ಇಲ್ಲಿ ಸಣ್ಣ ಅಂಗಡಿ ಇಟ್ಟುಕೊಂಡಿರುವ ರತ್ನಮ್ಮ ಅವರು ಈ ಕಾಯಕದಲ್ಲಿ ತೊಡಗಿದ್ದಾರೆ. ‘ಇತ್ತೀಚಿನ ದಿನಗಳಲ್ಲಿ ವ್ಯಾಪಾರ ಕಡಿಮೆ. ಅಂಗಡಿಯನ್ನೆ ನಂಬಿಕೊಂಡು ಜೀವನ ನಡೆಸುವುದು ತುಂಬಾ ಕಷ್ಟವಾಗಿದೆ. ಆದ್ದರಿಂದ ನಾನು ಚಿಕ್ಕ ವಯಸ್ಸಿನಲ್ಲಿ ಕಲಿತಿರುವ ವೈರ್ ಬ್ಯಾಗ್ ನೇಯುವುದು, ಮನೆಗೆ ಬೇಕಾಗಿರುವ ಅಲಂಕಾರಿಕ ಬಟ್ಟೆಗಳನ್ನು ಉಲ್ಲನ್ ದಾರದಲ್ಲಿ ನೇಯುವ ಕಲೆಯನ್ನು ಈಗ ಉಪಯೋಗ ಮಾಡಿಕೊಂಡು ಖಾಲಿಯಾಗಿರುವ ಸಮಯದಲ್ಲಿ ನೇಯುತ್ತೇನೆ. ಇದರಿಂದ ಸ್ವಲ್ಪಮಟ್ಟಿಗೆ ಕುಟುಂಬ ನಿರ್ವಹಣೆ ಮಾಡಿಕೊಳ್ಳಲೂ ಅನುಕೂಲವಾಗುತ್ತಿದೆ’ ಎಂದರು.