ಆಟೊಗಳು ಮುಂದಕ್ಕೆ ಹೋಗುವವರೆಗೆಸಾರಿಗೆ ಸಂಸ್ಥೆಗೆ ಸೇರಿದ ಸಿಟಿ ಬಸ್ಸುಗಳು ತಡಹೊತ್ತು ಕಾದು ನಿಲ್ಲಬೇಕಾಗುತ್ತದೆ. ನಿಲ್ದಾಣದಿಂದ ಹೊರಗೆ, ಹೊರಗಿನಿಂದ ಒಳಗೆ ಹೋಗುವ ಪ್ರಯಾಣಿಕರು ಆಟೊಗಳ ಮಧ್ಯೆ ನುಸುಳಿಕೊಂಡು, ಹರಸಾಹಸ ಮಾಡಿ ಹೋಗುವಂತಹ ಪರಿಸ್ಥಿತಿ ಸೃಷ್ಟಿಯಾಗುತ್ತದೆ. ಅನೇಕ ಸಲ ಪ್ರಯಾಣಿಕರು ನಿಲ್ದಾಣದ ಪ್ಲಾಟ್ಫಾರಂ ತಲುಪುವ ಹೊತ್ತಿಗೆ ರೈಲು ಹೊರಟಿರುವ ನಿದರ್ಶನಗಳಿವೆ. ಹೀಗಿದ್ದರೂ ಸಂಚಾರ ಪೊಲೀಸರಾಗಲಿ, ರೈಲ್ವೆ ಪೊಲೀಸರಾಗಲಿ ಯಾವುದೇ ಕ್ರಮ ಕೈಗೊಳ್ಳುವುದಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸುತ್ತಾರೆ ಸಾರ್ವಜನಿಕರು.