ಈ ಜಲಪಾತ ವೀಕ್ಷಿಸಲು ಹೋಗುವ ಅಥವಾ ಅರಣ್ಯ ಚಾರಣಕ್ಕೆ ಮುನ್ನ ಅರಣ್ಯ ಇಲಾಖೆಯಿಂದ ಅನುಮತಿ ಪಡೆಯಬೇಕು. ಜಲಪಾತದ ಬಗ್ಗೆ ಮಾಹಿತಿ ಇರುವ ಸ್ಥಳೀಯ ವ್ಯಕ್ತಿ ಅಥವಾ ಅರಣ್ಯ ಇಲಾಖೆಯವರ ಮಾರ್ಗದರ್ಶನದಲ್ಲಿ ಚಾರಣ ಮಾಡಬೇಕು. ಕೊಡೆ, ರೇನ್ ಕೋಟ್ ಸೇರಿದಂತೆ ಅಗತ್ಯ ವಸ್ತುಗಳನ್ನು ತೆಗೆದುಕೊಂಡು ಹೋಗುವುದು, ಸಂಜೆಯಾಗುವುದಕ್ಕೆ ಮುನ್ನವೇ ವಾಪಸಾಗುವುದು ಸುರಕ್ಷಿತ. ಪ್ಲಾಸ್ಟಿಕ್ ಚೀಲಗಳು ಅಥವಾ ಬಾಟಲಿಗಳನ್ನು ಒಯ್ಯಬಾರದು. ಅಪಾಯಕಾರಿ ಸ್ಥಳಕ್ಕೆ ತೆರಳುವ ದುಸ್ಸಾಹಸಕ್ಕೆ ಕೈ ಹಾಕಬಾರದು ಎನ್ನುವುದು ಜಾಂಬೋಟಿ ನಿವಾಸಿಗಳ ಸಲಹೆಯಾಗಿದೆ.