ಮಂಗಳವಾರ, ಸೆಪ್ಟೆಂಬರ್ 24, 2019
29 °C

ಎಸ್‌ಬಿಐ: ಸಾಲದ ಬಡ್ಡಿದರ, ಸ್ಥಿರ ಠೇವಣಿ ಬಡ್ಡಿದರ ಇಳಿಕೆ 

Published:
Updated:

ನವದೆಹಲಿ: ಭಾರತೀಯ ಸ್ಟೇಟ್ ಬ್ಯಾಂಕ್ (ಎಸ್‌ಬಿಐ) ಸಾಲದ  ಬಡ್ಡಿದರ (ಎಂಸಿಎಲ್‌ಆರ್)  ಶೇ 0.10 ರಷ್ಟು (10 ಬೇಸಿಸ್ ಅಂಕ) ಇಳಿಕೆ ಮಾಡಿದೆ. 

ಸೆಪ್ಟೆಂಬರ್ 10ರಿಂದ ಪರಿಷ್ಕೃತ ದರ ಅನ್ವಯವಾಗಲಿದೆ. ಸೆಪ್ಟೆಂಬರ್ 10ರಿಂದ ಎಸ್‌ಬಿಐ ಎಂಸಿಎಲ್‌ಆರ್ ದರ ಶೇ 8.15 ಆಗಲಿದೆ. ಈ ಹಿಂದೆ ಇದು ಶೇ 8.25 ಆಗಿತ್ತು.

 2019-20 ಆರ್ಥಿಕ ವರ್ಷದಲ್ಲಿ ಎಸ್‌ಬಿಐ 5ನೇ ಬಾರಿ ಈ ರೀತಿ ಎಂಸಿಎಲ್‌ಆರ್ ದರ ಇಳಿಕೆ ಮಾಡಿದೆ.  ಇನ್ನುಳಿದ ಬ್ಯಾಂಕ್‌ಗಳೂ ಎಂಸಿಎಲ್‌ಆರ್ ದರ ಇಳಿಸುವ ಸಾಧ್ಯತೆ ಇದೆ ಎಂದು ಲೈವ್ ಮಿಂಟ್ ವರದಿ ಮಾಡಿದೆ.

ಎಸ್‌ಬಿಐ ಗೃಹ ಸಾಲ ಮತ್ತು ವಾಹನ ಸಾಲ ಮಾರುಕಟ್ಟೆಯಲ್ಲಿ ಕ್ರಮವಾಗಿ  ಶೇ 35 ಮತ್ತು  ಶೇ 36 ಪಾಲು ಹೊಂದಿರುವುದಾಗಿ ತಿಳಿಸಿದೆ.

ಗೃಹ ಸಾಲ ಬಡ್ಡಿ ದರ ಅಗ್ಗ
 ಎಂಸಿಎಲ್‌ಆರ್ ದರ ಇಳಿಕೆ ಮಾಡಿದ್ದರಿಂದ ಗೃಹ ಸಾಲ ಬಡ್ಡಿದರ ಇಳಿಕೆಯಾಗಲಿದೆ.

ಸ್ಥಿರ ಠೇವಣಿ ಬಡ್ಡಿ ದರವೂ ಇಳಿಕೆ  

ರೆಪೊ ದರದ ಬದಲಾವಣೆಗೆ ತಕ್ಕಂತೆ ಬಡ್ಡಿದರದಲ್ಲಿ ಬದಲಾವಣೆ ಮಾಡಿರುವ ಎಸ್‌ಬಿಐ ಸಾಲದ ಬಡ್ಡಿದರ ಇಳಿಕೆಯೊಂದಿಗೆ  ಠೇವಣಿ  ಬಡ್ಡಿದರವೂ ಇಳಿಕೆ ಮಾಡಿದೆ.  20 -25 ಬೇಸಿಸ್ ಪಾಯಿಂಟ್ ಇಳಿಕೆಯಾಗಿದ್ದು, ಸೆಪ್ಟೆಂಬರ್ 10 ರ ನಂತರ ಸ್ಥಿರ ಠೇವಣಿ ಬಡ್ಡಿದರ ಶೇ 6.70 ನಿಂದ ಶೇ 6.50 ಕ್ಕೆ(ಒಂದು ವರ್ಷದಿಂದ 2 ವರ್ಷದ ವರೆಗೆ ) ಇಳಿಕೆಯಾಗಲಿದೆ.

Post Comments (+)