ಗೃಹಸಾಲ: ಎಸ್‌ಬಿಐ ಮೈಲಿಗಲ್ಲು

ಗೃಹ ಸಾಲ ಮಾರುಕಟ್ಟೆಯಲ್ಲಿ ಎಸ್‌ಬಿಐ ಸರಿಸುಮಾರು ಶೇಕಡ 35ರಷ್ಟು ಪಾಲು ಹೊಂದಿದೆ. ದಿನವೊಂದಕ್ಕೆ ಹೊಸದಾಗಿ ಒಂದು ಸಾವಿರ ಜನರಿಗೆ ಗೃಹ ಸಾಲ ವಿತರಣೆ ಮಾಡಲಾಗುತ್ತಿದೆ ಎಂದು ಬ್ಯಾಂಕ್‌ನ ಅಧ್ಯಕ್ಷ ದಿನೇಶ್ ಖರಾ ಅವರು ಬುಧವಾರ ನಡೆದ ವರ್ಚುವಲ್‌ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಕೋವಿಡ್–19 ಸೃಷ್ಟಿಸಿದ ಸಂಕಷ್ಟದ ಅವಧಿಯಲ್ಲೂ ಗೃಹ ಸಾಲಗಳಲ್ಲಿನ ಅನುತ್ಪಾದಕ ಸಾಲಗಳ (ಎನ್‌ಪಿಎ) ಪ್ರಮಾಣ ಕಡಿಮೆಯೇ ಇತ್ತು ಎಂದು ಅವರು ಹೇಳಿದರು.

ಪ್ರಧಾನ ಮಂತ್ರಿ ಆವಾಸ್ ಯೋಜನೆಯ ಅಡಿಯಲ್ಲಿ ಎಸ್‌ಬಿಐ 2020ರ ಡಿಸೆಂಬರ್‌ವರೆಗೆ ಒಟ್ಟು 1.94 ಲಕ್ಷ ಗೃಹ ಸಾಲ ವಿತರಣೆ ಮಾಡಿದೆ.