ಸೋನಿ–ಜೀ ವಿಲೀನ ರದ್ದು

ಸೋನಿ ಗ್ರೂಪ್‌ ಕಾರ್ಪೋರೇಷನ್‌ ಭಾರತದಲ್ಲಿರುವ ತನ್ನ ವ್ಯವಹಾರವನ್ನು ಜೀ ಎಂಟರ್‌ಟೈನ್‌ಮೆಂಟ್‌ ಜೊತೆಗೆ ವಿಲೀನಗೊಳಿಸಲು ಮುಂದಾಗಿತ್ತು. 2021ರ ಡಿಸೆಂಬರ್‌ 22ರಂದು ₹83 ಸಾವಿರ ಕೋಟಿ ಮೊತ್ತದ ಒಪ್ಪಂದಕ್ಕೆ ಎರಡೂ ಕಂಪನಿಗಳು ಒಪ್ಪಿಗೆ ನೀಡಿದ್ದವು. 2023ರ ಡಿಸೆಂಬರ್‌ 21ರೊಳಗೆ ವಿಲೀನ ಪ್ರಕ್ರಿಯೆ ಪೂರ್ಣಗೊಳ್ಳಬೇಕಿತ್ತು. ಈ ಒಪ್ಪಂದವನ್ನು ಸೋನಿ ಕೊನೆಗೊಳಿಸಿದ್ದು, ಈ ಕುರಿತು ಜೀ ಕಂಪನಿಗೆ ಅಧಿಕೃತ ಪತ್ರ ರವಾನಿಸಿದೆ.‌

ಹಾಲಿ ಮುಖ್ಯ ಕಾರ್ಯ ನಿರ್ವಾಹಕ ಪುನೀತ್‌ ಗೋಯೆಂಕಾ ಅವರೇ ಹೊಸ ಸಂಸ್ಥೆಗೂ ಸಿಇಒ ಆಗಬೇಕು ಎಂದು ಜೀ ಕಂಪನಿ ಪಟ್ಟು ಹಿಡಿದಿತ್ತು. ಹಣ ದುರ್ಬಳಕೆ ಆರೋಪ ಸಂಬಂಧ ಅವರ ವಿರುದ್ಧ ಸೆಬಿ ತನಿಖೆ ನಡೆಸುತ್ತಿದೆ. ಹಾಗಾಗಿ, ಇದಕ್ಕೆ ಸೋನಿ ಆಕ್ಷೇಪ ವ್ಯಕ್ತಪಡಿಸಿತ್ತು.