆಂಗಳೂರು: ರಿಲಯನ್ಸ್ ಡಿಜಿಟಲ್ ಕಂಪನಿಯು ‘ಎಲೆಕ್ಟ್ರಾನಿಕ್ಸ್ ಹಬ್ಬ’ ಹೆಸರಿನಲ್ಲಿ ಮಾರಾಟ ಮೇಳವೊಂದನ್ನು ಆಯೋಜಿಸಿದೆ. ಇದು ಅಕ್ಟೋಬರ್ 3ರಿಂದ (ಭಾನುವಾರ) ರಿಲಯನ್ಸ್ ಡಿಜಿಟಲ್ ಮಳಿಗೆಗಳಲ್ಲಿ, ಮೈಜಿಯೊ ಸ್ಟೋರ್ಗಳಲ್ಲಿ ಹಾಗೂwww.reliancedigital.in ಆನ್ಲೈನ್ ಮಳಿಗೆಯಲ್ಲಿ ಶುರುವಾಗಲಿದೆ.
ಈ ಮಾರಾಟ ಮೇಳದಲ್ಲಿ, ಎಸ್ಬಿಐ ಕ್ರೆಡಿಟ್ ಕಾರ್ಡ್ ಮೂಲಕ ಹಣ ಪಾವತಿಸುವ ಗ್ರಾಹಕರಿಗೆ ತಕ್ಷಣ ಶೇಕಡ 10ರಷ್ಟು ವಿನಾಯಿತಿ (ಗರಿಷ್ಠ ₹ 2,000ವರೆಗೆ) ಸಿಗಲಿದೆ. ಈ ಕೊಡುಗೆಯು ಭೌತಿಕ ಮಳಿಗೆಗಳಲ್ಲಿ ಅಕ್ಟೋಬರ್ 3ರಿಂದ 12ರವರೆಗೆ, reliancedigital.inನಲ್ಲಿ ಅ. 3ರಿಂದ 10ರವರೆಗೆ ಲಭ್ಯವಿರಲಿದೆ ಎಂದು ಪ್ರಕಟಣೆ ತಿಳಿಸಿದೆ.
ಪೇಟಿಎಂ ಮೂಲಕ ಕನಿಷ್ಠ ₹ 4,999 ಪಾವತಿಸಿದರೆ, ಗರಿಷ್ಠ ₹ 1,000ವರೆಗೆ ಕ್ಯಾಶ್ಬ್ಯಾಕ್ ಸಿಗಲಿದೆ. ಟಿ.ವಿ., ರೆಫ್ರಿಜರೇಟರ್, ವಾಷಿಂಗ್ ಮೆಷಿನ್, ಲ್ಯಾಪ್ಟಾಪ್ ಮತ್ತು ಕೆಲವು ಗೃಹೋಪಯೋಗಿ ಉಪಕರಣಗಳ ಮೇಲೆ ವಿಶೇಷ ಕೊಡುಗೆಗಳು ಇವೆ.