ಸೂರತ್‌ನಲ್ಲಿ ವಾಹನಗಳ ಗುಜರಿ ಕೇಂದ್ರ ಆರಂಭಿಸಿದ ಟಾಟಾ ಮೋಟಾರ್ಸ್

ಪ್ರತಿ ವರ್ಷವೂ 15 ಸಾವಿರ ವಾಹನಗಳನ್ನು ಬೇರ್ಪಡಿಸುವ ಸಾಮರ್ಥ್ಯವನ್ನು ಈ ಕೇಂದ್ರ ಹೊಂದಿದೆ. ಟಾಟಾ ಮೋಟರ್ಸ್‌ನ ಪಾಲುದಾರ ಶ್ರೀ ಅಂಬಿಕಾ ಆಟೊ ಕಂಪನಿಯು ಇದನ್ನು ನಿರ್ವಹಣೆ ಮಾಡಲಿದೆ. ಎಲ್ಲಾ ಬ್ರ್ಯಾಂಡ್‌ಗಳ ಪ್ರಯಾಣಿಕ ಮತ್ತು ವಾಣಿಜ್ಯ ವಾಹನಗಳನ್ನು ಇಲ್ಲಿ ಗುಜರಿಗೆ ಹಾಕಬಹುದು ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.

ಕಂಪನಿಯ ಆರಂಭಿಸಿರುವ ಮೂರನೇ ಕೇಂದ್ರ ಇದಾಗಿದೆ. ಜೈಪುರ ಮತ್ತು ಭುವನೇಶ್ವರದಲ್ಲಿ ಈಗಾಗಲೇ ತಲಾ ಒಂದು ಕೇಂದ್ರಗಳನ್ನು ಕಂಪನಿಯು ಈ ಹಿಂದೆಯೇ ಆರಂಭಿಸಿದೆ ಎಂದು ಹೇಳಿದೆ.