<p><strong>ಬಳ್ಳಾರಿ:</strong> ಸರ್ಕಾರದ ವಸತಿ ಶಾಲೆಗಳಲ್ಲಿ ತಮ್ಮ ಮಕ್ಕಳನ್ನು ಓದಿಸಬೇಕೆಂಬ ಆಸೆಗೆ ಬಿದ್ದರುವ ಪೋಷಕರು ಅಲ್ಲಿನ ಪ್ರವೇಶ ಪರೀಕ್ಷೆಗಳಿಗೆ ಮಕ್ಕಳನ್ನು ಸಜ್ಜುಗೊಳಿಸಲು ಶಾಲೆಗೆ ಕಳುಹಿಸುವುದನ್ನು ನಿಲ್ಲಿಸಿ, ಸಾವಿರಾರು ರೂಪಾಯಿ ಹಣ ಖರ್ಚು ಮಾಡಿ ಕೋಚಿಂಗ್ ಸೆಂಟರ್ಗಳಿಗೆ ಕಳುಹಿಸುತ್ತಿದ್ದಾರೆ. </p>.<p>ಬಡ ಕುಟುಂಬಗಳೇ ಇಂಥ ಜಾಲಕ್ಕೆ ಸಿಲುಕಿದ್ದು, ಸರ್ಕಾರಿ ಶಾಲೆಯ ಶಿಕ್ಷಕರೂ ಇದಕ್ಕೆ ಬೆಂಬಲವಾಗಿ ನಿಂತಿದ್ದಾರೆ. ಕೋಚಿಂಗ್ ಸೆಂಟರ್ಗಳಿಗೆ ಸೇರಿರುವ ವಿದ್ಯಾರ್ಥಿಗಳಿಗೆ ವರ್ಷವಿಡೀ ಹಾಜರಾತಿಯನ್ನೂ ನೀಡುತ್ತಿದ್ದಾರೆ. </p>.<p>ವಸತಿ ಶಾಲೆಗಳಿಗೆ ಆರನೇ ತರಗತಿಯಿಂದ ದಾಖಲಾತಿ ಆರಂಭವಾಗುತ್ತದೆ. ಇಲ್ಲಿ ವಸತಿ ಸಹಿತ, ಉಚಿತ ಶಿಕ್ಷಣ ಲಭ್ಯ. ಸೀಟು ಪಡೆಯಬೇಕಿದ್ದರೆ ಪ್ರವೇಶ ಪರೀಕ್ಷೆ ಬರೆಯಬೇಕು. ಈ ಪರೀಕ್ಷೆಗಳು ವರ್ಷದಿಂದ ವರ್ಷಕ್ಕೆ ಅತ್ಯಂತ ಪೈಪೋಟಿಯಿಂದ ಕೂಡಿದ್ದು, ಸಾಮಾನ್ಯ ಅಧ್ಯಯನಕ್ಕಿಂತಲೂ ಹೆಚ್ಚಿನ ತರಬೇತಿ ಅಗತ್ಯ. </p>.<p>ಹೀಗಾಗಿ ಮಕ್ಕಳನ್ನು ಐದನೇ ತರಗತಿ ವ್ಯಾಸಂಗಕ್ಕೆಂದು ಶಾಲೆಗೆ ಕಳುಹಿಸುವ ಬದಲಿಗೆ, ತರಬೇತಿಗಾಗಿ ಕೋಚಿಂಗ್ ಸೆಂಟರ್ಗಳಿಗೆ ಕಳುಹಿಸುತ್ತಿದ್ದಾರೆ. ಶಾಲೆಗಳ ಶಿಕ್ಷಕರೂ ಕೋಚಿಂಗ್ ಸೆಂಟರ್ಗಳೊಂದಿಗೆ ನಂಟು ಹೊಂದಿದ್ದು, ವಿದ್ಯಾರ್ಥಿಗಳನ್ನು ಅಲ್ಲಿಗೆ ಸೇರಿಸಲು ಶಿಕ್ಷಕರೂ ಪ್ರೇರೇಪಿಸುತ್ತಿದ್ದಾರೆ. ಹಾಜರಾತಿ ನೀಡುತ್ತಿದ್ದಾರೆ, ಅಂತಿಮ ಪರೀಕ್ಷೆ ಬರೆಯಲೂ ಅನುಕೂಲ ಮಾಡಿಕೊಡುತ್ತಿದ್ದಾರೆ. </p>.<p>ಅಕ್ರಮ ಕೋಚಿಂಗ್ ಸೆಂಟರ್ಗಳು ವಿದ್ಯಾರ್ಥಿಗಳಿಗೆ ವಸತಿ, ಊಟದ ವ್ಯವಸ್ಥೆ ಜತೆಗೆ, ವರ್ಷವಿಡೀ ತರಬೇತಿ ನೀಡುತ್ತವೆ. ಕನಿಷ್ಠ ₹60 ಸಾವಿರದಿಂದ ಗರಿಷ್ಠ ₹1 ಲಕ್ಷದವರೆಗೆ ಫೀಸು ವಸೂಲಿ ಮಾಡುತ್ತಿವೆ. </p>.<p>‘ನನ್ನ ಮಗನನ್ನು ನವೋದಯ ವಸತಿ ಶಾಲೆಗೆ ಸೇರಿಸುವ ಬಯಕೆ ಇತ್ತು. ಐದನೇ ತರಗತಿ ಓದುತ್ತಿದ್ದ ಆತನನ್ನು ಕಳೆದ ವರ್ಷ ಕೋಚಿಂಗ್ ಸೆಂಟರ್ವೊಂದಕ್ಕೆ ದಾಖಲಿಸಿದ್ದೆ. ಅಲ್ಲಿ ವಸತಿ ವ್ಯವಸ್ಥೆಯನ್ನೂ ಒದಗಿಸಿದ್ದರು. ಇದಕ್ಕಾಗಿ ₹1 ಲಕ್ಷದ ವರೆಗೆ ಹಣ ಪಾವತಿಸಿದ್ದೇನೆ. ಅಲ್ಲಿ ತರಬೇತಿ ಪಡೆದು ನವೋದಯದಲ್ಲಿ ಪರೀಕ್ಷೆ ಬರೆದ ನನ್ನ ಮಗ ಕೆಲವೇ ಅಂಕಗಳಿಂದ ಸೀಟು ವಂಚಿತನಾದ. ಕೋಚಿಂಗ್ಗೆಂದು ನಾನು ಖರ್ಚು ಮಾಡಿದ ಹಣವೆಲ್ಲ ವ್ಯರ್ಥವಾಗಿದೆ’ ಎಂದು ಪೋಷಕರೊಬ್ಬರು ನೊಂದು ನುಡಿದಿದ್ದಾರೆ. </p>.<p>ರಾಜ್ಯದ ಪ್ರತಿ ಜಿಲ್ಲೆಗಳಲ್ಲೂ ಕೋಚಿಂಗ್ ಸೆಂಟರ್ ದಂಧೆ ನಡೆಯುತ್ತಿದ್ದು, ಕಮಿಷನ್ ಆಸೆಗೆ ಕೆಲ ಶಿಕ್ಷಕರೂ ಅವರೊಂದಿಗೆ ಕೈಜೋಡಿಸಿದ್ದಾರೆ. ವಸತಿ ಶಾಲೆಗಳ ಆಸೆಗೆ ಮರುಳಾಗಿ ಪೋಷಕರು ಹಣ ಕಳೆದುಕೊಳ್ಳುತ್ತಿದ್ದಾರೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬಳ್ಳಾರಿ:</strong> ಸರ್ಕಾರದ ವಸತಿ ಶಾಲೆಗಳಲ್ಲಿ ತಮ್ಮ ಮಕ್ಕಳನ್ನು ಓದಿಸಬೇಕೆಂಬ ಆಸೆಗೆ ಬಿದ್ದರುವ ಪೋಷಕರು ಅಲ್ಲಿನ ಪ್ರವೇಶ ಪರೀಕ್ಷೆಗಳಿಗೆ ಮಕ್ಕಳನ್ನು ಸಜ್ಜುಗೊಳಿಸಲು ಶಾಲೆಗೆ ಕಳುಹಿಸುವುದನ್ನು ನಿಲ್ಲಿಸಿ, ಸಾವಿರಾರು ರೂಪಾಯಿ ಹಣ ಖರ್ಚು ಮಾಡಿ ಕೋಚಿಂಗ್ ಸೆಂಟರ್ಗಳಿಗೆ ಕಳುಹಿಸುತ್ತಿದ್ದಾರೆ. </p>.<p>ಬಡ ಕುಟುಂಬಗಳೇ ಇಂಥ ಜಾಲಕ್ಕೆ ಸಿಲುಕಿದ್ದು, ಸರ್ಕಾರಿ ಶಾಲೆಯ ಶಿಕ್ಷಕರೂ ಇದಕ್ಕೆ ಬೆಂಬಲವಾಗಿ ನಿಂತಿದ್ದಾರೆ. ಕೋಚಿಂಗ್ ಸೆಂಟರ್ಗಳಿಗೆ ಸೇರಿರುವ ವಿದ್ಯಾರ್ಥಿಗಳಿಗೆ ವರ್ಷವಿಡೀ ಹಾಜರಾತಿಯನ್ನೂ ನೀಡುತ್ತಿದ್ದಾರೆ. </p>.<p>ವಸತಿ ಶಾಲೆಗಳಿಗೆ ಆರನೇ ತರಗತಿಯಿಂದ ದಾಖಲಾತಿ ಆರಂಭವಾಗುತ್ತದೆ. ಇಲ್ಲಿ ವಸತಿ ಸಹಿತ, ಉಚಿತ ಶಿಕ್ಷಣ ಲಭ್ಯ. ಸೀಟು ಪಡೆಯಬೇಕಿದ್ದರೆ ಪ್ರವೇಶ ಪರೀಕ್ಷೆ ಬರೆಯಬೇಕು. ಈ ಪರೀಕ್ಷೆಗಳು ವರ್ಷದಿಂದ ವರ್ಷಕ್ಕೆ ಅತ್ಯಂತ ಪೈಪೋಟಿಯಿಂದ ಕೂಡಿದ್ದು, ಸಾಮಾನ್ಯ ಅಧ್ಯಯನಕ್ಕಿಂತಲೂ ಹೆಚ್ಚಿನ ತರಬೇತಿ ಅಗತ್ಯ. </p>.<p>ಹೀಗಾಗಿ ಮಕ್ಕಳನ್ನು ಐದನೇ ತರಗತಿ ವ್ಯಾಸಂಗಕ್ಕೆಂದು ಶಾಲೆಗೆ ಕಳುಹಿಸುವ ಬದಲಿಗೆ, ತರಬೇತಿಗಾಗಿ ಕೋಚಿಂಗ್ ಸೆಂಟರ್ಗಳಿಗೆ ಕಳುಹಿಸುತ್ತಿದ್ದಾರೆ. ಶಾಲೆಗಳ ಶಿಕ್ಷಕರೂ ಕೋಚಿಂಗ್ ಸೆಂಟರ್ಗಳೊಂದಿಗೆ ನಂಟು ಹೊಂದಿದ್ದು, ವಿದ್ಯಾರ್ಥಿಗಳನ್ನು ಅಲ್ಲಿಗೆ ಸೇರಿಸಲು ಶಿಕ್ಷಕರೂ ಪ್ರೇರೇಪಿಸುತ್ತಿದ್ದಾರೆ. ಹಾಜರಾತಿ ನೀಡುತ್ತಿದ್ದಾರೆ, ಅಂತಿಮ ಪರೀಕ್ಷೆ ಬರೆಯಲೂ ಅನುಕೂಲ ಮಾಡಿಕೊಡುತ್ತಿದ್ದಾರೆ. </p>.<p>ಅಕ್ರಮ ಕೋಚಿಂಗ್ ಸೆಂಟರ್ಗಳು ವಿದ್ಯಾರ್ಥಿಗಳಿಗೆ ವಸತಿ, ಊಟದ ವ್ಯವಸ್ಥೆ ಜತೆಗೆ, ವರ್ಷವಿಡೀ ತರಬೇತಿ ನೀಡುತ್ತವೆ. ಕನಿಷ್ಠ ₹60 ಸಾವಿರದಿಂದ ಗರಿಷ್ಠ ₹1 ಲಕ್ಷದವರೆಗೆ ಫೀಸು ವಸೂಲಿ ಮಾಡುತ್ತಿವೆ. </p>.<p>‘ನನ್ನ ಮಗನನ್ನು ನವೋದಯ ವಸತಿ ಶಾಲೆಗೆ ಸೇರಿಸುವ ಬಯಕೆ ಇತ್ತು. ಐದನೇ ತರಗತಿ ಓದುತ್ತಿದ್ದ ಆತನನ್ನು ಕಳೆದ ವರ್ಷ ಕೋಚಿಂಗ್ ಸೆಂಟರ್ವೊಂದಕ್ಕೆ ದಾಖಲಿಸಿದ್ದೆ. ಅಲ್ಲಿ ವಸತಿ ವ್ಯವಸ್ಥೆಯನ್ನೂ ಒದಗಿಸಿದ್ದರು. ಇದಕ್ಕಾಗಿ ₹1 ಲಕ್ಷದ ವರೆಗೆ ಹಣ ಪಾವತಿಸಿದ್ದೇನೆ. ಅಲ್ಲಿ ತರಬೇತಿ ಪಡೆದು ನವೋದಯದಲ್ಲಿ ಪರೀಕ್ಷೆ ಬರೆದ ನನ್ನ ಮಗ ಕೆಲವೇ ಅಂಕಗಳಿಂದ ಸೀಟು ವಂಚಿತನಾದ. ಕೋಚಿಂಗ್ಗೆಂದು ನಾನು ಖರ್ಚು ಮಾಡಿದ ಹಣವೆಲ್ಲ ವ್ಯರ್ಥವಾಗಿದೆ’ ಎಂದು ಪೋಷಕರೊಬ್ಬರು ನೊಂದು ನುಡಿದಿದ್ದಾರೆ. </p>.<p>ರಾಜ್ಯದ ಪ್ರತಿ ಜಿಲ್ಲೆಗಳಲ್ಲೂ ಕೋಚಿಂಗ್ ಸೆಂಟರ್ ದಂಧೆ ನಡೆಯುತ್ತಿದ್ದು, ಕಮಿಷನ್ ಆಸೆಗೆ ಕೆಲ ಶಿಕ್ಷಕರೂ ಅವರೊಂದಿಗೆ ಕೈಜೋಡಿಸಿದ್ದಾರೆ. ವಸತಿ ಶಾಲೆಗಳ ಆಸೆಗೆ ಮರುಳಾಗಿ ಪೋಷಕರು ಹಣ ಕಳೆದುಕೊಳ್ಳುತ್ತಿದ್ದಾರೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
