ಶನಿವಾರ, ಡಿಸೆಂಬರ್ 7, 2019
21 °C

ರೂಪಾಯಿ ಮೌಲ್ಯ 88 ಪೈಸೆ ಇಳಿಕೆ

Published:
Updated:

ಮುಂಬೈ: ನಾಲ್ಕು ವಹಿವಾಟು ದಿನಗಳಲ್ಲಿ ಏರುಮುಖವಾಗಿದ್ದ ರೂಪಾಯಿ ಮೌಲ್ಯ ಸೋಮವಾರ ಇಳಿಕೆ ಕಂಡಿದೆ.

ಕರೆನ್ಸಿ ವಿನಿಮಯ ಮಾರುಕಟ್ಟೆಯಲ್ಲಿ ಡಾಲರ್ ಎದುರು 88 ಪೈಸೆ ಇಳಿಕೆಯಾಗಿ ಒಂದು ಡಾಲರ್‌ಗೆ ₹ 70.46ಕ್ಕೆ ತಲುಪಿತು. 

ಆಮದುದಾರರು ಹೆಚ್ಚಿನ ಪ್ರಮಾಣದಲ್ಲಿ ಡಾಲರ್‌ ಖರೀದಿ ನಡೆಸಿದರು. ಇದರ ಜತೆಗೆ ಕಚ್ಚಾ ತೈಲ ದರ ಶೇ 3.85ರಷ್ಟು ಏರಿಕೆಯಾಗಿ, ಒಂದು ಬ್ಯಾರೆಲ್‌ಗೆ 61.75 ಡಾಲರ್‌ಗೆ ತಲುಪಿರುವುದು ರೂಪಾಯಿ ಮೌಲ್ಯ ಇಳಿಕೆ ಕಾಣುವಂತೆ ಮಾಡಿದೆ.

ಭಾರತದ ಜಿಡಿಪಿ ಮತ್ತು ವಿತ್ತೀಯ ಕೊರತೆ ಅಂಕಿ–ಅಂಶಗಳು ಮಾರುಕಟ್ಟೆಯನ್ನು ನಿರಾಶೆಗೊಳಸಿವೆ. ಇದು ಸಹ ರೂಪಾಯಿ ಮೌಲ್ಯ ಇಳಿಕೆಗೆ ಕಾರಣವಾಗಿದೆ ಎಂದು ವರ್ತಕರು ಹೇಳಿದ್ದಾರೆ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು