ಕೊತ್ತಂಬರಿ ಸೊಪ್ಪಿನ ಬೆಲೆ ಏರಿಕೆ | ಮಾರುಕಟ್ಟೆಗಳಲ್ಲಿ ಒಂದು ಕಟ್ಟಿಗೆ ₹40–50

ಬೆಂಗಳೂರು ಗ್ರಾಮಾಂತರ ಜಿಲ್ಲೆ, ಚಿಕ್ಕಬಳ್ಳಾಪುರ ಜಿಲ್ಲೆಗಳಲ್ಲಿ ಬೆಳೆಯದಿರುವ ಸೊಪ್ಪಿಗೆ ಸ್ಥಳೀಯ ಎಪಿಎಂಸಿ ಸೇರಿದಂತೆ ಬೆಂಗಳೂರಿನ ಮಾರುಕಟ್ಟೆಯಲ್ಲಿ ಉತ್ತಮ ಬೆಲೆಯಿದೆ. ಸದ್ಯ ಸ್ಥಳೀಯವಾಗಿ ₹40–60ಗೆ ಮಾರಾಟವಾಗುತ್ತಿದೆ. ಹೊರ ರಾಜ್ಯಗಳಲ್ಲಿ ₹100–120 ದರದಲ್ಲಿ ಮಾರಾಟವಾಗುತ್ತಿದೆ. ಬಹುತೇಕ ವ್ಯಾಪಾರಿಗಳು ಇಲ್ಲಿಂದ ಕಡಿಮೆ ದರದಲ್ಲಿ ಸೊಪ್ಪು ಖರೀದಿಸಿ ಆಂಧ್ರದ ಹಿಂದೂಪುರ, ಅನಂತಪುರ, ವರಂಗಲ್‌ ಮಾರುಕಟ್ಟೆಗಳಿಗೆ ರಫ್ತು ಮಾಡುತ್ತಿದ್ದಾರೆ.

ಬೆಂಗಳೂರು ಗ್ರಾಮಾಂತರ ಜಿಲ್ಲೆ ಮಾತ್ರವಲ್ಲದೆ ಚಿಕ್ಕಬಳ್ಳಾಪುರ, ಕೋಲಾರ ಸೇರಿದಂತೆ ಇನ್ನಿತರೆ ಜಿಲ್ಲೆಗಳಲ್ಲಿ ಕೊತ್ತಂಬರಿ ಸೊಪ್ಪು ಬೆಳೆದಿದ್ದ ರೈತರು ನಷ್ಟಕ್ಕೀಡಾಗಿದ್ದಾರೆ. ಇದರಿಂದ ಅಸಮರ್ಪಕ ಪೂರೈಕೆಯಿಂದ ಸೊಪ್ಪಿನ ಬೆಲೆ ಏರಿಕೆಯಾಗಿದೆ.

ಸೊಪ್ಪುಗಳ ಬೆಲೆಯೂ ಏರಿಕೆ

ಒಂದು ಕೆ.ಜಿ.ಬಿತ್ತನೆ ದನಿಯಾ ₹100ಗೆ ಮಾರಾಟವಾಗುತ್ತಿದ್ದು, ಕಟಾವಿಗೆ ಬಂದಿರುವ ಸೊಪ್ಪಿನ ಬೆಲೆ 100 ಕಟ್ಟುಗಳು ಇರುವ ಒಂದು ಮೂಟೆಗೆ ಮಾರುಕಟ್ಟೆಯಲ್ಲಿ ₹5,000 ವರೆಗೂ ಮಾರಾಟವಾಗುತ್ತಿದೆ. ದಂಟು, ಪಾಲಕ್, ಪುದೀನಾ, ಸಬಸ್ಸಿಗೆ, ಮೆಂತ್ಯೆ ಮತ್ತು ಕರಿಬೇವಿನ ಸೊಪ್ಪು ಬೆಲೆ ಕೂಡಾ ಏರಿಕೆಯಾಗಿದೆ. ‌ಈ ಹಿಂದೆ ಒಂದು ಕಟ್ಟಿಗೆ ₹10–15ಗೆ ಮಾರಾಟವಾಗುತ್ತಿದ್ದ ಈ ಸೋಪ್ಪುಗಳು ಈಗ ₹30–40ವರೆಗೂ ಮಾರಾಟವಾಗುತ್ತಿದೆ.