ನಕಲಿ ಕೋವಿಡ್ ವರದಿ: ಆರೋಪಿ ಬಂಧನ

ಜಿಲ್ಲೆಯ ಖಾನಾಪುರದ ನಿಂಗಾಪುರ ಗಲ್ಲಿಯ ನಿವಾಸಿ ಹಸನಸಾಬ್ ಅಬ್ದುಲ್‍ಖಾದರ್ ಸೈಯದ್ (44) ಬಂಧಿತ ಆರೋಪಿ. ಅವರು ಕೃತ್ಯಕ್ಕೆ ಬಳಸಿದ ಹಲವು ಸಾಮಗ್ರಿಗಳು, ಕಾರು, ₹ 24ಸಾವಿರ ನಗದು ವಶಪಡಿಸಿಕೊಳ್ಳಲಾಗಿದೆ. ಖಚಿತ ಮಾಹಿತಿ ಮೇರೆಗೆ ಕಾರ್ಯಾಚರಣೆ ನಡೆಸಿದ ಪೊಲೀಸರು, ಈಗಾಗಲೇ ಹಲವು ವರದಿಗಳನ್ನು ಸಿದ್ಧಪಡಿಸಿ ಪ್ರಿಂಟ್ ತೆಗೆದು ಇಟ್ಟಿದ್ದನ್ನು ಪೊಲೀಸರು ಪತ್ತೆ ಹಚ್ಚಿದ್ದಾರೆ.

ಈ ಕುರಿತು ಪತ್ರಕರ್ತರಿಗೆ ಮಾಹಿತಿ ನೀಡಿದ ಡಿಸಿಪಿ ವಿಕ್ರಂ ಅಮಟೆ, ‘ಪಿಯುಸಿ ಓದಿರುವ ಆರೋಪಿಯು ಈ ಹಿಂದೆ ಡಯಗ್ನೋಸ್ಟಿದ್ರ ಕೇಂದ್ರವೊಂದರಲ್ಲಿ ಕೆಲಸ ಮಾಡುತ್ತಿದ್ದರು. ಕಾರಣಾಂತರದಿಂದ ಆ ಕೇಂದ್ರ ಮುಚ್ಚಿತು. ಆದರೆ, ಆತ ನಿಯಮ ಬಾಹಿರವಾಗಿ ಪೀರನವಾಡಿಯಲ್ಲಿ ಅದೇ ಹೆಸರಿನಲ್ಲಿ ಸೆಂಟರ್ ತೆರೆದಿದ್ದ. ₹ 2,500ರಿಂದ ₹ 3ಸಾವಿರ ಪಡೆದು ಕೋವಿಡ್ ಪ್ರೊಫೈಲಿಂಗ್‌ ವರದಿ ನೀಡುತ್ತಿದ್ದ. ಸಿಪಿಐ ಬಿ.ಆರ್. ಗಡ್ಡೇಕರ್ ನೇತೃತ್ವದ ತಂಡದವರು ದಾಳಿ ನಡೆಸಿ ಆರೋಪಿಯನ್ನು ಬಂಧಿಸಿದ್ದಾರೆ’ ಎಂದು ತಿಳಿಸಿದರು.