ತೋರಣಗಲ್ಲು: ಶ್ರೀಮಂತ ಗ್ರಾಮಕ್ಕೆ ಸಮಸ್ಯೆಗಳ ತೋರಣ

ಸಣ್ಣ, ಬೃಹತ್ ಪ್ರಮಾಣದ ಕೈಗಾರಿಕೆಗಳಿಂದ ನಿತ್ಯ ಹೊರಸೂಸುವ ಕಲುಷಿತ ಧೂಳು, ಕಪ್ಪು ಕಿಟ್ಟದ ಹೊಗೆಯಿಂದ ಗ್ರಾಮದ ಜನರು ಹಲವಾರು ವರ್ಷಗಳಿಂದ ಹಲವು ಕಾಯಿಲೆಗಳಿಗೆ ಒಳಗಾಗುವುದು ಸಾಮಾನ್ಯವಾಗಿದೆ. ಗ್ರಾಮ ಪಂಚಾಯಿತಿಗೆ ಗ್ರಾಮ, ಕೈಗಾರಿಕೆಗಳಿಂದ ವಾರ್ಷಿಕವಾಗಿ ಕೋಟಿಗಟ್ಟಲೆ ತೆರಿಗೆಯ ಹಣ ಸಂದಾಯವಾಗುತ್ತಿದ್ದು ಪಂಚಾಯಿತಿಯು ಹಣವನ್ನು ನಿಷ್ಪಕ್ಷಪಾತವಾಗಿ ಗ್ರಾಮದ ಅಭಿವೃದ್ಧಿಗೆ ವಿನಿಯೋಗಿಸಿದರೆ ಮಾದರಿ ಗ್ರಾಮವಾಗುತ್ತದೆ ಎಂಬುದು ಜನರ ಆಶಯವಾಗಿದೆ.