ಬುಧವಾರ, ಏಪ್ರಿಲ್ 1, 2020
19 °C

ಷೇರುಪೇಟೆಯಲ್ಲಿ ಚಂಚಲತೆ: ರಿಲಯನ್ಸ್‌ ಚೇತರಿಕೆ, ಯೆಸ್‌ ಬ್ಯಾಂಕ್‌ ಶೇ 29 ಏರಿಕೆ

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ಮುಂಬೈ ಷೇರುಪೇಟೆ ಹೊರಗಿನ ಸೂಚ್ಯಂಕ ಪರದೆ ವೀಕ್ಷಿಸುತ್ತಿರುವ ಜನ – ಸಂಗ್ರಹ ಚಿತ್ರ

ಬೆಂಗಳೂರು: ಜಾಗತಿಕ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ದರ ಏರಿಕೆ ಕಂಡಿದ್ದು, ಬುಧವಾರ ರಿಲಯನ್ಸ್‌ ಇಂಡಸ್ಟ್ರೀಸ್‌ ಲಿಮಿಟೆಡ್‌ ಷೇರು ಗಳಿಕೆ ದಾಖಲಿಸಿದೆ. ಆದರೆ, ಹೂಡಿಕೆದಾರರಲ್ಲಿ ಕೊರೊನಾ ವೈರಸ್‌ ಆತಂಕ ಮುಂದುವರಿದು ಷೇರುಪೇಟೆ ವಹಿವಾಟಿನಲ್ಲಿ ಚಂಚಲತೆ ಸೃಷ್ಟಿಯಾಗಿದೆ. 

ಸಕಾರಾತ್ಮ ವಹಿವಾಟಿನ ಪರಿಣಾಮ ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌, 354 ಅಂಶ ಏರಿಕೆಯೊಂದಿಗೆ 35,989.07 ಅಂಶ ತಲುಪಿದೆ. ರಾಷ್ಟ್ರೀಯ ಷೇರುಪೇಟೆ ಸಂವೇದಿ ಸೂಚ್ಯಂಕ ನಿಫ್ಟಿ 83.60 ಅಂಶ ಹೆಚ್ಚಳದೊಂದಿಗೆ 10,535.05 ಅಂಶ ಮುಟ್ಟಿದೆ.

ಸೋಮವಾರ ಕಚ್ಚಾ ತೈಲ ದರ ಇಳಿಕೆಯಿಂದಾಗಿ ಶೇ 12.3ರಷ್ಟು ಕುಸಿತ ಕಂಡಿದ್ದ ರಿಲಯನ್ಸ್‌ ಷೇರು, ಇಂದು ಶೇ 4.12ರಷ್ಟು ಗಳಿಕೆಯೊಂದಿಗೆ ಪ್ರತಿ ಷೇರು ಬೆಲೆ 1,160.10 ಆಗಿದೆ. ಆರ್‌ಬಿಐ ನಿರ್ಬಂಧದಿಂದಾಗಿ ತೀವ್ರ ಕುಸಿತ ಕಂಡಿದ್ದ ಯೆಸ್‌ ಬ್ಯಾಂಕ್‌ ಷೇರು, ಶೇ 28.94ರಷ್ಟು ಏರಿಕೆಯಾಗಿದೆ. ಪ್ರತಿ ಷೇರು ಬೆಲೆ ₹27.40 ಆಗಿದೆ. 

ಐಟಿ, ಫಾರ್ಮಾ ಹಾಗೂ ಲೋಹ ವಲಯದ ಷೇರುಗಳು ಮಾರಾಟದ ಒತ್ತಡಕ್ಕೆ ಸಿಲುಕಿವೆ. ಬ್ಯಾಂಕ್‌, ಆಟೊಮೊಬೈಲ್‌ ಹಾಗೂ ಇಂಧನ ವಲಯದ ಷೇರುಗಳು ಗಳಿಕೆ ದಾಖಲಿಸಿವೆ. ಭಾರ್ತಿ ಏರ್‌ಟೆಲ್‌, ಹೀರೊ ಮೊಟೊಕಾರ್ಪ್‌, ಮಹೀಂದ್ರಾ ಆ್ಯಂಡ್‌ ಮಹೀಂದ್ರಾ, ಐಸಿಐಸಿಐ ಬ್ಯಾಂಕ್‌ ಸೇರಿದಂತೆ ಕೆಲವು ಕಂಪನಿಗಳ ಷೇರು ಬೆಲೆ ಹೆಚ್ಚಳವಾಗಿದೆ. 

ಇದನ್ನೂ ಓದಿ: ಎಸ್‌ಬಿಐ: ಸಾಲದ ಮೇಲಿನ ಬಡ್ಡಿ ದರ ಕಡಿತ, ಸ್ಥಿರ ಠೇವಣಿ ಬಡ್ಡಿಯೂ ಇಳಿಕೆ

ಸೋಮವಾರ ಒಂದೇ ದಿನ 1,941 ಅಂಶ ಕುಸಿತ ಕಂಡಿದ್ದ ಷೇರುಪೇಟೆ ವಹಿವಾಟಿಗೆ ಮಂಗಳವಾರ ಹೋಳಿ ಪ್ರಯುಕ್ತ ಬಿಡುವಿತ್ತು. 

ಡಾಲರ್‌ ಎದುರು ರೂಪಾಯಿ ಮೌಲ್ಯ ಚೇತರಿಕೆ ಕಂಡಿದ್ದು, ₹73.58ರಲ್ಲಿ ವಹಿವಾಟು ನಡೆದಿದೆ. 

ಇದನ್ನೂ ಓದಿ: 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು