ಕಂಪ್ಲಿ: ಅಂತಿಮಗೊಳ್ಳದ ಭತ್ತ ಕೊಯ್ಲು ಯಂತ್ರ ಬಾಡಿಗೆ

ಕಂಪ್ಲಿ: ಇಲ್ಲಿಯ ತಾಲ್ಲೂಕು ಕಚೇರಿ ಸಭಾಂಗಣದಲ್ಲಿ ಸೋಮವಾರ ನಡೆದ ಹಾರ್ವೆಸ್ಟರ್(ಭತ್ತ ಕೊಯ್ಲು ಯಂತ್ರ) ಮಾಲೀಕರ, ರೈತ ಸಂಘದವರ ಮತ್ತು ರೈತರ ಸಭೆಯಲ್ಲಿ ಬಾಡಿಗೆ ದರ ನಿಗದಿ ಅಂತಿಮವಾಗದೆ ಅತಂತ್ರ ಸ್ಥಿತಿ ಮುಂದುವರಿಯಿತು.

. ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯ ಜಿಲ್ಲಾ ಘಟಕದ ಅಧ್ಯಕ್ಷ ಬಿ.ವಿ.ಗೌಡ ಮಾತನಾಡಿ, ‘ಅಕಾಲಿಕ ಮಳೆಯಿಂದ ಈಗಾಗಲೆ ಭತ್ತ ನೆಲಕಚ್ಚಿ ರೈತರು ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಜೊತೆಗೆ ಮಾರುಕಟ್ಟೆಯಲ್ಲಿ ಭತ್ತದ ದರ ಕುಸಿತವಾಗಿ ಎಕರೆಗೆ ₹20 ಸಾವಿರದಿಂದ ₹25 ಸಾವಿರ ನಷ್ಟ ಕಂಡಿದ್ದಾರೆ. ಇಂತಹ ಸಂದರ್ಭದಲ್ಲಿ ಕೊಯ್ಲು ಯಂತ್ರ ಬಾಡಿಗೆಯನ್ನು ₹2,300 ರಿಂದ ₹3ಸಾವಿರಕ್ಕೆ ಹೆಚ್ಚಳ ಮಾಡಿರುವುದು ಸರಿಯಲ್ಲ’ ಎಂದು ಬೇಸರ ವ್ಯಕ್ತಪಡಿಸಿದರು.

. ರೈತರ ತೊಂದರೆ ಅರಿತು ಹಾರ್ವೆಸ್ಟರ್ ಮಾಲೀಕರು ಯಂತ್ರದ ಬಾಡಿಗೆ ಗಂಟೆಗೆ ₹2,500 ನಿಗದಿ ಮಾಡುವಂತೆ ಆಗ್ರಹಿಸಿದರು.

. ಭತ್ತ ಕೊಯ್ಲು ಯಂತ್ರ ಮಾಲೀಕರಾದ ರಾಜಶೇಖರರೆಡ್ಡಿ, ನರಸಿಂಹಲು, ಕೆ.ಭಾಸ್ಕರ, ವಾಸು, ವಿನಯ ಮಾತನಾಡಿ, ಲಕ್ಷಾಂತರ ರೂಪಾಯಿ ಬಂಡವಾಳ ಹಾಕಿ ಯಂತ್ರ ಖರೀದಿಸಿದ್ದೇವೆ. ಡ್ರೈವರ್, ಹೆಲ್ಪರ್ ಕೊರತೆಯಿದ್ದು, ವೇತನ ಹೆಚ್ಚಳವಾಗಿದೆ. ಯಂತ್ರದ ಬಿಡಿ ಭಾಗಗಳ ಬೆಲೆಯೂ ದುಪ್ಪಟ್ಟಾಗಿದೆ. ಕೊಯ್ಲು ಯಂತ್ರದ ಬಾಡಿಗೆ ಗಂಟೆಗೆ ₹2,800 ಕಡಿಮೆ ದರಕ್ಕೆ ಒದಗಿಸಲು ಸಾಧ್ಯವಿಲ್ಲ. ರೈತರು ಸಹ ನಮ್ಮ ಪರಿಸ್ಥಿತಿಯನ್ನು ಅರ್ಥ ಮಾಡಿಕೊಳ್ಳಬೇಕು ಎಂದು ಮನವಿ ಮಾಡಿದರು.

. ಚರ್ಚೆಯ ಬಳಿಕವೂ ರೈತರು ಮತ್ತು ಹಾರ್ವೆಸ್ಟರ್ ಮಾಲೀಕರ ಮಧ್ಯೆ ಬಾಡಿಗೆ ದರ ಅಂತಿಮಗೊಳ್ಳಲಿಲ್ಲ.

. ರೈತ ಸಂಘದ ಜಿಲ್ಲಾ ಉಪಾಧ್ಯಕ್ಷ ಆನಂದರೆಡ್ಡಿ ಮಾತನಾಡಿ, ರೈತರು ಗಂಟೆಗೆ ₹2,500 ಹೆಚ್ಚಿನ ಬಾಡಿಗೆ ನೀಡಬಾರದು. ಕೃಷಿ ಯಂತ್ರಧಾರೆ ಮರು ಆರಂಭಿಸಿ ತಾಲ್ಲೂಕಿಗೆ ಹತ್ತು ಕೊಯ್ಲು ಯಂತ್ರ ಒದಗಿಸುವಂತೆ, ಸಣ್ಣ ಪ್ರಮಾಣದ ಕೊಯ್ಲು ಯಂತ್ರಗಳನ್ನು ಕೊಳ್ಳಲು ರಿಯಾಯಿತಿ ದರ ಒದಗಿಸುವಂತೆ ಒತ್ತಾಯಿಸಿದರು.

. ‘ಯಂತ್ರದ ಮಾಲೀಕರು, ರೈತರು ಪರಸ್ಪರ ಹೊಂದಾಣಿಕೆ ಮಾಡಿಕೊಂಡು ಬೆಲೆ ನಿಗದಿಪಡಿಸಿಕೊಳ್ಳುವಂತೆ’ ತಹಶೀಲ್ದಾರ್ ಎಸ್. ಶಿವರಾಜ ಮತ್ತು ಸಿರುಗುಪ್ಪ ಸಹಾಯಕ ಕೃಷಿ ನಿರ್ದೇಶಕ ಎಸ್.ಬಿ. ಪಾಟೀಲ್ ಸಲಹೆ ನೀಡಿದರು.

. ರೈತ ಸಂಘದ ತಾಲ್ಲೂಕು ಅಧ್ಯಕ್ಷ ತಿಮ್ಮಪ್ಪ ನಾಯಕ, ರೈತರ(ಕಾರ್ತೀಕ್ ಬಣ)ಸಂಘದ ಪದಾಧಿಕಾರಿಗಳಾದ ವಿ. ನಾಗರಾಜ, ವಿ. ಲಿಂಗರಾಜ, ಗಂಗಣ್ಣ, ಗೆಣಕಿಹಾಳ್ ಸೋಮಶೇಖರ, ಕೃಷಿ ಅಧಿಕಾರಿ ಕೆ. ಸೋಮಶೇಖರ, ಸಹಾಯಕ ಕೃಷಿ ಅಧಿಕಾರಿ ಜ್ಯೋತಿ ಹಾಜರಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಂಪ್ಲಿ: ಅಂತಿಮಗೊಳ್ಳದ ಭತ್ತ ಕೊಯ್ಲು ಯಂತ್ರ ಬಾಡಿಗೆ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್