ಪ್ರವಾಹ: 1,410 ಕಿ.ಮೀ. ರಸ್ತೆಗೆ ಹಾನಿ

1,410 ಕಿ.ಮೀ. ರಸ್ತೆ ಹಾಳಾಗಿದ್ದು, 192.18 ಕೋಟಿ ಹಾನಿ ಸಂಭವಿಸಿದೆ. 211 ಸೇತುವೆಗಳು, 10 ಟ್ಯಾಂಕ್‌ಗಳು, 4,019 ಸರ್ಕಾರಿ ಕಟ್ಟಡಗಳಿಗೆ ಹಾನಿಯಾಗಿದೆ. ಕುಡಿಯುವ ನೀರು ಪೂರೈಕೆಗೆ ಸಂಬಂಧಿಸಿದ 92 ಯೋಜನೆಗಳು ಹಾಗೂ ವಿದ್ಯುತ್‌ ಪೂರೈಕೆ ಮಾರ್ಗದಲ್ಲಿ 2,575 ಸ್ಥಳಗಳಲ್ಲಿ ಹಾನಿಯಾಗಿದೆ ಎಂದು ಜಿಲ್ಲಾಧಿಕಾರಿ ಡಾ.ಎಸ್.ಬಿ. ಬೊಮ್ಮನಹಳ್ಳಿ ತಿಳಿಸಿದ್ದಾರೆ.

ಜಿಲ್ಲೆಯಲ್ಲಿ ಈವರೆಗೆ 161 ಪರಿಹಾರ ಕೇಂದ್ರಗಳನ್ನು ಆರಂಭಿಸಲಾಗಿದೆ. ಪ್ರವಾಹಪೀಡಿತ ಪ್ರದೇಶಗಳಲ್ಲಿ ರಕ್ಷಣಾ ಕಾರ್ಯಕ್ಕಾಗಿ ಸೇನೆಯ 2 ತಂಡಗಳು, 5 ಎಸ್‌ಡಿಆರ್‌ಎಫ್‌, 4 ಎನ್‌ಡಿಆರ್‌ಎಫ್‌, 14 ಅಗ್ನಿಶಾಮಕ ತಂಡಗಳು, ಗೃಹರಕ್ಷಕ ದಳದ 150 ಸಿಬ್ಬಂದಿ ನಿಯೋಜಿಸಲಾಗಿದೆ. 17 ಯಾಂತ್ರಿಕ ಹಾಗೂ 15 ಮಾನವ ಚಾಲಿತ ದೋಣಿಗಳನ್ನು ಬಳಸಲಾಗುತ್ತಿದೆ ಎಂದು ಮಾಹಿತಿ ನೀಡಿದ್ದಾರೆ.