ನಾನು ಬೆಂಗಳೂರಿನಲ್ಲಿ ಉದ್ಯೋಗಿ, ನನ್ನ ಪತ್ನಿ ಗೃಹಿಣಿ. ನನ್ನ ಸಂಪಾದನೆಯಿಂದ ಮನೆಯೊಂದನ್ನು ನಿರ್ಮಿಸಿದ್ದು, ಅದನ್ನು ಆಕೆಯ ಹೆಸರಲ್ಲಿ ನೋಂದಾಯಿಸಿದ್ದೇನೆ. ಮನೆ ನಿರ್ಮಾಣಕ್ಕೆ ಸಂಬಂಧಿಸಿದ ಎಲ್ಲ ಖರ್ಚು ಆಕೆಯ ಬ್ಯಾಂಕ್ ಖಾತೆಯಿಂದ ಆಗಿದೆ. ನನ್ನ ಉಳಿತಾಯದ ಬಹುಪಾಲು ಮೊತ್ತವನ್ನು ಆಕೆಯ ಖಾತೆಗೆ ವರ್ಗಾಯಿಸಿ ಈ ಪಾವತಿ ಮಾಡಿದ್ದೇವೆ. ಈ ಮನೆಯನ್ನು ನಾವು ನಿವೃತ್ತಿಯ ಸಮಯದಲ್ಲಿ ಬಳಸಿಕೊಳ್ಳುವ ಯೋಜನೆ ಇದೆ. ಈಗ ನಾವು ಉದ್ಯೋಗಕ್ಕೆ ಅನುಕೂಲ ಆಗಲಿ ಎಂದು ನಗರ ಪ್ರದೇಶದಲ್ಲಿ ಬಾಡಿಗೆ ಮನೆಯಲ್ಲಿ ಇದ್ದೇವೆ. ಹೀಗಾಗಿ ಹೊಸ ಮನೆಯನ್ನು ಬಾಡಿಗೆಗೆ ಕೊಡುವ ಸಾಧ್ಯತೆ ಇದೆ. ಈ ಮನೆ ನಿರ್ಮಾಣಕ್ಕೆ ಬ್ಯಾಂಕಿನಿಂದ ಒಂದಿಷ್ಟು ಸಾಲ ಪಡೆದಿದ್ದೇವೆ. ನನ್ನ ಪ್ರಶ್ನೆ ಏನೆಂದರೆ, ಈ ಬಾಡಿಗೆ ಮೊತ್ತವನ್ನು ಆಕೆ ತೆರಿಗೆಗಾಗಿ ತೋರಿಸಿಕೊಳ್ಳಬೇಕೆ? ಆಕೆಗೆ ಬೇರೆ ಯಾವ ಆದಾಯ ಇಲ್ಲ.
