ದಿನದ ಸೂಕ್ತಿ: ಆಸೆಯ ಬಲೆ

ಸಿಲಂ ಕಮನಲಂ ಭವೇದನಲಮೌದರಂ ಬಾಧಿತುಂ ಪಯಃ ಪ್ರಸೃತಿಪೂರಕಂ ಕಿಮುನ ಧಾರಕಂ ಸಾರಸಮ್ । ಅಯತ್ನ ಮಲವಲ್ಲಿಕಂ ಪಥಿಪಟಚ್ಚರಂ ಕಚ್ಚರಂ ಭಜಂತಿ ವಿಬುಧಾ ಮುಧಾ ಹ್ಯಹಹ ಕುಕ್ಷಿತಃ ಕುಕ್ಷಿತಂ ।।

. ಇದರ ತಾತ್ಪರ್ಯ ಹೀಗೆ:

. ‘ಹೊಟ್ಟೆಯ ಹಸಿವಿನ ಬೆಂಕಿಯನ್ನು ಆರಿಸಲು ಆರಿಸಿದ ಕಾಳುಗಳು ಸಾಲವೆ? ಸರೋವರದ ಬೊಗಸೆನೀರು ಶರೀರವನ್ನು ಕಾಪಾಡಲಾರದೆ? ದಾರಿಯಲ್ಲಿ ಸಿಕ್ಕುವ ಹರಿದ ಚಿಂದಿ ಬಟ್ಟೆಗಳು ಸುಲಭವಾಗಿ ಒದಗುವ ಕೌಪೀನವಾಗಲಾರವೆ? ಆದರೆ, ತಿಳಿವಳಿಕೆಯನ್ನುಳ್ಳವರು ಕೂಡ ಹೊಟ್ಟೆಗಾಗಿ ರಾಜರನ್ನು ವ್ಯರ್ಥವಾಗಿ ಆಶ್ರಯಿಸುತ್ತಾರಲ್ಲ, ಅಯ್ಯೋ!’

. ರಾಜಕಾರಣಿಗಳ ಹಿಂದು ಮುಂದೆ ಹಲ್ಲುಗಿಂಜುತ್ತ ಸ್ವಾರ್ಥಕ್ಕಾಗಿ ಓಡಾಡುವ ಸ್ವಘೋಷಿತ ಬುದ್ಧಿಜೀವಿಗಳು, ಕಲಾವಿದರು, ಪತ್ರಕರ್ತರು ಮುಂತಾದವರಿಗೆ ಚೆನ್ನಾಗಿ ಅನ್ವಯವಾಗುವಂತಿದೆ ಈ ಸುಭಾಷಿತ.

. ನಾವು ಬದುಕುವುದಕ್ಕೆ ಬೇಕಾದ ಅತ್ಯಂತ ಆವಶ್ಯಕ ವಸ್ತುಗಳು ಯಾವುವು? ಆಹಾರ, ನೀರು, ಬಟ್ಟೆ, ಇರಲು ಒಂದು ನೆಲೆ –ಇಷ್ಟಿದ್ದರೆ ಸಾಕಲ್ಲವೆ?

. ಇವು ಕೂಡ ಯಾವ ಪ್ರಮಾಣದಲ್ಲಿ ಬೇಕಾಗುತ್ತವೆ?

. ಆಹಾರ ನಮಗೆ ಬೇಕೆಂದು ಎಷ್ಟು ಮೂಟೆಗಳ ಅಕ್ಕಿಯನ್ನು ಸಂಗ್ರಹಿಸುವುದು? ನೀರು ಬೇಕೆಂದು ನಮಗಾಗಿಯೇ ಒಂದು ಅಣೆಕಟ್ಟನ್ನು ಕಟ್ಟಿಸಿಕೊಳ್ಳಬೇಕೆ? ಬಟ್ಟೆ ಬೇಕೆಂದು ಎಷ್ಟು ಜೊತೆ ಸೀರೆ ಪಂಚೆ ಪ್ಯಾಂಟುಗಳನ್ನು ಸಂಗ್ರಹಿಸುವುದು? ಇರಲು ಜಾಗ ಬೇಕು, ನಿಜ; ಆದರೆ ಎಷ್ಟು ಎಕರೆಯಲ್ಲಿ ಮನೆ ಕಟ್ಟಬೇಕು?

. ನಮಗೆ ಬದುಕುವುದಕ್ಕೆ ಎಷ್ಟು ಬೇಕೋ ಅಷ್ಟು ಮಾತ್ರವೇ ಸಾಕು ಎಂಬ ಮಾನಸಿಕತೆ ನಮ್ಮದಾದರೆ ಆಗ ನಮ್ಮ ಜೀವನದ ಹಾದಿ ಸುಗಮವಾಗಿಯೇ ಸಾಗುತ್ತದೆ. ಕಷ್ಟಪಟ್ಟು ನಮಗೆ ಬೇಕಾದುದನ್ನು ನಾವೇ ಸಂಪಾದಿಸಿಕೊಳ್ಳಬಹುದು; ನಮ್ಮ ಸ್ವಾಭಿಮಾನವನ್ನೂ ಕಾಪಾಡಿಕೊಳ್ಳಬಹುದು. ಹೀಗಲ್ಲದೆ ಅತಿಯಾಸೆಯನ್ನು ಪಟ್ಟರೆ ಆಗ ಕಂಡವರ ಮುಂದೆ ಕೈಕಟ್ಟಿ ನಿಲ್ಲಬೇಕಾಗುತ್ತದೆ; ಅವರಿವರ ಮುಂದೆ ಹಲ್ಲುಗಿಂಜುತ್ತ ಕೈ ಮುಗಿಯಬೇಕಾಗುತ್ತದೆ; ಎಷ್ಟೋ ಜನರನ್ನು ಮೋಸದಿಂದ ವಂಚಿಸಲೂ ಬೇಕಾಗುತ್ತದೆ.

. ನಮ್ಮದು ಕೇವಲ ಅನ್ನ–ಬಟ್ಟೆಗಳ ಹಸಿವು ಮಾತ್ರವೇ ಅಲ್ಲ; ನಮ್ಮ ಹಸಿವೆಗೆ ಕೊನೆಯೇ ಇಲ್ಲ. ಮಂಕುತಿಮ್ಮನ ಕಗ್ಗದ ಈ ಪದ್ಯ ನಮ್ಮ ಹಸಿವಿನ ಹಾಹಾಕಾರವನ್ನು ಸೊಗಸಾಗಿ ಅನಾವರಣ ಮಾಡಿದೆ:

. ಅನ್ನದಾತುರಕಿಂತ ಚಿನ್ನದಾತುರ ತೀಕ್ಷ್ಣ । ಚಿನ್ನದಾತುರಕಿಂತ ಹೆಣ್ಣುಗಂಡೊಲವು ।। ಮನ್ನಣೆಯ ದಾಹವೀಯೆಲ್ಲಕಂ ತೀಕ್ಷ್ಣತಮ । ತಿನ್ನುವುದದಾತ್ಮವನೆ – ಮಂಕುತಿಮ್ಮ ।।

. ನಮ್ಮದು ಕೇವಲ ಅನ್ನ–ನೀರು–ಬಟ್ಟೆಗಳ ಸಮಸ್ಯೆಯಾದರೆ ಅದನ್ನು ಬಹಳ ಸುಲಭವಾಗಿ ಪೂರೈಸಿಕೊಳ್ಳಬಹುದು ಎಂದು ಸುಭಾಷಿತ ಹೇಳಿದೆ: ’ಹೊಟ್ಟೆಯ ಹಸಿವಿನ ಬೆಂಕಿಯನ್ನು ಆರಿಸಲು ಆರಿಸಿದ ಕಾಳುಗಳು ಸಾಲವೆ? ಸರೋವರದ ಬೊಗಸೆನೀರು ಶರೀರವನ್ನು ಕಾಪಾಡಲಾರದೆ? ದಾರಿಯಲ್ಲಿ ಸಿಕ್ಕುವ ಹರಿದ ಚಿಂದಿ ಬಟ್ಟೆಗಳು ಸುಲಭವಾಗಿ ಒದಗುವ ಕೌಪೀನವಾಗಲಾರವೆ?‘

. ಆದರೆ ನಮ್ಮ ಆಸೆಗಳಿಗೆ ಮಿತಿಯೇ ಇಲ್ಲ. ಹಣವನ್ನು ಲೂಟಿಮಾಡುವುದಕ್ಕಾಗಿಯೋ, ಪ್ರಶಸ್ತಿಗಳನ್ನು ದೋಚಿಕೊಳ್ಳುವುದಕ್ಕಾಗಿಯೋ, ಪದವಿಗಳನ್ನು ಕಬಳಿಸುವುದಕ್ಕಾಗಿಯೋ ರಾಜಕಾರಣಿಗಳ ಹಿಂದೆಮುಂದೆ ಓಡಾಡುವ ನಮ್ಮ ದೈನ್ಯವನ್ನು ಸುಭಾಷಿತ ಹಂಗಿಸುತ್ತಿದೆ; ಅದೂ ವಿದ್ಯಾವಂತರು ಹೀಗೆ ಮಾಡುತ್ತಿದ್ದಾರಲ್ಲ – ಎಂದು ಅದು ಕೊರಗುತ್ತಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಆಸೆಯ ಬಲೆ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌