ಕರಿದು ಉಳಿದ ಖಾದ್ಯತೈಲ ಜೈವಿಕ ಇಂಧನವಾಯ್ತು!

ಬಾಗಲಕೋಟೆ : ಇಲ್ಲಿನ ಹೋಟೆಲ್ ಹಾಗೂ ಕಲ್ಯಾಣ ಮಂಟಪಗಳಲ್ಲಿ ತಿನಿಸುಗಳನ್ನು ಕರಿಯಲು ಬಳಸಿದ ಖಾದ್ಯ ತೈಲವನ್ನು ನಂತರ ಬಯೊ ಡೀಸೆಲ್ ಆಗಿ ಮಾರ್ಪಡಿಸಿ, ವಾಹನಗಳಿಗೆ ಇಂಧನವಾಗಿ ಬಳಸಲಾಗುತ್ತಿದೆ.

. ಈ ಪರಿಸರ ಸ್ನೇಹಿ ಕಾರ್ಯದ ಸಾರಥ್ಯವನ್ನು ಬಾಗಲಕೋಟೆ ನಗರಸಭೆ ವಹಿಸಿದೆ. ಅದಕ್ಕೆ ಬಿ.ವಿ.ವಿ ಸಂಘದ ಬಸವೇಶ್ವರ ಎಂಜಿನಿಯರಿಂಗ್ ಕಾಲೇಜಿನ ಬಯೊಟೆಕ್ನಾಲಜಿ ವಿಭಾಗ ಕೂಡ ಕೈ ಜೋಡಿಸಿದೆ. ಖಾದ್ಯ ತೈಲ ತ್ಯಾಜ್ಯದಿಂದ ನಿತ್ಯ ಇಲ್ಲಿ 100 ಲೀಟರ್ ಬಯೊ ಡೀಸೆಲ್ ಉತ್ಪಾದಿಸಿ ಸಾರ್ವಜನಿಕರಿಗೆ ಮಾರಾಟ ಮಾಡಲಾಗುತ್ತಿದೆ.

. ಬಳಕೆಯಾಗುವ ಖಾದ್ಯ ತೈಲವನ್ನುಹೋಟೆಲ್ ಹಾಗೂ ಕಲ್ಯಾಣ ಮಂಟಪಗಳಿಂದ ನಗರಸಭೆ ಸಿಬ್ಬಂದಿ ನಿತ್ಯ ಸಂಗ್ರಹಿಸಿ ಎಂಜಿನಿಯರಿಂಗ್ ಕಾಲೇಜಿಗೆ ತಂದು ಕೊಡುತ್ತಾರೆ. ಅಲ್ಲಿ ಅದನ್ನು ಸಂಸ್ಕರಿಸಲಾಗುತ್ತಿದೆ.

. ಈ ಹಸಿರು ಇಂಧನ ಸಾರ್ವಜನಿಕರಿಗೆ ಪ್ರತಿ ಲೀಟರ್ಗೆ ₹ 60ಕ್ಕೆ ಸಿಗುತ್ತಿದೆ. ಲೀಟರ್ಗೆ ₹ 10ರಂತೆ ಖಾದ್ಯ ತೈಲದ ತ್ಯಾಜ್ಯವನ್ನು ಖರೀದಿಸಲಾಗುತ್ತಿದೆ. ಒಂದು ಲೀಟರ್ ತ್ಯಾಜ್ಯದಿಂದ ಅಷ್ಟೇ ಪ್ರಮಾಣದ ಬಯೊ ಡೀಸೆಲ್ ಸಿದ್ಧವಾಗುತ್ತದೆ. ಲಾಭದ ಮೊತ್ತ ಘಟಕದ ನಿರ್ವಹಣೆಗೆ ಬಳಸಲಾಗುತ್ತಿದೆ ಎಂದು ನಗರಸಭೆ ಪರಿಸರ ಎಂಜಿನಿಯರ್ ಹನಮಂತ ಕಲಾದಗಿ ಹೇಳುತ್ತಾರೆ.

. ‘ಈ ಮೊದಲು ಖಾದ್ಯ ತೈಲ ತ್ಯಾಜ್ಯ ಚರಂಡಿ ಪಾಲಾಗುತ್ತಿತ್ತು. ಇಲ್ಲವೇ ಬೀದಿ ಬದಿ ವ್ಯಾಪಾರಸ್ಥರು ಕಡಿಮೆ ಬೆಲೆಗೆ ಆ ಎಣ್ಣೆಯನ್ನು ಕೊಂಡು ಮರುಬಳಕೆ ಮಾಡುತ್ತಿದ್ದರು. ಇದು ಸಾರ್ವಜನಿಕರ ಆರೋಗ್ಯಕ್ಕೆ ಮಾರಕವಾಗಿತ್ತು. ಈಗ ಆ ಸಮಸ್ಯೆ ಇಲ್ಲ’ ಎನ್ನುತ್ತಾರೆ ಅವರು.

. ‘ಬಂಕ್ಗಳಲ್ಲಿ ಡೀಸೆಲ್ ದರ ಲೀಟರ್ಗೆ ₹ 71 ಇದೆ. ಬಯೊ ಡೀಸೆಲ್ ಪರಿಸರ ಸ್ನೇಹಿ, ವಾಹನಗಳ ನಿರ್ವಹಣೆಯೂ ಸುಲಭ. ಜೊತೆಗೆ ಹಣದ ಉಳಿತಾಯವಾಗಲಿದೆ. ಹೀಗಾಗಿ ಬೇಡಿಕೆ ಹೆಚ್ಚಿದೆ. ನಿತ್ಯ 200 ಲೀಟರ್ ಸಂಸ್ಕರಣೆ ಸಾಮರ್ಥ್ಯವಿದ್ದರೂ ಅಷ್ಟೊಂದು ಪ್ರಮಾಣದ ತ್ಯಾಜ್ಯ ನಗರದಲ್ಲಿ ಸಿಗುತ್ತಿಲ್ಲ. ಮುಂದಿನ ದಿನಗಳಲ್ಲಿ ಜಿಲ್ಲೆಯ ಬೇರೆ ಕಡೆಯಿಂದಲೂ ಸಂಗ್ರಹಿಸಿ ತರುವ ಯೋಚನೆ ಇದೆ’ ಎಂದು ಕಲಾದಗಿ ಹೇಳುತ್ತಾರೆ.

. ‘ನನ್ನ ಟಂಟಂ ವಾಹನಕ್ಕೆ ಬಯೊ ಡೀಸೆಲ್ ಬಳಕೆ ಆರಂಭಿಸಿರುವೆ.ಲೀಟರ್ಗೆ 28 ಕಿ.ಮೀ ಮೈಲೇಜ್ ಕೊಟ್ಟಿದೆ. ಹೊಗೆಯೇ ಬರುವುದಿಲ್ಲ’ ಎಂದು ಚಾಲಕ ನವನಗರದ ಪರಶುರಾಮ ಕೋಲಾರ ಅಚ್ಚರಿ ವ್ಯಕ್ತಪಡಿಸುತ್ತಾರೆ.

. ಡಿ.ಸಿ ಕಾರಿಗೂ ಬಯೊ ಡೀಸೆಲ್! ಬಾಗಲಕೋಟೆ ಜಿಲ್ಲಾಧಿಕಾರಿ ಕಾರಿಗೂ ಇದೇ ಹಸಿರು ಇಂಧನ ಬಳಸಲಾಗುತ್ತಿದೆ. ನಗರಸಭೆಯ ಕಸ ಸಾಗಿಸುವ ವಾಹನಕ್ಕೂ ಪ್ರಾಯೋಗಿಕ ಬಳಕೆ ನಡೆದಿದೆ. ಕೆಲವು ಆಟೊ ಹಾಗೂ ಟಂಟಂ ಚಾಲಕರು ಹಸಿರು ಇಂಧನದ ಕಾಯಂ ಗ್ರಾಹಕರಾಗಿ ಬದಲಾಗಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕರಿದು ಉಳಿದ ಖಾದ್ಯತೈಲ ಜೈವಿಕ ಇಂಧನವಾಯ್ತು!

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

Wimbledon: ಜೊಕೊವಿಚ್‌, ಅಲ್ಕರಾಜ್‌ ಮುನ್ನಡೆ

IND vs ENG 2nd Test: ಗಿಲ್ ಅಮೋಘ ದ್ವಿಶತಕ; ಭಾರತ 587ಕ್ಕೆ ಆಲೌಟ್

ರೇಬಿಸ್‌: ಕಬಡ್ಡಿ ಆಟಗಾರ ಸಾವು

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ