ಬಾಗಲಕೋಟೆ: ಸಾರಿಗೆ ಸಂಸ್ಥೆಗೆ ಶ್ರೀಶೈಲ ಭಕ್ತರ ಬಲ

ಬಾಗಲಕೋಟೆ : ಶ್ರೀಶೈಲ ಜಾತ್ರೆಗೆ ಸಾವಿರಾರು ಭಕ್ತರು ಪಾದಯಾತ್ರೆ ಮೂಲಕ ತೆರಳುತ್ತಾರೆ. ಪಾದಯಾತ್ರೆ ಮೂಲಕ ಹೋಗಲಾರದವರು ಸ್ವಂತ ವಾಹನ, ಸಾರಿಗೆ ಸಂಸ್ಥೆ ಬಸ್ಗಳಲ್ಲಿ ಹೋಗುತ್ತಾರೆ. ಭಕ್ತರಿಗಾಗಿ ಸಾರಿಗೆ ಸಂಸ್ಥೆ ವಿಶೇಷ ಬಸ್ ವ್ಯವಸ್ಥೆ ಮಾಡಿದೆ.

. ಒಂಬತ್ತು ದಿನಗಳಲ್ಲಿ 137 ವಿಶೇಷ ಬಸ್ಗಳು ಶ್ರೀಶೈಲಕ್ಕೆ ಹೋಗಿ, ಬಂದಿವೆ. ವಾಯವ್ಯ ಕರ್ನಾಟಕ ಸಾರಿಗೆ ಸಂಸ್ಥೆಗೆ ₹1.08 ಕೋಟಿ ಆದಾಯ ಸಂಗ್ರಹವಾಗಿದೆ.

. ಪಾದಯಾತ್ರೆ ಹೊರಡುವವರು ಜಾತ್ರೆಗೆ ಇನ್ನೂ ಹದಿನೈದು ದಿನಗಳ ಕಾಲ ಇದೆ ಎನ್ನುವಾಗಲೇ ಹೊರಟು ಬಿಡುತ್ತಾರೆ. ಅವರಲ್ಲದೇ ವಾಹನಗಳಲ್ಲಿ ತೆರಳುವವರಿಗಾಗಿ ಶ್ರೀಶೈಲ ಮಲ್ಲಿಕಾರ್ಜುನನ ದರ್ಶನಕ್ಕೆ ಹೋಗಲು ಸಾರಿಗೆ ಸಂಸ್ಥೆಯು ವಿಶೇಷ ಬಸ್ ವ್ಯವಸ್ಥೆ ಮಾಡಿದೆ.

. ಜಿಲ್ಲೆಯಲ್ಲಿ ಮಲ್ಲಿಕಾರ್ಜುನನ ಭಕ್ತರ ಸಂಖ್ಯೆ ದೊಡ್ಡ ಪ್ರಮಾಣದಲ್ಲಿದೆ. ಜಿಲ್ಲೆಯ ಎಲ್ಲ ಡಿಪೊಗಳಿಂದಲೂ ವಿಶೇಷ ಬಸ್ ವ್ಯವಸ್ಥೆ ಮಾಡಲಾಗಿದೆ. ಒಂದೇ ಗ್ರಾಮದಿಂದ ಐವತ್ತು ಜನರು ಹೊರಟರೆ ಆ ಗ್ರಾಮದಿಂದಲೇ ವಿಶೇಷ ಬಸ್ ವ್ಯವಸ್ಥೆ ಮಾಡಲಾಗುತ್ತಿದೆ. ಹಲವು ಗ್ರಾಮಗಳ ಜನರು ಬುಕ್ ಮಾಡಿದ್ದು, ಜನರು ಗುಂಪು, ಗುಂಪಾಗಿ ಹೊರಟಿದ್ದಾರೆ.

. ಬಾಗಲಕೋಟೆ–ಶ್ರೀಶೈಲಕ್ಕೆ ₹935 ದರ ನಿಗದಿ ಮಾಡಲಾಗಿದೆ. ಜಿಲ್ಲೆಯ ವಿವಿಧ ಸ್ಥಳಗಳಿಂದ ವಿವಿಧ ದರ ನಿಗದಿ ಮಾಡಲಾಗಿದೆ. ಮಹಾನಂದಿ, ಮಂತ್ರಾಯಲಕ್ಕೆ ಭೇಟಿ ನೀಡಬಯಸುವ ಭಕ್ತರಿಗೂ ಹೆಚ್ಚಿನ ದರ ವಿಧಿಸಿ, ವ್ಯವಸ್ಥೆ ಮಾಡಲಾಗುತ್ತದೆ.

. ಮಾರ್ಚ್ 18 ರಿಂದ ವಿಶೇಷ ಬಸ್ ವ್ಯವಸ್ಥೆ ಮಾಡಲಾಗಿದೆ. ಮಾರ್ಚ್ 29ರವರೆಗೆ ಶ್ರೀಶೈಲಕ್ಕೆ ಬಸ್ಗಳು ಹೋಗುತ್ತವೆ. ಯುಗಾದಿ ಪಾಡ್ಯದ ದಿನ ಮಾರ್ಚ್ 30 ರಂದು ವಾಪಸ್ ಬರಲಿವೆ.

. ಅಂತರರಾಜ್ಯ ಪ್ರಯಾಣ ಆಗಿರುವುದರಿಂದ ರಾಜ್ಯ ಸರ್ಕಾರದ ‘ಶಕ್ತಿ’ ಯೋಜನೆ ಅನ್ವಯವಾಗುವುದಿಲ್ಲ. ಹೀಗಾಗಿ, ಮಹಿಳೆಯರು ಪ್ರಯಾಣ ದರ ಪಾವತಿಸಿ, ಶ್ರೀಶೈಲಕ್ಕೆ ಹೋಗಿ ಬರುತ್ತಿದ್ದಾರೆ.

. ಬಸ್ನಲ್ಲಿ ಹೋದವರಲ್ಲದೇ, ಪಾದಯಾತ್ರೆ ಹೋಗಿರುವ ಭಕ್ತರು ವಾಪಸ್ ಬಸ್ಗಳಲ್ಲಿ ಬರಲಿದ್ದಾರೆ. ಅವರಿಗಾಗಿ 260 ಬಸ್ಗಳು ಶ್ರೀಶೈಲದಿಂದ ಜಿಲ್ಲೆಯ ವಿವಿಧೆಡೆ ಬರಲಿವೆ.

. ₹3.25 ಕೋಟಿ ಆದಾಯ ನಿರೀಕ್ಷೆ: ಕಳೆದ ಬಾರಿ ಶ್ರೀಶೈಲಕ್ಕೆ ವಿಶೇಷ ಬಸ್ ವ್ಯವಸ್ಥೆ ಮಾಡಿದ್ದರಿಂದ ₹2.64 ಕೋಟಿ ಸಂಗ್ರಹವಾಗಿತ್ತು. ಈ ಸಲ ಹೆಚ್ಚಿನ ಭಕ್ತರು ಹೋಗುತ್ತಿರುವುದು ಹಾಗೂ ಬಸ್ ಪ್ರಯಾಣ ದರದಲ್ಲಿ ಹೆಚ್ಚಳವಾಗಿರುವುದರಿಂದ ₹3.25 ಕೋಟಿ ಆದಾಯ ನಿರೀಕ್ಷಿಸಲಾಗಿದೆ.

. ಶ್ರೀಶೈಲಕ್ಕೆ ನಿತ್ಯ ಹತ್ತಾರು ಬಸ್ ಗ್ರಾಮಗಳಿಂದಲೇ ಬಸ್ ವ್ಯವಸ್ಥೆ ವಾಪಸ್ ಕರೆತರಲೂ ವಿಶೇಷ ಬಸ್ . ಭಕ್ತರ ಅನುಕೂಲಕ್ಕಾಗಿ ಜಿಲ್ಲೆಯ ಎಲ್ಲ ಡಿಪೊಗಳಿಂದ ಬಸ್ಗಳನ್ನು ಓಡಿಸಲಾಗುತ್ತಿದೆ ನಿತಿನ್ ಹೆಗಡೆ ಜಿಲ್ಲಾ ನಿಯಂತ್ರಣಾಧಿಕಾರಿ ಎನ್ಡಬ್ಲುಕೆಎಸ್ಆರ್ಟಿಸಿ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಾಗಲಕೋಟೆ: ಸಾರಿಗೆ ಸಂಸ್ಥೆಗೆ ಶ್ರೀಶೈಲ ಭಕ್ತರ ಬಲ

ಚಿನಕುರುಳಿ | ಬುಧವಾರ, 25 ಫೆಬ್ರುವರಿ ‌2026

ಗುಂಡಣ್ಣ: ಬುಧವಾರ, 25 ಫೆಬ್ರುವರಿ ‌2026

ಚುರುಮುರಿ: ಕುರ್ಚಿ ಕಥಾ ಕಾಲಕ್ಷೇಪ

ನಿಷ್ಕಾರುಣ್ಯವಾಗಿ ಸೋಲಿಸಿದರು; ಇಂಥ ಸಮಾಜದಲ್ಲಿ ಬದುಕುವುದ್ಹೇಗೆ: ರಮೇಶ್ ಕುಮಾರ್

ಪೋಲ್‌ವಾಲ್ಟ್‌: ಗೆಲುವಿನ ಓಟ ಮುಂದುವರಿಸಿದ ಡುಪ್ಲಾಂಟಿಸ್‌

ಪ್ರೊ ಲೀಗ್ ಹಾಕಿ: ಕೊನೆಗೂ ಗೆಲುವು ದಾಖಲಿಸಿದ ಭಾರತ

T20 World Cup 2026: ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ದುಕೊಂಡ ಶ್ರೀಲಂಕಾ

Ranji Trophy Final: ಎರಡನೇ ದಿನವೂ ಮೇಲುಗೈ ಸಾಧಿಸಿದ ಜಮ್ಮು– ಕಾಶ್ಮೀರ

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಒಳನೋಟ: ಅನಿಶ್ಚಿತತೆ ನಡುವೆ ದಾಖಲೆಯ ಗಳಿಕೆ

ಒಳನೋಟ: ಚಿನ್ನ, ಬೆಳ್ಳಿ ಬೆಲೆ ಏರಿಳಿತ; ಅಕ್ಕಸಾಲಿಗರ ಹೊಟ್ಟೆಗೆ ಬರೆ

ಚಿನಕುರುಳಿ | ಬುಧವಾರ, 25 ಫೆಬ್ರುವರಿ ‌2026

ಗುಂಡಣ್ಣ: ಬುಧವಾರ, 25 ಫೆಬ್ರುವರಿ ‌2026

ಚುರುಮುರಿ: ಕುರ್ಚಿ ಕಥಾ ಕಾಲಕ್ಷೇಪ

ನಿಷ್ಕಾರುಣ್ಯವಾಗಿ ಸೋಲಿಸಿದರು; ಇಂಥ ಸಮಾಜದಲ್ಲಿ ಬದುಕುವುದ್ಹೇಗೆ: ರಮೇಶ್ ಕುಮಾರ್