ಆನೇಕಲ್ : ಪ್ರಿಯಕರನ ಜತೆ ಸೇರಿ ಪತ್ನಿ ಗಂಡನ ಮೇಲೆ ಆಸಿಡ್ ಎರಚಿರುವ ಘಟನೆ ಸರ್ಜಾಪುರ ಪೊಲೀಸ್‌ ಠಾಣೆ ವ್ಯಾಪ್ತಿಯ ಚಿಕ್ಕತಿಮ್ಮಸಂದ್ರ ಬಳಿ ನಡೆದಿದೆ.
ಗಾಯಗೊಂಡವರು ವಿಶ್ವನಾಥ್‌. ಅವರು ಅಪಾರ್ಟ್‌ಮೆಂಟ್‌ಗಳಲ್ಲಿ ಲಿಫ್ಟ್‌ ರಿಪೇರಿ, ಸಂಪ್‌ ಕ್ಲೀನಿಂಗ್‌ ಮಾಡುವ ಕೆಲಸ ಮಾಡುತ್ತಿದ್ದರು. ಸರ್ಜಾಪುರದಿಂದ ಕೆಲಸ ಮುಗಿಸಿಕೊಂಡು ಮನೆಗೆ ಬರುತ್ತಿದ್ದ ಸಂದರ್ಭದಲ್ಲಿ ಪತ್ನಿ ಲಕ್ಷ್ಮಿ ಮತ್ತು ಪ್ರಿಯಕರ ಪವನ್‌ ಆಸಿಡ್ ಯುಕ್ತ ಕ್ಲೀನರ್‌ ಎರಚಿದ್ದಾರೆ.
ತಲೆಗೆ ಹೆಲ್ಮೆಟ್‌ ಧರಿಸಿದ್ದರಿಂದ ಮುಖಕ್ಕೆ ಆಸಿಡ್ ಬಿದ್ದಿಲ್ಲ. ಆದರೆ, ಮೈಮೇಲೆ ಆಸಿಡ್ ಬಿದ್ದಿರುವುದರಿಂದ ಗಾಯಗೊಂಡಿದ್ದಾರೆ. ಈ ಘಟನೆಯಲ್ಲಿ ವಿಶ್ವನಾಥ್‌ ಸೋದರಿ ಕೂಡ ಗಾಯಗೊಂಡಿದ್ದಾರೆ.
