ಎನ್‌ಐಆರ್‌ಎಫ್‌ನಲ್ಲಿ ಜಿಐಟಿಗೆ ಸ್ಥಾನ

‘ಜಿಐಟಿಯು 201ರಿಂದ 250ರ ಶ್ರೇಯಾಂಕದಲ್ಲಿ (ಬ್ಯಾಂಡ್‌) ಕಾಣಿಸಿಕೊಂಡಿದೆ. ದೇಶಾದ್ಯಂತ 1071 ಮತ್ತು ಕರ್ನಾಟಕದ 100 ಎಂಜಿನಿಯರಿಂಗ್ ಸಂಸ್ಥೆಗಳು ಶ್ರೇಯಾಂಕ ಪ್ರಕ್ರಿಯೆಯಲ್ಲಿ ಭಾಗವಹಿಸಿದ್ದವು. ಈ ಶ್ರೇಣಿಯನ್ನು 5 ಗುಣಾತ್ಮಕ ಅಂಶಗಳಲ್ಲಿ ಶಿಕ್ಷಣ ಸಂಸ್ಥೆಗಳು ಮಾಡಿದ ಸಾಧನೆಯನ್ನು ಗಮನಿಸಿ ನೀಡಲಾಗಿದೆ’ ಎಂದು ಕಾಲೇಜಿನ ಪ್ರಕಟಣೆ ತಿಳಿಸಿದೆ.

‘ಈ ಅಂಶಗಳನ್ನು ಮಾನವ ಸಂಪನ್ಮೂಲ ಮತ್ತು ಅಭಿವೃದ್ಧಿ ಮಂತ್ರಾಲಯದ ಮಾರ್ಗದರ್ಶನದಲ್ಲಿ ಎನ್‌ಐಆರ್‌ಎಫ್‌ ರಚಿಸಿದ ಶಿಕ್ಷಣ ತಜ್ಞರ ತಂಡವು ಹಲವು ಮಾನದಂಡಗಳನ್ನು ಪರಿಗಣಿಸಿದೆ. ‘ಕಲಿಕೆ, ಓದು ಮತ್ತು ಸಂಪನ್ಮೂಲ’, ‘ಸಂಶೋಧನೆ ಮತ್ತು ವೃತ್ತಿಪರ ಕಾರ್ಯಚಟುವಟಿಕೆಗಳು’, ‘ಕಾಲೇಜಿನ ಫಲಿತಾಂಶ, ‘ಶಿಕ್ಷಣ, ಸಮಾಜ ಹಾಗೂ ವಿದ್ಯಾರ್ಥಿಗಳ ಮೇಲೆ ಪ್ರಭಾವ’ ಮತ್ತು ‘ಸಾರ್ವಜನಿಕರ ಅಭಿಪ್ರಾಯ’ ಈ ಗುಣಾತ್ಮಕ ಅಂಶಗಳನ್ನು ಆಧರಿಸಿ ಪರಿಶೀಲಿಸಿ ಈ ಪಟ್ಟಿ ಸಿದ್ಧಗೊಳಿಸಿದೆ.

ಈ ಸಾಧನೆಗೆ ಕೆಎಲ್‌ಎಸ್‌ ಸಂಸ್ಥೆಯ ಅಧ್ಯಕ್ಷರು ಮತ್ತು ಎಲ್ಲ ಸದಸ್ಯರು ಕಾಲೇಜಿನ ಸಿಬ್ಬಂದಿ ಹಾಗೂ ವಿದ್ಯಾರ್ಥಿಗಳನ್ನು ಅಭಿನಂದಿಸಿದ್ದಾರೆ.