ಬೆಂಗಳೂರು: ಬೆಂಗಳೂರು ಮೂಲಕ ವಿಪ್ರೊ ಸಂಸ್ಥೆಯು ಹೊಸ ಉದ್ಯೋಗಿಗಳ ವೇತನವನ್ನು ಶೇ 50ರಷ್ಟು ಕಡಿತ ಮಾಡಿದೆ.
ನಿರೀಕ್ಷಿತ ಆರ್ಥಿಕ ಹಿಂಜರಿತದಿಂದಾಗಿ ವಿಪ್ರೊ ಈ ನಿರ್ಧಾರ ತೆಗೆದುಕೊಂಡಿರುವುದಾಗಿ ಮಾರುಕಟ್ಟೆ ತಜ್ಞರು ವಿಶ್ಲೇಷಿಸಿದ್ದಾರೆ.
ಕಂಪನಿಯ ಈ ನಿರ್ಧಾರಕ್ಕೆ ನೌಕರರ ಒಕ್ಕೂಟ NITES ವಿರೋಧಿಸಿದ್ದು, ಇದು ಅನ್ಯಾಯವಾಗಿದ್ದು, ಒಪ್ಪಿಕೊಳ್ಳಲು ಸಾಧ್ಯವಿಲ್ಲ ಎಂದು ಹೇಳಿದೆ.
ಇತ್ತೀಚೆಗಷ್ಟೇ ನೇಮಕ ಮಾಡಲು ಉದ್ದೇಶಿಸಿದ್ದ ಹೊಸ ನೌಕಕರಿಗೆ ವಾರ್ಷಿಕವಾಗಿ ₹6.5 ಲಕ್ಷ ವೇತನ ನೀಡುವುದೆಂದು ವಾಗ್ದಾನ ಮಾಡಲಾಗಿತ್ತು. ಆದರೆ ಇದೀಗ ₹ 3.5 ಲಕ್ಷ ವಾರ್ಷಿಕ ವೇತನಕ್ಕೆ ಒ‍ಪ್ಪಿಕೊಳ್ಳಿ ಅಥವಾ ಕಾಯಿರಿ ಎನ್ನುವ ಸಂದೇಶವನ್ನು ನೌಕರರಿಗೆ ಕಂಪನಿ ರವಾನಿಸಿದೆ.
ಕಂಪನಿಯ ಈ ನಿರ್ಧಾರ ನ್ಯಾಯ ಮತ್ತು ಪಾರದರ್ಶಕತೆಗೆ ವಿರುದ್ಧ ಎಂದಿರುವ ನೌಕರರ ಒಕ್ಕೂಟ, ಈ ನಿರ್ಧಾರವನ್ನು ಮರುಪರಿಶೀಲನೆ ಮಾಡಬೇಕು ಎಂದು ಆಗ್ರಹಿಸಿದೆ.
