ದಿನದ ಸೂಕ್ತಿ: ಹೌದು, ಒಳ್ಳೆಯತನಕ್ಕೆ ಕಷ್ಟ

ನೈರ್ಗುಣ್ಯಮೇವ ಸಾಧೀಯೋ ಧಿಗಸ್ತು ಗುಣಗೌರವಮ್ । ಶಾಖಿನೋsನ್ಯೇ ವಿರಾಜಂತೇ ಖಂಡ್ಯಂತೇ ಚಂದನದ್ರುಮಾಃ ।।

. ಇದರ ತಾತ್ಪರ್ಯ ಹೀಗೆ:

. ‘ಒಳ್ಳೆಯ ಗುಣಗಳಿಲ್ಲದಿರುವುದೇ ಮೇಲು. ಒಳ್ಳೆಯ ಗುಣಗಳಿಂದ ದಕ್ಕುವ ಗೌರವವೂ ಬೇಡ. ಬೇರೆ ಮರಗಳು ರೆಂಬೆಕೊಂಬೆಗಳಿಂದ ಮೆರೆಯುತ್ತಿರುವಾಗ ಶ್ರೀಗಂಧದ ಮರಗಳು ಕತ್ತರಿಸಲ್ಪಡುತ್ತಿವೆಯಲ್ಲ!’

. ನಮ್ಮ ಒಳ್ಳೆಯತನ, ಸೌಜನ್ಯಗಳೇ ನಮಗೆ ಮಾರಕವಾಗುವ ಸಾಧ್ಯತೆಗಳುಂಟು. ಅಂಥ ಸಂದರ್ಭದಲ್ಲಿ ನಾವು ಹತಾಶರಾಗುವುದೂ ಉಂಟು. ಅಂಥ ಸಂದರ್ಭದಲ್ಲಿ ನಮ್ಮಿಂದ ಹೊರಡಬಹುದಾದ ಉದ್ಗಾರಕ್ಕೆ ಸಮನಾಗಿದೆ ಈ ಸುಭಾಷಿತದ ಉದ್ಗಾರ.

. ಒಳ್ಳೆಯತನ ಒಳ್ಳೆಯದೇ! ಆದರೆ ಅದರ ಮೂಲಕ ಜೀವನವನ್ನು ರೂಪಿಸಿಕೊಳ್ಳುವುದು ಸುಲಭವಲ್ಲ. ಏಕೆಂದರೆ ಒಳ್ಳೆಯತನ ಎಂಬುದು ಸದಾ ದಾಳಿಗೆ ಒಳಗಾಗಬಲ್ಲದು, ಮೋಸಕ್ಕೆ ತುತ್ತಾಗಬಹುದು.

. ಒಂದು ಉದಾಹರಣೆಯನ್ನು ನೋಡೋಣ. ಒಬ್ಬ ವ್ಯಕ್ತಿಗೆ ಸಹಾಯ ಮಾಡುವ ಗುಣ ಇದೆ; ಕಷ್ಟದಲ್ಲಿರುವವರಿಗೆ ಹಣವನ್ನು ಸಹಾಯಮಾಡುವ ಬುದ್ಧಿಯೂ ಇದೆ. ಪಾಪ! ಕ್ರಮೇಣ ಅವನ ಪರಿಸ್ಥಿತಿ ಯಾವ ಹಂತವನ್ನು ತಲಪುತ್ತದೆ? ಜನರಿಂದ ನಡೆಯವ ಅವನ ಈ ಒಳ್ಳೆಯ ಗುಣದ ದುರುಪಯೋಗದಿಂದ ಬೇಸತ್ತು ಅವನು ’ಈ ಜನರ ಸಹವಾಸವೇ ಸಾಕಪ್ಪ‘ ಎಂಬ ಸ್ಥಿತಿಯನ್ನು ಮುಟ್ಟುತ್ತಾನಲ್ಲವೆ?

. ಎಲ್ಲ ಒಳ್ಳೆಯವರ ಪಾಡು ಹೆಚ್ಚು ಕಡಿಮೆ ಹೀಗೆ ಆಗುತ್ತದೆ. ಕಬ್ಬಿನ ಜಲ್ಲೆಯನ್ನು ಹಿಂಡುವಂತೆ ಜನರು ಅವರನ್ನು ಹಿಂಸಿಸುತ್ತಾರೆ. ಇದು ಹೇಗೆಂದರೆ ರಸ್ತೆಯ ನಿಯಮಗಳನ್ನು ಪಾಲಿಸುವವನಿಗೇ ಹೆಚ್ಚು ದಂಡ ಕಟ್ಟುವ ಸನ್ನಿವೇಶ ಉಂಟಾಗುವಂತೆ!

. ಸುಭಾಷಿತ ಇಲ್ಲಿ ಹೇಳಿರುವ ಉದಾಹರಣೆಯೂ ಚೆನ್ನಾಗಿದೆ.

. ಕಾಡಿನಲ್ಲಿ ಹಲವು ಜಾತಿಯ ಮರಗಳು ಬೆಳೆಯುತ್ತಿರುತ್ತವೆ. ಅವುಗಳ ಜೊತೆಗೆ ಶ್ರೀಗಂಧದ ಮರಗಳೂ ಬೆಳೆಯುತ್ತಿರುತ್ತವೆ. ಈ ಮರಗಳಲ್ಲಿ ಹೆಚ್ಚಿನ ಅಪಾಯ ಯಾವುದಕ್ಕೆ? ಶ್ರೀಗಂಧದ ಮರಗಳಿಗೆ ತಾನೆ? ಈ ಅಪಾಯವಾದರೂ ಏಕೆ? ಅವುಗಳ ಒಳ್ಳೆಯತನ, ಎಂದರೆ ಸುಗಂಧವನ್ನು ನೀಡಬಲ್ಲ ಗುಣ. ಸುಭಾಷಿತ ಈ ಸುಗಂಧವನ್ನೇ ಒಳ್ಳೆಯತನಕ್ಕೆ ಹೋಲಿಸಿದೆ.

. ಹೌದು, ಒಳ್ಳೆಯತನಕ್ಕೆ ಗೌರವ ಸಿಗುತ್ತದೆ. ಆದರೆ ಅದಕ್ಕೆ ತೆರಬೇಕಾದ ಬೆಲೆಯೂ ಅಧಿಕವೇ ಆಗಿರುತ್ತದೆ. ಹೀಗಾಗಿ ಒಳ್ಳೆಯತನವೂ ಬೇಡ, ಅದರಿಂದ ಸಿಗುವ ಗೌರವವೂ ಬೇಡ; ಈ ಒಳ್ಳೆಯತನ, ಗೌರವಗಳೇ ಕೊನೆಗೆ ಮುಳುವಾಗುತ್ತದೆ ಎಂದು ಹತಾಶೆಯಿಂದ ನುಡಿಯುತ್ತಿದೆ ಸುಭಾಷಿತ. ಒಳ್ಳೆಯವರನ್ನು ಜನರು ಕೆಣಕುತ್ತಾರೆ; ದುಷ್ಟರನ್ನು ಕಂಡು ಹೆದರಿ ದೂರ ಓಡುತ್ತಾರೆ.

. ಭಾರತೀಯರ ಒಳ್ಳೆಯತನದ ಕಾರಣದಿಂದಲೇ ಈ ದೇಶ ಹಲವು ರೀತಿಯ ಸಂಕಷ್ಟಗಳನ್ನು ಎದುರಿಸಿರುವುದನ್ನು ನಾವು ಇತಿಹಾಸದಲ್ಲಿ ಗಮನಿಸಬಹುದು. ಈಗಲೂ ಈ ಕಷ್ಟಪರಂಪರೆ ಮುಂದುವರೆದಿರುವುದು ಸುಳ್ಳಲ್ಲ.

. ಒಳ್ಳೆಯತನ ಕೆಟ್ಟದ್ದಲ್ಲ; ಆದರೆ ಅದು ನಮ್ಮ ನಾಶಕ್ಕೆ ಮೂಲವಾಗಬಾರದು ಎಂಬ ಎಚ್ಚರಿಕೆಯೂ ಒಳ್ಳೆಯತನದ ಜೊತೆಗೆ ಇರಬೇಕು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಹೌದು, ಒಳ್ಳೆಯತನಕ್ಕೆ ಕಷ್ಟ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಗಳಿಗೆ ಸಮಾನ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’