ಹೊಸಪೇಟೆ: ಹಂಪಿ ವಿದ್ಯಾರಣ್ಯ ಮಠದ ವಿದ್ಯಾರಣ್ಯ ಭಾರತಿ ಸ್ವಾಮೀಜಿ ಅವರು ಮಾನಸ ಸರೋವರ ಪ್ರಯಾಣ ಬೆಳೆಸಿದ್ದಾರೆ.
ಕಳೆದ 19 ವರ್ಷಗಳಿಂದ ಸತತವಾಗಿ ಸ್ವಾಮೀಜಿ ಅವರು ಮಾನಸ ಸರೋವರಕ್ಕೆ ತೆರಳುತ್ತಿದ್ದಾರೆ. ಇತ್ತೀಚೆಗೆ ಹಂಪಿಯಿಂದ ಪ್ರಯಾಣ ಬೆಳೆಸಿರುವ ಅವರು ಬುಧವಾರ ಮಾನಸ ಸರೋವರಕ್ಕೆ ತಲುಪಿದ್ದು, ಅಲ್ಲಿ ವಿಶೇಷ ಪೂಜೆ, ಹೋಮ ಹವನ ಮಾಡಿದರು. ಲೋಕಕಲ್ಯಾಣಕ್ಕಾಗಿ ಪ್ರಾರ್ಥನೆ ಮಾಡಿದರು.
ಒಟ್ಟು 16 ದಿನದ ಅವರ ಪ್ರವಾಸದಲ್ಲಿ ಅವರೊಂದಿಗೆ 59 ಜನ ಮಠದ ಭಕ್ತರು ಕೂಡ ತೆರಳಿದ್ದಾರೆ.
