<p>ಬರ್ಲಿನ್ (ಎಎಫ್ಪಿ): ಇಥಿಯೋ ಪಿಯಾದ ಟಿಗಿಸ್ಟ್ ಅಸ್ಸೇಫಾ ಅವರು ಮಹಿಳೆಯರ ಮ್ಯಾರಥಾನ್ ವಿಶ್ವದಾಖಲೆಯನ್ನು ಭಾನುವಾರ ಎರಡು ನಿಮಿಷಗಳಿಗಿಂತ ಹೆಚ್ಚು ಅಂತರದಿಂದ ಮುರಿದರು. ಬರ್ಲಿನ್ ಮ್ಯಾರಥಾನ್ ಸ್ಪರ್ಧೆಯ ಪುರುಷರ ವಿಭಾಗದಲ್ಲಿ ಕೆನ್ಯಾದ ಇಲ್ಯುಡ್ ಕಿಪ್ಚೊಗೆ ಅವರು ದಾಖಲೆ ಐದನೇ ಬಾರಿಗೆ ಅಗ್ರಸ್ಥಾನ ಪಡೆದ ಹಿರಿಮೆಗೆ ಪಾತ್ರರಾದರು.</p><p>ಅಸ್ಸೇಫಾ ಅವರು 2 ಗಂಟೆ 11 ನಿಮಿಷ 53 ಸೆಕೆಂಡಗಳಲ್ಲಿ ಗುರಿತಲುಪಿ, ಷಿಕಾಗೊದಲ್ಲಿ ಕೆನ್ಯಾದ ಬ್ರಿಜಿಡ್ ಕೊಸೆಗಿ 2019ರಲ್ಲಿ ಸ್ಥಾಪಿಸಿದ್ದ 2:14:04ರ ದಾಖಲೆಯನ್ನು ಮುರಿದರು. ‘ನಾನು ವಿಶ್ವದಾಖಲೆ ಮುರಿಯಬೇಕೆಂಬ ಆಸೆ ಹೊಂದಿದ್ದೆ. ಆದರೆ 2ನಿಮಿಷಗಳಿಗಿಂತ ಹೆಚ್ಚು ಅಂತರದಲ್ಲಿ ಆಗಬಹುದೆಂಬ ನಿರೀಕ್ಷೆಯಿರಲಿಲ್ಲ’ ಎಂದು 29 ವರ್ಷದ ಅಸ್ಸೇಫಾ ಪ್ರತಿಕ್ರಿಯಿಸಿದರು.</p><p>ಕೆನ್ಯಾದ ಶೀಲಾ ಚೆಪ್ಕಿರುಯಿ ಆರು ನಿಮಿಷಗಳಿಂದ ಹಿಂದೆ ಬಿದ್ದು ಎರಡನೇ ಸ್ಥಾನ ಪಡೆದರೆ, ತಾಂಜೇನಿಯಾದ ಮಗ್ದಲಿನಾ ಶವುರಿ ಸುಮಾರು ಏಳು ನಿಮಿಷ ಹಿಂದೆಬಿದ್ದು ಮೂರನೇ ಸ್ಥಾನ ಪಡೆದರು.</p><p>ಪುರುಷರ ವಿಭಾಗದಲ್ಲಿ ವಿಶ್ವದಾಖಲೆ ವೀರ ಕಿಪ್ಚೊಗೆ 2ಗಂಟೆ 02 ನಿಮಿಷ 42 ಸೆಕೆಂಡುಗಳಲ್ಲಿ ಗುರಿತಲುಪಿದರು. ಅವರು<br>ಸ್ವದೇಶದ ವಿನ್ಸೆಂಟ್ ಕಿಪ್ಕೆಪೊಯಿ ಅವರನ್ನು 31 ಸೆಕೆಂಡುಗಳಿಂದ ಹಿಂದೆಹಾಕಿದರು. ಆದರೆ ಕಿಪ್ಚೊಗೆ ಅವರಿಗೆ ಕಳೆದ ವರ್ಷ ಸ್ಥಾಪಿಸಿದ್ದ ತಮ್ಮದೇ ದಾಖಲೆ (2:01:09) ಸುಧಾರಿಸಲು ಆಗಲಿಲ್ಲ.</p><p>ಈ ಹಿಂದೆ ಇಥಿಯೋಪಿಯದ ಹೇಲೆ ಗೆಬ್ರೆಸೆಲಾಸಿ ಅವರು ನಾಲ್ಕು ಬಾರಿ ಪ್ರಶಸ್ತಿ ಗೆದ್ದಿದ್ದು ದಾಖಲೆಯಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬರ್ಲಿನ್ (ಎಎಫ್ಪಿ): ಇಥಿಯೋ ಪಿಯಾದ ಟಿಗಿಸ್ಟ್ ಅಸ್ಸೇಫಾ ಅವರು ಮಹಿಳೆಯರ ಮ್ಯಾರಥಾನ್ ವಿಶ್ವದಾಖಲೆಯನ್ನು ಭಾನುವಾರ ಎರಡು ನಿಮಿಷಗಳಿಗಿಂತ ಹೆಚ್ಚು ಅಂತರದಿಂದ ಮುರಿದರು. ಬರ್ಲಿನ್ ಮ್ಯಾರಥಾನ್ ಸ್ಪರ್ಧೆಯ ಪುರುಷರ ವಿಭಾಗದಲ್ಲಿ ಕೆನ್ಯಾದ ಇಲ್ಯುಡ್ ಕಿಪ್ಚೊಗೆ ಅವರು ದಾಖಲೆ ಐದನೇ ಬಾರಿಗೆ ಅಗ್ರಸ್ಥಾನ ಪಡೆದ ಹಿರಿಮೆಗೆ ಪಾತ್ರರಾದರು.</p><p>ಅಸ್ಸೇಫಾ ಅವರು 2 ಗಂಟೆ 11 ನಿಮಿಷ 53 ಸೆಕೆಂಡಗಳಲ್ಲಿ ಗುರಿತಲುಪಿ, ಷಿಕಾಗೊದಲ್ಲಿ ಕೆನ್ಯಾದ ಬ್ರಿಜಿಡ್ ಕೊಸೆಗಿ 2019ರಲ್ಲಿ ಸ್ಥಾಪಿಸಿದ್ದ 2:14:04ರ ದಾಖಲೆಯನ್ನು ಮುರಿದರು. ‘ನಾನು ವಿಶ್ವದಾಖಲೆ ಮುರಿಯಬೇಕೆಂಬ ಆಸೆ ಹೊಂದಿದ್ದೆ. ಆದರೆ 2ನಿಮಿಷಗಳಿಗಿಂತ ಹೆಚ್ಚು ಅಂತರದಲ್ಲಿ ಆಗಬಹುದೆಂಬ ನಿರೀಕ್ಷೆಯಿರಲಿಲ್ಲ’ ಎಂದು 29 ವರ್ಷದ ಅಸ್ಸೇಫಾ ಪ್ರತಿಕ್ರಿಯಿಸಿದರು.</p><p>ಕೆನ್ಯಾದ ಶೀಲಾ ಚೆಪ್ಕಿರುಯಿ ಆರು ನಿಮಿಷಗಳಿಂದ ಹಿಂದೆ ಬಿದ್ದು ಎರಡನೇ ಸ್ಥಾನ ಪಡೆದರೆ, ತಾಂಜೇನಿಯಾದ ಮಗ್ದಲಿನಾ ಶವುರಿ ಸುಮಾರು ಏಳು ನಿಮಿಷ ಹಿಂದೆಬಿದ್ದು ಮೂರನೇ ಸ್ಥಾನ ಪಡೆದರು.</p><p>ಪುರುಷರ ವಿಭಾಗದಲ್ಲಿ ವಿಶ್ವದಾಖಲೆ ವೀರ ಕಿಪ್ಚೊಗೆ 2ಗಂಟೆ 02 ನಿಮಿಷ 42 ಸೆಕೆಂಡುಗಳಲ್ಲಿ ಗುರಿತಲುಪಿದರು. ಅವರು<br>ಸ್ವದೇಶದ ವಿನ್ಸೆಂಟ್ ಕಿಪ್ಕೆಪೊಯಿ ಅವರನ್ನು 31 ಸೆಕೆಂಡುಗಳಿಂದ ಹಿಂದೆಹಾಕಿದರು. ಆದರೆ ಕಿಪ್ಚೊಗೆ ಅವರಿಗೆ ಕಳೆದ ವರ್ಷ ಸ್ಥಾಪಿಸಿದ್ದ ತಮ್ಮದೇ ದಾಖಲೆ (2:01:09) ಸುಧಾರಿಸಲು ಆಗಲಿಲ್ಲ.</p><p>ಈ ಹಿಂದೆ ಇಥಿಯೋಪಿಯದ ಹೇಲೆ ಗೆಬ್ರೆಸೆಲಾಸಿ ಅವರು ನಾಲ್ಕು ಬಾರಿ ಪ್ರಶಸ್ತಿ ಗೆದ್ದಿದ್ದು ದಾಖಲೆಯಾಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>