‘ಕೇಂದ್ರ ಸರ್ಕಾರ ನಿಗದಿಪಡಿಸಿದಂತೆ ಅಮೋನಿಯಂ ಸಲ್ಫೇಟ್ ರಸಗೊಬ್ಬರಕ್ಕೆ ಗರಿಷ್ಠ ಮಾರಾಟ ದರ ₹ 850 (50 ಕೆ.ಜಿ. ಚೀಲಕ್ಕೆ) ಇದೆ. ವಶಪಡಿಸಿಕೊಂಡ ನಕಲಿ ರಸಗೊಬ್ಬರದ ಕೆಲ ಚೀಲಗಳ ಮೇಲೆ ₹ 875 ಮತ್ತು ₹ 1,100 ಮಾರಾಟ ದರ ನಮೂದಿಸಲಾಗಿದೆ. ರಸಗೊಬ್ಬರದ ಪರೀಕ್ಷೆಗಾಗಿ ಮಾದರಿಯನ್ನು ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ. ಪರೀಕ್ಷಾ ವರದಿ ಆಧರಿಸಿ ಕಲ್ಲಯ್ಯ ಮಠಪತಿ ಅವರ ಮೇಲೆ ರಸಗೊಬ್ಬರ ನಿಯಂತ್ರಣ ಆದೇಶದ ಅನ್ವಯ ಕಾನೂನು ಕ್ರಮ ಜರುಗಿಸಲಾಗುವುದು’ ಎಂದು ಜಾಗೃತ ಕೋಶದ ಜಂಟಿ ಕೃಷಿ ನಿರ್ದೇಶಕ ಜಿಲಾನಿ ಮೊಕಾಶಿ ತಿಳಿಸಿದ್ದಾರೆ.