<p><strong>ನವದೆಹಲಿ: </strong>ದೂರಸಂಪರ್ಕ ಕಂಪನಿಗಳ ಸೇವಾ ಶುಲ್ಕ ಹೆಚ್ಚಾಗಬೇಕು, ಈ ಉದ್ಯಮದ ಮೇಲೆ ಸರ್ಕಾರ ವಿಧಿಸಿರುವ ಸುಂಕಗಳ ಪ್ರಮಾಣ ತಗ್ಗಬೇಕು ಎಂದು ಭಾರ್ತಿ ಏರ್ಟೆಲ್ ಕಂಪನಿಯ ಅಧ್ಯಕ್ಷ ಸುನಿಲ್ ಭಾರ್ತಿ ಮಿತ್ತಲ್ ಸೋಮವಾರ ಹೇಳಿದ್ದಾರೆ.</p>.<p>‘ಜನರು ಪ್ರತಿ ತಿಂಗಳು ಸರಾಸರಿ 16 ಜಿಬಿ ಡೇಟಾ ಬಳಕೆ ಮಾಡುತ್ತಿದ್ದಾರೆ. ದೂರಸಂಪರ್ಕ ಉದ್ಯಮವು ಇನ್ನಷ್ಟು ಲಾಭದಾಯಕ ಆಗಬೇಕು, ಬಂಡವಾಳಕ್ಕೆ ಪ್ರತಿಯಾಗಿ ಸೂಕ್ತ ಆದಾಯ ಬರಬೇಕು ಎಂದಾದರೆ ಸೇವಾ ಶುಲ್ಕವನ್ನು ಹೆಚ್ಚಿಸಬೇಕು’ ಎಂದು ಮಿತ್ತಲ್ ಅಭಿಪ್ರಾಯಪಟ್ಟಿದ್ದಾರೆ.</p>.<p>ಏರ್ಟೆಲ್ ಕಂಪನಿಯು ಶುಲ್ಕ ಹೆಚ್ಚಿಸಲು ಹಿಂದೇಟು ಹಾಕುವುದಿಲ್ಲ. ಕಳೆದ ಕೆಲವು ತಿಂಗಳುಗಳಲ್ಲಿ ಏರ್ಟೆಲ್ ತನ್ನ ಶುಲ್ಕದಲ್ಲಿ ತಂದಿರುವ ಬದಲಾವಣೆಗಳು ಇದಕ್ಕೆ ಸಾಕ್ಷಿ. ಕಂಪನಿಯು ತಾಳ್ಮೆ ಕಳೆದುಕೊಂಡಿದೆ ಎಂದು ಮಿತ್ತಲ್ ಹೇಳಿದ್ದಾರೆ. ಕಂಪನಿಯು ಕನಿಷ್ಠ ರಿಚಾರ್ಜ್ ಮೊತ್ತವನ್ನು ₹ 79ಕ್ಕೆ ಈಗಾಗಲೇ ಹೆಚ್ಚಿಸಿದೆ.</p>.<p>‘ಈ ಮೊತ್ತವು ಕಾಲಕ್ರಮೇಣ ₹ 99ಕ್ಕೆ ಏರಿಕೆ ಆಗಬಹುದೇ ಎಂಬ ಪ್ರಶ್ನೆಗೆ ನನ್ನ ಉತ್ತರ ಹೌದು ಎಂದಾಗಿರುತ್ತದೆ. ಆ ಏರಿಕೆ ಯಾವಾಗ ಆಗಬಹುದು ಎಂಬುದಷ್ಟೇ ಉಳಿದಿರುವ ಪ್ರಶ್ನೆ’ ಎಂದಿದ್ದಾರೆ. ಪ್ರತೀ ಗ್ರಾಹಕನಿಂದ ಪ್ರತಿ ತಿಂಗಳಿಗೆ ₹ 200 ಆದಾಯ ಬರುವಂತಹ ಸ್ಥಿತಿಗೆ ಉದ್ಯಮವು ತ್ವರಿತವಾಗಿ ಸಾಗಬೇಕು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.</p>.<p>‘ಉದ್ಯಮವು ನಂತರದಲ್ಲಿ ಪ್ರತೀ ಗ್ರಾಹಕನಿಂದ ₹ 300 ಆದಾಯ ಬರುವ ಹಂತವನ್ನೂ ತಲುಪಬೇಕು. ಆಗ ಗ್ರಾಹಕರು ಹೇರಳ ಡೇಟಾ, ಸಂಗೀತ, ಮನರಂಜನೆಯ ಸೌಲಭ್ಯವನ್ನು ಪಡೆಯಬಹುದು’ ಎಂದು ವಿವರಿಸಿದ್ದಾರೆ. ಈ ಉದ್ಯಮದ ಶೇಕಡ 35ರಷ್ಟು ಆದಾಯವು ಸುಂಕ ಪಾವತಿಗೇ ವಿನಿಯೋಗ ಆಗುತ್ತಿದೆ. ದೂರಸಂಪರ್ಕ ಕಂಪನಿಗಳು ಎಜಿಆರ್ (ಹೊಂದಾಣಿಕೆ ಮಾಡಿದ ಒಟ್ಟು ವರಮಾನ), ಬಾಕಿ ಪಾವತಿಗಳು ಹಾಗೂ ತರಂಗಾಂತರಕ್ಕೆ ಸಂಬಂಧಿಸಿದ ಪಾವತಿಯ ಹೊರೆಯನ್ನು ಹೊತ್ತುಕೊಂಡಿವೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ದೂರಸಂಪರ್ಕ ಕಂಪನಿಗಳ ಸೇವಾ ಶುಲ್ಕ ಹೆಚ್ಚಾಗಬೇಕು, ಈ ಉದ್ಯಮದ ಮೇಲೆ ಸರ್ಕಾರ ವಿಧಿಸಿರುವ ಸುಂಕಗಳ ಪ್ರಮಾಣ ತಗ್ಗಬೇಕು ಎಂದು ಭಾರ್ತಿ ಏರ್ಟೆಲ್ ಕಂಪನಿಯ ಅಧ್ಯಕ್ಷ ಸುನಿಲ್ ಭಾರ್ತಿ ಮಿತ್ತಲ್ ಸೋಮವಾರ ಹೇಳಿದ್ದಾರೆ.</p>.<p>‘ಜನರು ಪ್ರತಿ ತಿಂಗಳು ಸರಾಸರಿ 16 ಜಿಬಿ ಡೇಟಾ ಬಳಕೆ ಮಾಡುತ್ತಿದ್ದಾರೆ. ದೂರಸಂಪರ್ಕ ಉದ್ಯಮವು ಇನ್ನಷ್ಟು ಲಾಭದಾಯಕ ಆಗಬೇಕು, ಬಂಡವಾಳಕ್ಕೆ ಪ್ರತಿಯಾಗಿ ಸೂಕ್ತ ಆದಾಯ ಬರಬೇಕು ಎಂದಾದರೆ ಸೇವಾ ಶುಲ್ಕವನ್ನು ಹೆಚ್ಚಿಸಬೇಕು’ ಎಂದು ಮಿತ್ತಲ್ ಅಭಿಪ್ರಾಯಪಟ್ಟಿದ್ದಾರೆ.</p>.<p>ಏರ್ಟೆಲ್ ಕಂಪನಿಯು ಶುಲ್ಕ ಹೆಚ್ಚಿಸಲು ಹಿಂದೇಟು ಹಾಕುವುದಿಲ್ಲ. ಕಳೆದ ಕೆಲವು ತಿಂಗಳುಗಳಲ್ಲಿ ಏರ್ಟೆಲ್ ತನ್ನ ಶುಲ್ಕದಲ್ಲಿ ತಂದಿರುವ ಬದಲಾವಣೆಗಳು ಇದಕ್ಕೆ ಸಾಕ್ಷಿ. ಕಂಪನಿಯು ತಾಳ್ಮೆ ಕಳೆದುಕೊಂಡಿದೆ ಎಂದು ಮಿತ್ತಲ್ ಹೇಳಿದ್ದಾರೆ. ಕಂಪನಿಯು ಕನಿಷ್ಠ ರಿಚಾರ್ಜ್ ಮೊತ್ತವನ್ನು ₹ 79ಕ್ಕೆ ಈಗಾಗಲೇ ಹೆಚ್ಚಿಸಿದೆ.</p>.<p>‘ಈ ಮೊತ್ತವು ಕಾಲಕ್ರಮೇಣ ₹ 99ಕ್ಕೆ ಏರಿಕೆ ಆಗಬಹುದೇ ಎಂಬ ಪ್ರಶ್ನೆಗೆ ನನ್ನ ಉತ್ತರ ಹೌದು ಎಂದಾಗಿರುತ್ತದೆ. ಆ ಏರಿಕೆ ಯಾವಾಗ ಆಗಬಹುದು ಎಂಬುದಷ್ಟೇ ಉಳಿದಿರುವ ಪ್ರಶ್ನೆ’ ಎಂದಿದ್ದಾರೆ. ಪ್ರತೀ ಗ್ರಾಹಕನಿಂದ ಪ್ರತಿ ತಿಂಗಳಿಗೆ ₹ 200 ಆದಾಯ ಬರುವಂತಹ ಸ್ಥಿತಿಗೆ ಉದ್ಯಮವು ತ್ವರಿತವಾಗಿ ಸಾಗಬೇಕು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.</p>.<p>‘ಉದ್ಯಮವು ನಂತರದಲ್ಲಿ ಪ್ರತೀ ಗ್ರಾಹಕನಿಂದ ₹ 300 ಆದಾಯ ಬರುವ ಹಂತವನ್ನೂ ತಲುಪಬೇಕು. ಆಗ ಗ್ರಾಹಕರು ಹೇರಳ ಡೇಟಾ, ಸಂಗೀತ, ಮನರಂಜನೆಯ ಸೌಲಭ್ಯವನ್ನು ಪಡೆಯಬಹುದು’ ಎಂದು ವಿವರಿಸಿದ್ದಾರೆ. ಈ ಉದ್ಯಮದ ಶೇಕಡ 35ರಷ್ಟು ಆದಾಯವು ಸುಂಕ ಪಾವತಿಗೇ ವಿನಿಯೋಗ ಆಗುತ್ತಿದೆ. ದೂರಸಂಪರ್ಕ ಕಂಪನಿಗಳು ಎಜಿಆರ್ (ಹೊಂದಾಣಿಕೆ ಮಾಡಿದ ಒಟ್ಟು ವರಮಾನ), ಬಾಕಿ ಪಾವತಿಗಳು ಹಾಗೂ ತರಂಗಾಂತರಕ್ಕೆ ಸಂಬಂಧಿಸಿದ ಪಾವತಿಯ ಹೊರೆಯನ್ನು ಹೊತ್ತುಕೊಂಡಿವೆ ಎಂದಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>