ಅಥಣಿ | ಮನೆ ಗೋಡೆ ಕುಸಿದು ಯುವಕ ಸಾವು

ಅಥಣಿ : ಪಟ್ಟಣದಲ್ಲಿ ಗುರುವಾರ ನಸುಕಿನಲ್ಲಿ ಸುರಿದ ಧಾರಾಕಾರ ಮಳೆಯಿಂದಾಗಿ ಮನೆ ಗೋಡೆ ಕುಸಿದು ಯುವಕ ಸ್ಥಳದಲ್ಲೇ ಮೃತಪಟ್ಟಿದ್ದಾನೆ.

ಅಥಣಿಯ ತಾಸೆ ಗಲ್ಲಿಯ ನಿವಾಸಿ ಕಾಶಿನಾಥ ಅಪ್ಪಾಸಾಬ್‌ ಸುತಾರ (23) ಮೃತಪಟ್ಟವರು. ಗುರುವಾರ ನಸುಕಿನಲ್ಲಿ ಇನ್ನೂ ಮಲಗಿದ್ದಾಗಲೇ ಮಣ್ಣು– ಕಲ್ಲಿನ ಗೋಡೆ ಅವರ ಮೇಲೆ ಕುಸಿಯಿತು. ಗೋಡೆಯ ಕಲ್ಲುಗಳು ಎತ್ತರದಿಂದ ತಲೆಯ ಮೇಲೆ ಬಿದ್ದ ಕಾರಣ ಅವರು ಸ್ಥಳದಲ್ಲೇ ಮೃತಪಟ್ಟರು.

ಅಥಣಿ ಪೊಲೀಸರು ಸ್ಥಳ ಪರಿಶೀಲನೆ ನಡೆಸಿ, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.