ದಿನದ ಸೂಕ್ತಿ: ಜೀವನವೇ ವ್ಯರ್ಥವಾದೀತು, ಎಚ್ಚರ!

ವೃಥಾ ವೃಷ್ಟಿಃ ಸಮುದ್ರೇಷು ವೃಥಾ ತೃಪ್ತಸ್ಯ ಭೋಜನಮ್ । ವೃಥಾ ದಾನಂ ಸಮರ್ಥೇಭ್ಯೋ ವೃಥಾ ದೀಪೋ ದಿವಾಪಿ ಚ ।।

. ಇದರ ತಾತ್ಪರ್ಯ ಹೀಗೆ:

. ‘ಸಮುದ್ರದಲ್ಲಿ ಮಳೆಯೂ, ಹೊಟ್ಟೆ ತುಂಬಿದವನಿಗೆ ಊಟವೂ ವ್ಯರ್ಥ; ಸಮರ್ಥರಿಗೆ ದಾನಮಾಡುವುದು ವ್ಯರ್ಥ; ಹಗಲು ಹೊತ್ತಿನಲ್ಲಿ ದೀಪ ವ್ಯರ್ಥ.’

. ಸೃಷ್ಟಿಯಲ್ಲಿ ಪ್ರತಿಯೊಂದು ವಸ್ತುವಿಗೂ ಅದರದ್ದೇ ಆದ ಮಹತ್ವವಿದೆ; ಯಾವ ವಸ್ತುವೂ ವ್ಯರ್ಥ ಅಲ್ಲ. ಆದರೆ ಕೆಲವೊಮ್ಮೆ ವ್ಯರ್ಥವೂ ಆಗಬಲ್ಲದು. ಇದು ಯಾವಾಗ? ಯಾವ ವಸ್ತು ಎಲ್ಲಿರಬಾರದೋ ಅಲ್ಲಿ ಅದು ಇದ್ದರೆ ಆಗ ಅದು ವ್ಯರ್ಥವೇ ಅಗುತ್ತದೆ. ಸುಭಾಷಿತ ಇಂಥದ್ದೇ ವಿಷಯವನ್ನು ಹೇಳುತ್ತಿರುವುದು.

. ಮಳೆ ಬೇಕು. ಏಕೆಂದರೆ ನೀರು ಇಲ್ಲದೆ ನಮ್ಮ ಜೀವನವೇ ಇಲ್ಲ. ಆದರೆ ಮಳೆ ಎಲ್ಲಿ ಬರಬೇಕೋ ಅಲ್ಲೇ ಬೀಳಬೇಕು. ಮಳೆ ಸಮುದ್ರದಲ್ಲಿ ಬಿದ್ದರೆ ಏನು ಪ್ರಯೋಜನ? ಅದು ನೆಲದ ಮೇಲೆ ಬೀಳಬೇಕು; ಆಗಲೇ ಉಪಯೋಗ, ಸಾರ್ಥಕತೆ.

. ಅನ್ನ ಎಲ್ಲರಿಗೂ ಬೇಕು, ದಿಟ; ಆದರೆ ಯಾವಾಗ ಬೇಕು? ಹಸಿದಿರುವಾಗ ಅನ್ನ ಬೇಕೇ ಹೊರತು ಹೊಟ್ಟೆ ತುಂಬಿರುವಾಗ ಬೇಡ. ಒಬ್ಬ ವ್ಯಕ್ತಿಗೆ ಹೊಟ್ಟೆ ತುಂಬಿ ತೃಪ್ತನಾಗಿರುವಾಗ ಎಂಥ ಪರಮಾನ್ನವನ್ನು ಅವನಿಗೆ ಬಡಿಸಿದರೂ ಅದನ್ನು ಅವನು ತಿನ್ನಲಾರ, ಬಡಿಸಿದ ಅನ್ನ ಆಗ ವ್ಯರ್ಥವೇ ಸರಿ.

. ಕಷ್ಟದಲ್ಲಿರುವವರಿಗೆ ಸಹಾಯ ಮಾಡಬೇಕೇ ವಿನಾ ಸುಖದಲ್ಲಿರುವವರಿಗೆ ಅಲ್ಲ. ಸುಭಾಷಿತ ಅದನ್ನೇ ಹೇಳುತ್ತಿರುವುದು. ದಾನವನ್ನು ಯೋಗ್ಯರಿಗೆ ಮಾಡಬೇಕು ಎಂದು ಶಾಸ್ತ್ರಗಳು ಕೂಡ ಹೇಳುತ್ತವೆ. ಯೋಗ್ಯರು ಎಂದರೆ ಗುಣದಿಂದಲೂ ಯೋಗ್ಯರಾಗಿರಬೇಕು; ಅವರಿಗೆ ದಾನದ ಆವಶ್ಯಕತೆಯೂ ಇರಬೇಕು. ಅಂಥವರಿಗೆ ಮಾತ್ರವೇ ನಮ್ಮ ದಾನ ಸಲ್ಲಬೇಕು. ಹೀಗಲ್ಲದೆ ಯಾರಿಗೋ ಒಬ್ಬರಿಗೆ ದಾನ ಕೊಟ್ಟರೆ ಆಯಿತು ಎಂದು ಹೊಟ್ಟೆ ತುಂಬಿರುವವರಿಗೂ ಕೊಟ್ಟರೆ ಅದು ವ್ಯರ್ಥದಾನವಾಗುತ್ತದೆ ಅಷ್ಟೆ.

. ಬೆಳಗಿನ ಹೊತ್ತಿನಲ್ಲಿ ದೀಪದ ಆವಶ್ಯಕತೆ ಇರುವುದಿಲ್ಲ. ಸೂರ್ಯನ ಮುಂದೆ ಎಂಥ ದೀಪವಾದರೂ ಎಷ್ಟಾದರೂ ಬೆಳಕನ್ನು ಕೊಟ್ಟೀತು? ಹೀಗಾಗಿ ಸೂರ್ಯನ ಬೆಳಕಿನಲ್ಲಿ ದೀಪವನ್ನು ಬೆಳಗಲು ಸಿದ್ಧರಾದರೆ ಲೋಕ ನಮ್ಮನ್ನು ಹುಚ್ಚರು ಎಂದು ಕರೆಯುವುದು ಖಂಡಿತ.

. ಹೀಗೆಯೇ ಮನೆಯಲ್ಲಿ ಯಾವ ವಸ್ತು ಎಲ್ಲಿರಬೇಕೋ ಅಲ್ಲಿದ್ದರೆ ಮಾತ್ರವೇ ಅದಕ್ಕೆ ಬೆಲೆ, ಮರ್ಯಾದೆ. ತರಕಾರಿ ಎಲ್ಲಿರಬೇಕೋ ಅಲ್ಲಿಯೇ ಇರಬೇಕು; ಒಲೆ ಎಲ್ಲಿರಬೇಕೋ ಅಲ್ಲಿಯೇ ಇರಬೇಕು; ಊಟವನ್ನು ಎಲ್ಲಿ ಮಾಡಬೇಕೋ ಅಲ್ಲಿಯೇ ಮಾಡಬೇಕು. ಹೀಗೆಯೇ ನಾವು ಎಲ್ಲೆಲ್ಲಿ ಹೇಗಿರಬೇಕೋ ಅಲ್ಲಲ್ಲಿ ಹಾಗೆಯೇ ಇರಬೇಕು. ಇಲ್ಲವಾದಲ್ಲಿ ನಮ್ಮ ವ್ಯಕ್ತಿತ್ವಕ್ಕೆ ಬೆಲೆಯೂ ಇರುವುದಿಲ್ಲ; ಮಾತ್ರವಲ್ಲ, ನಮ್ಮ ಜೀವನವೇ ವ್ಯರ್ಥವಾಗುವುದು ಖಂಡಿತ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ದಿನದ ಸೂಕ್ತಿ: ಜೀವನವೇ ವ್ಯರ್ಥವಾದೀತು, ಎಚ್ಚರ!

ಚಿನಕುರುಳಿ: ಗುರುವಾರ, 18 ಸೆಪ್ಟೆಂಬರ್ 2025

ದಸರಾಗೆ ಬಾನು ಮುಷ್ತಾಕ್: ಸುಪ್ರೀಂ ಕೋರ್ಟ್‌ನಲ್ಲಿ ಇಂದು ಮೇಲ್ಮನವಿ ಅರ್ಜಿ ವಿಚಾರಣೆ

ಚುರುಮುರಿ: ಮಂತ್ರಿ ಸಂದರ್ಶನ

ರಾಜ್ಯ ಸುತ್ತಿದ್ದು ನಾನು, ಹೆಸರು ಇನ್ಯಾರಿಗೋ...: ಸಿಎಂ ಸಿದ್ದರಾಮಯ್ಯ ಅಸಮಾಧಾನ

Asia Cup: ಪಾಕಿಸ್ತಾನ ವಿರುದ್ಧ ಕ್ರಮಕ್ಕೆ ಐಸಿಸಿ ಚಿಂತನೆ

ವಿಶ್ವ ಕುಸ್ತಿ: ಭಾರತದ ಪೈಲ್ವಾನರಿಗೆ ನಿರಾಸೆ

ಕ್ಯಾಪ್ಟನ್‌ ತಿಮ್ಮಪ್ಪಯ್ಯ ಸ್ಮಾರಕ ಕ್ರಿಕೆಟ್‌ ಟೂರ್ನಿ: KSCA ಕೋಲ್ಟ್ಸ್‌ಗೆ ಜಯ

ಪ್ರೊ ಕಬಡ್ಡಿ ಲೀಗ್: ನಿತಿನ್ ಮಿಂಚು; ಪಿಂಕ್ ಪ್ಯಾಂಥರ್ಸ್‌ಗೆ ರೋಚಕ ಜಯ

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಚಿನಕುರುಳಿ: ಗುರುವಾರ, 18 ಸೆಪ್ಟೆಂಬರ್ 2025

ದಸರಾಗೆ ಬಾನು ಮುಷ್ತಾಕ್: ಸುಪ್ರೀಂ ಕೋರ್ಟ್‌ನಲ್ಲಿ ಇಂದು ಮೇಲ್ಮನವಿ ಅರ್ಜಿ ವಿಚಾರಣೆ

ಚುರುಮುರಿ: ಮಂತ್ರಿ ಸಂದರ್ಶನ

ರಾಜ್ಯ ಸುತ್ತಿದ್ದು ನಾನು, ಹೆಸರು ಇನ್ಯಾರಿಗೋ...: ಸಿಎಂ ಸಿದ್ದರಾಮಯ್ಯ ಅಸಮಾಧಾನ