ಉಕ್ರೇನ್ ಮೇಲೆ ರಷ್ಯಾ ದಾಳಿ: ದೇಶೀಯ ಷೇರುಪೇಟೆ ಕುಸಿತ

ರಷ್ಯಾ ಮತ್ತು ಉಕ್ರೇನ್ ಸಂಘರ್ಷದ ಹಿನ್ನೆಲೆಯಲ್ಲಿ ಇಂದಿನ ಕುಸಿತವೂ ಸೇರಿ ಸೆನ್ಸೆಕ್ಸ್ ಮತ್ತು ನಿಫ್ಟಿ ಸತತ ಏಳನೇ ದಿನವೂ ಕುಸಿತ ದಾಖಲಿಸಿವೆ.

ವರ್ಷದ ಆರಂಭಕ್ಕೆ ಹೋಲಿಸಿದರೆ ಸೆನ್ಸೆಕ್ಸ್ ಶೇಕಡ 5.01ರಷ್ಟು (2,914 ಅಂಶ) ಮತ್ತು ನಿಫ್ಟಿ ಶೇಕಡ 4.29 (744 ಅಂಶ) ಕುಸಿತ ದಾಖಲಿಸಿವೆ.

ಇಂಡಸ್‌ಲ್ಯಾಂಡ್ ಬ್ಯಾಂಕ್ ಷೇರುಗಳು ಶೇಕಡ 4.85 ರಷ್ಟು ಕುಸಿದಿದ್ದು, ₹ 904.60 ಬೆಲೆ ಇದೆ. ₹ 915ರಲ್ಲಿ ವಹಿವಾಟು ಆರಂಭವಾಗಿತ್ತು.

ಟೆಕ್ ಮಹೀಂದ್ರಾ ಐಟಿ ಷೇರುಗಳು ಶೇಕಡ 4.92 ರಷ್ಟು ಕುಸಿದು ₹ 1344ಕ್ಕೆ ಇಳಿದಿದೆ. ಭಾರ್ತಿ ಏರ್‌ಟೆಲ್ ಷೇರುಗಳು ಶೇಕಡ 4.39 ರಷ್ಟು ಕುಸಿದು, ₹ 673.73 ಬೆಲೆ ದಾಖಲಾಗಿದೆ.