<p><strong>ಬೆಳಗಾವಿ:</strong> ಜಿಲ್ಲೆಯೂ ಸೇರಿದಂತೆ ಬಾಗಲಕೋಟೆ ಹಾಗೂ ವಿಜಯಪುರ ಜಿಲ್ಲಾ ವ್ಯಾಪ್ತಿ ಹೊಂದಿರುವ ಬೆಳಗಾವಿ ವಿಭಾಗೀಯ ಎಲ್ಐಸಿ ಕಚೇರಿಗೆ ಪ್ರಸಕ್ತ ವರ್ಷ 2.20 ಲಕ್ಷ ಹೊಸ ಪಾಲಿಸಿಗಳನ್ನು ಮಾಡುವ ಗುರಿ ಇದೆ ಎಂದು ಎಲ್ಐಸಿ ಹಿರಿಯ ವಿಭಾಗೀಯ ಮ್ಯಾನೇಜರ್ ಪೂರ್ಣಿಮಾ ಗಾಯತೊಂಡೆ ಹೇಳಿದರು.</p>.<p>ಇಲ್ಲಿನ ಕಚೇರಿಯಲ್ಲಿ ಶನಿವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಆರ್ಥಿಕ ವರ್ಷ ಆರಂಭವಾದಾಗಿನಿಂದ ಇದುವರೆಗೆ ಸುಮಾರು 50,000 ಹೊಸ ಪಾಲಿಸಿಗಳನ್ನು ಮಾಡಲಾಗಿದೆ. ವರ್ಷಾಂತ್ಯಕ್ಕೆ ಗುರಿಯನ್ನು ತಲುಪಲಿದ್ದೇವೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.</p>.<p>ಪಾಲಿಸಿಗಳ ಮೊದಲ ವರ್ಷದ ಪ್ರೀಮಿಯಂ ಹಣ ₹ 275 ಕೋಟಿ ಸಂಗ್ರಹಿಸುವ ಗುರಿ ಇದ್ದು, ಈಗಾಗಲೇ ₹ 65 ಕೋಟಿ ಸಂಗ್ರಹವಾಗಿದೆ. ಮಕ್ಕಳು, ವೃದ್ಧರು, ಮಹಿಳೆಯರು, ನೌಕರರು ಹೀಗೆ ಎಲ್ಲ ರೀತಿಯ ವರ್ಗದ ಜನರಿಗೆ ಅನುಕೂಲವಾಗುವಂತಹ 30 ಪಾಲಿಸಿಗಳಿವೆ. ಈಗಲೂ ವಿಮಾ ಮಾರುಕಟ್ಟೆಯಲ್ಲಿ ಎಲ್ಐಸಿ ಅಗ್ರಗಣ್ಯವಾಗಿದೆ ಎಂದು ತಿಳಿಸಿದರು.</p>.<p>ಕಳೆದ ವರ್ಷ ಗುರಿ ಮೀರಿ ಪ್ರೀಮಿಯಂ ಹಣ ಸಂಗ್ರಹಿಸಲಾಗಿದೆ. ₹ 230 ಕೋಟಿ ಪ್ರೀಮಿಯಂ ಹಣ ಸಂಗ್ರಹ ಗುರಿಯಲ್ಲಿ ₹ 238.9 ಕೋಟಿ ಸಂಗ್ರಹಿಸಲಾಗಿದೆ. ಶೇ 103.29 ಸಾಧನೆ ಮಾಡಲಾಗಿದೆ ಎಂದರು.</p>.<p>ಕಳೆದ ವರ್ಷ 2017–18ನೇ ಸಾಲಿನಲ್ಲಿ 1,72,882 ಪಾಲಿಸಿಗಳ ಮೆಚ್ಯುರಿಟಿ ಸುಮಾರು ₹ 549.66 ಕೋಟಿ ನೀಡಲಾಗಿದೆ. 7,723 ಮರಣ ಹೊಂದಿದ ಪ್ರಕರಣಗಳಲ್ಲಿ ₹ 99.84 ಕೋಟಿ ಪರಿಹಾರ ನೀಡಲಾಗಿದೆ.</p>.<p>ಬೆಳಗಾವಿ ವಿಭಾಗವು 1993ರಲ್ಲಿ ಆರಂಭವಾಯಿತು. 14 ಶಾಖಾ ಕಚೇರಿಗಳಿದ್ದು, 13 ಸ್ಯಾಟಲೈಟ್ ಕಚೇರಿಗಳು, 10 ಮಿನಿ ಕಚೇರಿಗಳಿವೆ. 722 ಉದ್ಯೋಗಿಗಗಳು ಹಾಗೂ 8,293 ಏಜೆಂಟರಿದ್ದಾರೆ.</p>.<p>102 ವಿಮಾ ಗ್ರಾಮ ಹಾಗೂ 2 ವಿಮಾ ಶಾಲೆಗಳಿಗೆ ಕಳೆದ ವರ್ಷ ಆರ್ಥಿಕ ಸಹಾಯ ನೀಡಲಾಗಿದೆ. ಪಂತ ಬಾಳೇಕುಂದ್ರಿ ಶಾಲೆ ಹಾಗೂ ಖಾನಾಪುರ ಬೀಡಿ ಗ್ರಾಮದ ಶಾಲೆಗಳಿಗೆ ಸಹಾಯ ನೀಡಲಾಗಿದೆ.</p>.<p>ಎಲ್ಐಸಿ ಮಾರ್ಕೆಟಿಂಗ್ ಅಧಿಕಾರಿ ವೈ.ಎನ್. ಮುರಾರಿ ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಳಗಾವಿ:</strong> ಜಿಲ್ಲೆಯೂ ಸೇರಿದಂತೆ ಬಾಗಲಕೋಟೆ ಹಾಗೂ ವಿಜಯಪುರ ಜಿಲ್ಲಾ ವ್ಯಾಪ್ತಿ ಹೊಂದಿರುವ ಬೆಳಗಾವಿ ವಿಭಾಗೀಯ ಎಲ್ಐಸಿ ಕಚೇರಿಗೆ ಪ್ರಸಕ್ತ ವರ್ಷ 2.20 ಲಕ್ಷ ಹೊಸ ಪಾಲಿಸಿಗಳನ್ನು ಮಾಡುವ ಗುರಿ ಇದೆ ಎಂದು ಎಲ್ಐಸಿ ಹಿರಿಯ ವಿಭಾಗೀಯ ಮ್ಯಾನೇಜರ್ ಪೂರ್ಣಿಮಾ ಗಾಯತೊಂಡೆ ಹೇಳಿದರು.</p>.<p>ಇಲ್ಲಿನ ಕಚೇರಿಯಲ್ಲಿ ಶನಿವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, ಆರ್ಥಿಕ ವರ್ಷ ಆರಂಭವಾದಾಗಿನಿಂದ ಇದುವರೆಗೆ ಸುಮಾರು 50,000 ಹೊಸ ಪಾಲಿಸಿಗಳನ್ನು ಮಾಡಲಾಗಿದೆ. ವರ್ಷಾಂತ್ಯಕ್ಕೆ ಗುರಿಯನ್ನು ತಲುಪಲಿದ್ದೇವೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.</p>.<p>ಪಾಲಿಸಿಗಳ ಮೊದಲ ವರ್ಷದ ಪ್ರೀಮಿಯಂ ಹಣ ₹ 275 ಕೋಟಿ ಸಂಗ್ರಹಿಸುವ ಗುರಿ ಇದ್ದು, ಈಗಾಗಲೇ ₹ 65 ಕೋಟಿ ಸಂಗ್ರಹವಾಗಿದೆ. ಮಕ್ಕಳು, ವೃದ್ಧರು, ಮಹಿಳೆಯರು, ನೌಕರರು ಹೀಗೆ ಎಲ್ಲ ರೀತಿಯ ವರ್ಗದ ಜನರಿಗೆ ಅನುಕೂಲವಾಗುವಂತಹ 30 ಪಾಲಿಸಿಗಳಿವೆ. ಈಗಲೂ ವಿಮಾ ಮಾರುಕಟ್ಟೆಯಲ್ಲಿ ಎಲ್ಐಸಿ ಅಗ್ರಗಣ್ಯವಾಗಿದೆ ಎಂದು ತಿಳಿಸಿದರು.</p>.<p>ಕಳೆದ ವರ್ಷ ಗುರಿ ಮೀರಿ ಪ್ರೀಮಿಯಂ ಹಣ ಸಂಗ್ರಹಿಸಲಾಗಿದೆ. ₹ 230 ಕೋಟಿ ಪ್ರೀಮಿಯಂ ಹಣ ಸಂಗ್ರಹ ಗುರಿಯಲ್ಲಿ ₹ 238.9 ಕೋಟಿ ಸಂಗ್ರಹಿಸಲಾಗಿದೆ. ಶೇ 103.29 ಸಾಧನೆ ಮಾಡಲಾಗಿದೆ ಎಂದರು.</p>.<p>ಕಳೆದ ವರ್ಷ 2017–18ನೇ ಸಾಲಿನಲ್ಲಿ 1,72,882 ಪಾಲಿಸಿಗಳ ಮೆಚ್ಯುರಿಟಿ ಸುಮಾರು ₹ 549.66 ಕೋಟಿ ನೀಡಲಾಗಿದೆ. 7,723 ಮರಣ ಹೊಂದಿದ ಪ್ರಕರಣಗಳಲ್ಲಿ ₹ 99.84 ಕೋಟಿ ಪರಿಹಾರ ನೀಡಲಾಗಿದೆ.</p>.<p>ಬೆಳಗಾವಿ ವಿಭಾಗವು 1993ರಲ್ಲಿ ಆರಂಭವಾಯಿತು. 14 ಶಾಖಾ ಕಚೇರಿಗಳಿದ್ದು, 13 ಸ್ಯಾಟಲೈಟ್ ಕಚೇರಿಗಳು, 10 ಮಿನಿ ಕಚೇರಿಗಳಿವೆ. 722 ಉದ್ಯೋಗಿಗಗಳು ಹಾಗೂ 8,293 ಏಜೆಂಟರಿದ್ದಾರೆ.</p>.<p>102 ವಿಮಾ ಗ್ರಾಮ ಹಾಗೂ 2 ವಿಮಾ ಶಾಲೆಗಳಿಗೆ ಕಳೆದ ವರ್ಷ ಆರ್ಥಿಕ ಸಹಾಯ ನೀಡಲಾಗಿದೆ. ಪಂತ ಬಾಳೇಕುಂದ್ರಿ ಶಾಲೆ ಹಾಗೂ ಖಾನಾಪುರ ಬೀಡಿ ಗ್ರಾಮದ ಶಾಲೆಗಳಿಗೆ ಸಹಾಯ ನೀಡಲಾಗಿದೆ.</p>.<p>ಎಲ್ಐಸಿ ಮಾರ್ಕೆಟಿಂಗ್ ಅಧಿಕಾರಿ ವೈ.ಎನ್. ಮುರಾರಿ ಉಪಸ್ಥಿತರಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
