<p>ಹೊಸಪೇಟೆ: ‘ವರ್ಷಾಂತ್ಯದ ಎರಡು ತಿಂಗಳ ಕಾಲ ಆಕಾಶದಲ್ಲಿ ಐಸಾನ್ ಧೂಮಕೇತು ಗೋಚರಿಸಬೇಕಿತ್ತು. ಆದರೆ ಅಪರೂಪದ ಈ ಧೂಮಕೇತು ಇತ್ತೀಚೆಗೆ ಶಾಶ್ವತವಾಗಿ ಕಣ್ಮರೆಯಾಗಿದ್ದು, ಖಗೋಳ ವೀಕ್ಷಕರಿಗೆ ನಿರಾಶೆ ಮೂಡಿಸಿದೆ’ ಎಂದು ಉಪನ್ಯಾಸಕ ಸಮದ್ ಕೊಟ್ಟೂರು ಕಳವಳ ವ್ಯಕ್ತಪಡಿಸಿದರು. <br /> <br /> ಇಲ್ಲಿನ ಟಿ.ಬಿ.ಡ್ಯಾಂ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಪ್ರೌಢಶಾಲಾ ವಿಭಾಗದ ಸರ್ ಸಿ.ವಿ.ರಾಮನ್ ವಿಜ್ಞಾನ ಸಂಘದ ವತಿಯಿಂದ ಆಯೋಜಿಸಿದ್ದ ಐಸಾನ್ ಧೂಮಕೇತು ಕುರಿತು ಅವರು ಮಾತನಾಡಿದರು.<br /> <br /> ‘ರಷ್ಯಾದ ಯುವ ಹವ್ಯಾಸಿ ಖಗೋಳ ತಜ್ಞ ಆರ್ಟ್ಯೋಮ್ ನೋವಿಚೋನೋಕ್ ಹಾಗೂ ವೈಟಾಲಿ ನೆವಸ್ಕಿ ಅವರು 2012ರ ಸೆಪ್ಟಂಬರ್ 21ರಂದು ಪತ್ತೆಯಾದ ಧೂಮಕೇತುವಿಗೆ ಐಸಾನ್ ಎಂದು ನಾಮಕರಣ ಮಾಡಿ ಜಗತ್ತಿಗೆ ಪರಿಚಯಿಸಿದ್ದರು. ಅಂದಿನಿಂದ ಜಗತ್ತಿನಾದ್ಯಂತ ಈ ಧೂಮಕೇತುವಿನ ವೀಕ್ಷಣೆಗಾಗಿ ಖಗೋಳ ಪ್ರೀಯರು ಕಾತುರದಿಂದ ಕಾಯುತ್ತಿದ್ದರು. ಕಳೆದ ನವೆಂಬರ್ ತಿಂಗಳಲ್ಲಿ ಇದರ ಅನೇಕ ಛಾಯಾ ಚಿತ್ರಗಳನ್ನು ತೆಗೆಯಲಾಗಿತ್ತು.<br /> <br /> ನವೆಂಬರ್ 28ರಂದು ಸೂರ್ಯನಿಗೆ ಕೇವಲ 6.84 ಲಕ್ಷ ಮೈಲು ಹತ್ತಿರದಿಂದ ಈ ಧೂಮಕೇತು ಹಾದು ಹೋಗಿತ್ತು. ಸೂರ್ಯನ ಶಾಖದ ಪರಿಣಾಮದಿಂದಲೋ ಅಥವಾ ಇನ್ನಾವುದೋ ಕಾರಣದಿಂದಲೋ ಒಂದು ಕಿ.ಮೀ.ವ್ಯಾಸದ ಈ ಧೂಮಕೇತು ನಿಧಾನವಾಗಿ ಅಘೋಚರವಾಗುತ್ತಿದೆ’ ಎಂದು ತಿಳಿಸಿದರು.<br /> <br /> ‘ಕಳೆದ ಒಂದು ವಾರದಿಂದ ಖಗೋಳ ಶಾಸ್ತ್ರಜ್ಞರಿಗೆ ಇದು ಸ್ಪಷ್ಟವಾಗಿ ಗೋಚರಿಸುತ್ತಿಲ್ಲ. ಇದು ಜಗತ್ತಿನಾದ್ಯಂತ ನಿರಾಶೆ ಉಂಟು ಮಾಡಿದೆ’ ಎಂದು ಸಮದ್ ವಿಷಾದಿಸಿದರು.<br /> <br /> ಉಪ ಪ್ರಾಚಾರ್ಯ ವಿಜಯಕುಮಾರ್ ಅಧ್ಯಕ್ಷತೆ ವಹಿಸಿದ್ದರು. ಬಸವರಾಜ್ ಬಾಣದ, ಅಡಿವೆಪ್ಪ, ದೇವದಾಸ್ ಮುಂತಾದ ಶಿಕ್ಷಕರು ಉಪಸ್ಥಿತರಿದ್ದರು. ವಿಜ್ಞಾನ ಶಿಕ್ಷಕಿ ಮೋನ್ಸಿ ಥಾಮಸ್ ಸ್ವಾಗತಿಸಿದರು. ಶಿಕ್ಷಕ ಮೋಹನ್ ರೆಡ್ಡಿ ವಂದಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹೊಸಪೇಟೆ: ‘ವರ್ಷಾಂತ್ಯದ ಎರಡು ತಿಂಗಳ ಕಾಲ ಆಕಾಶದಲ್ಲಿ ಐಸಾನ್ ಧೂಮಕೇತು ಗೋಚರಿಸಬೇಕಿತ್ತು. ಆದರೆ ಅಪರೂಪದ ಈ ಧೂಮಕೇತು ಇತ್ತೀಚೆಗೆ ಶಾಶ್ವತವಾಗಿ ಕಣ್ಮರೆಯಾಗಿದ್ದು, ಖಗೋಳ ವೀಕ್ಷಕರಿಗೆ ನಿರಾಶೆ ಮೂಡಿಸಿದೆ’ ಎಂದು ಉಪನ್ಯಾಸಕ ಸಮದ್ ಕೊಟ್ಟೂರು ಕಳವಳ ವ್ಯಕ್ತಪಡಿಸಿದರು. <br /> <br /> ಇಲ್ಲಿನ ಟಿ.ಬಿ.ಡ್ಯಾಂ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಪ್ರೌಢಶಾಲಾ ವಿಭಾಗದ ಸರ್ ಸಿ.ವಿ.ರಾಮನ್ ವಿಜ್ಞಾನ ಸಂಘದ ವತಿಯಿಂದ ಆಯೋಜಿಸಿದ್ದ ಐಸಾನ್ ಧೂಮಕೇತು ಕುರಿತು ಅವರು ಮಾತನಾಡಿದರು.<br /> <br /> ‘ರಷ್ಯಾದ ಯುವ ಹವ್ಯಾಸಿ ಖಗೋಳ ತಜ್ಞ ಆರ್ಟ್ಯೋಮ್ ನೋವಿಚೋನೋಕ್ ಹಾಗೂ ವೈಟಾಲಿ ನೆವಸ್ಕಿ ಅವರು 2012ರ ಸೆಪ್ಟಂಬರ್ 21ರಂದು ಪತ್ತೆಯಾದ ಧೂಮಕೇತುವಿಗೆ ಐಸಾನ್ ಎಂದು ನಾಮಕರಣ ಮಾಡಿ ಜಗತ್ತಿಗೆ ಪರಿಚಯಿಸಿದ್ದರು. ಅಂದಿನಿಂದ ಜಗತ್ತಿನಾದ್ಯಂತ ಈ ಧೂಮಕೇತುವಿನ ವೀಕ್ಷಣೆಗಾಗಿ ಖಗೋಳ ಪ್ರೀಯರು ಕಾತುರದಿಂದ ಕಾಯುತ್ತಿದ್ದರು. ಕಳೆದ ನವೆಂಬರ್ ತಿಂಗಳಲ್ಲಿ ಇದರ ಅನೇಕ ಛಾಯಾ ಚಿತ್ರಗಳನ್ನು ತೆಗೆಯಲಾಗಿತ್ತು.<br /> <br /> ನವೆಂಬರ್ 28ರಂದು ಸೂರ್ಯನಿಗೆ ಕೇವಲ 6.84 ಲಕ್ಷ ಮೈಲು ಹತ್ತಿರದಿಂದ ಈ ಧೂಮಕೇತು ಹಾದು ಹೋಗಿತ್ತು. ಸೂರ್ಯನ ಶಾಖದ ಪರಿಣಾಮದಿಂದಲೋ ಅಥವಾ ಇನ್ನಾವುದೋ ಕಾರಣದಿಂದಲೋ ಒಂದು ಕಿ.ಮೀ.ವ್ಯಾಸದ ಈ ಧೂಮಕೇತು ನಿಧಾನವಾಗಿ ಅಘೋಚರವಾಗುತ್ತಿದೆ’ ಎಂದು ತಿಳಿಸಿದರು.<br /> <br /> ‘ಕಳೆದ ಒಂದು ವಾರದಿಂದ ಖಗೋಳ ಶಾಸ್ತ್ರಜ್ಞರಿಗೆ ಇದು ಸ್ಪಷ್ಟವಾಗಿ ಗೋಚರಿಸುತ್ತಿಲ್ಲ. ಇದು ಜಗತ್ತಿನಾದ್ಯಂತ ನಿರಾಶೆ ಉಂಟು ಮಾಡಿದೆ’ ಎಂದು ಸಮದ್ ವಿಷಾದಿಸಿದರು.<br /> <br /> ಉಪ ಪ್ರಾಚಾರ್ಯ ವಿಜಯಕುಮಾರ್ ಅಧ್ಯಕ್ಷತೆ ವಹಿಸಿದ್ದರು. ಬಸವರಾಜ್ ಬಾಣದ, ಅಡಿವೆಪ್ಪ, ದೇವದಾಸ್ ಮುಂತಾದ ಶಿಕ್ಷಕರು ಉಪಸ್ಥಿತರಿದ್ದರು. ವಿಜ್ಞಾನ ಶಿಕ್ಷಕಿ ಮೋನ್ಸಿ ಥಾಮಸ್ ಸ್ವಾಗತಿಸಿದರು. ಶಿಕ್ಷಕ ಮೋಹನ್ ರೆಡ್ಡಿ ವಂದಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
