ಮುಂಬೈ: ಸೋಮವಾರ ಷೇರುಪೇಟೆಯಲ್ಲಿ ಹೊಸ ದಾಖಲೆ ಸೃಷ್ಟಿಯಾಗಿದ್ದು, ಇದೇ ಮೊದಲ ಬಾರಿಗೆ 51,000ಕ್ಕೂ ಹೆಚ್ಚು ಅಂಶಗಳಲ್ಲಿಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ ದಿನದ ವಹಿವಾಟು ಮುಕ್ತಾಯವಾಗಿದೆ. ಇನ್ಫೊಸಿಸ್‌, ಐಸಿಐಸಿಐ ಬ್ಯಾಂಕ್‌ ಹಾಗೂ ರಿಲಯನ್ಸ್‌ ಇಂಡಸ್ಟ್ರೀಸ್‌ ಕಂಪನಿಗಳ ಷೇರು ಗಳಿಕೆ ದಾಖಲಿಸಿವೆ.
ಜಾಗತಿಕ ಷೇರುಪೇಟೆಗಳ ಸಕಾರಾತ್ಮ ವಹಿವಾಟು ಪರಿಣಾಮ ದೇಶದ ಷೇರುಪೇಟೆಯ ಮೇಲೂ ಆಗಿದೆ. ದಿನದ ವಹಿವಾಟಿನಲ್ಲಿ ಸಾರ್ವಕಾಲಿಕ ದಾಖಲೆಯಾದ 51,523.38 ಅಂಶಗಳನ್ನು ಮುಟ್ಟಿದ್ದ ಸೆನ್ಸೆಕ್ಸ್‌, ವಹಿವಾಟು ಅಂತ್ಯಕ್ಕೆ 617.14 ಅಂಶಗಳು (ಶೇ 1.22ರಷ್ಟು) ಏರಿಕೆಯಾಗಿ 51,348.77 ಅಂಶಗಳನ್ನು ತಲುಪಿತು.
ರಾಷ್ಟ್ರೀಯ ಷೇರುಪೇಟೆ ಸಂವೇದಿ ಸೂಚ್ಯಂಕ ನಿಫ್ಟಿ ಸಹ ಶೇ 1.28ರಷ್ಟು (191.55 ಅಂಶಗಳು) ಹೆಚ್ಚಳದೊಂದಿದೆ ಸಾರ್ವಕಾಲಿಕ ಗರಿಷ್ಠ ಮಟ್ಟ 15,115.80 ಅಂಶಗಳಲ್ಲಿ ದಿನದ ವಹಿವಾಟು ಕೊನೆಯಾಗಿದೆ. ಇಂದು ನಿಫ್ಟಿ 15,159.90 ಅಂಶಗಳ ವರೆಗೂ ಏರಿಕೆಯಾಗಿತ್ತು. ಸತತ ಆರನೇ ದಿನವೂ ಷೇರುಪೇಟೆಯಲ್ಲಿ ಗೂಳಿ ಓಟ ಸಾಗಿದೆ.
