ಜಿಂದಾಲ್‌ಗೆ‌ ಭೂಮಿ ಮಾರಾಟ | ಸರ್ಕಾರದ ನಿರ್ಧಾರ ಸರಿಯಾಗಿಯೇ ಇದೆ: ಶಾಸಕ ಕೊಂಡಯ್ಯ

ಬುಧವಾರ, ಜೂನ್ 26, 2019
26 °C

ಜಿಂದಾಲ್‌ಗೆ‌ ಭೂಮಿ ಮಾರಾಟ | ಸರ್ಕಾರದ ನಿರ್ಧಾರ ಸರಿಯಾಗಿಯೇ ಇದೆ: ಶಾಸಕ ಕೊಂಡಯ್ಯ

Published:
Updated:

ಬಳ್ಳಾರಿ: ಲೀಸ್ ಕಂ‌ಸೇಲ್ ಅವಧಿ ಮುಗಿದ ‌ಬಳಿಕ‌ ಅದಿರು ಭೂಮಿಯನ್ನು ಜಿಂದಾಲ್‌ಗೆ ಸರ್ಕಾರ ಮಾರಾಟ ಮಾಡಲು‌ ನಿರ್ಧರಿಸಿರುವುದು ಸರಿಯಾಗಿಯೇ ಇದೆ. ಮತ್ತು  ಆ ನಿರ್ಧಾರ ವನ್ನು ಸ್ವಾಗತಿಸುತ್ತೇನೆ' ಎಂದು ಶಾಸಕ ಕೆ.ಸಿ.ಕೊಂಡಯ್ಯ ತಿಳಿಸಿದರು.

ನಗರದಲ್ಲಿ ಸೋಮವಾರ‌ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, '2005ರಲ್ಲಿ  2000.58 ಎಕರೆ ಭೂಮಿಯನ್ನು ಆರು ವರ್ಷದ ಅವಧಿಗೆ‌ ನೀಡಲಾಗಿತ್ತು. 2007ರಲ್ಲಿ 1666.67 ಎಕರೆ ಭೂಮಿಯನ್ನು ಹತ್ತು‌ವರ್ಷದ ಅವಧಿಗೆ‌ ನೀಡಲಾಗಿತ್ತು. ಈ ಒಪ್ಪಂದಗಳನ್ನು ಸೇಲ್ ಡೀಡ್ - ಮಾರಾಟ ಒಪ್ಪಂದವಾಗಿ- ಪರಿವರ್ತಿಸುವಂತೆ ಜೆಎಸ್‌ಡಬ್ಲ್ಯೂ ಸ್ಟೀಲ್ ಕೋರಿತ್ತು. ನಿಯಮಗಳ ಪ್ರಕಾರವೇ ಸರ್ಕಾರ ಈ ‌ಜಮೀನುಗಳನ್ನು ಮಾರಲು ಮುಂದಾಗಿದೆ' ಎಂದರು.

ಗುತ್ತಿಗೆ ಆಧಾರದಲ್ಲಿ ಪಡೆದ ಜಮೀನನ್ನು ಘಟಕವು ಷರತ್ತುಗಳ ಅನ್ವಯವೇ ಬಳಸಿದೆ. ಒಟ್ಟಾರೆ 62,025 ಕೋಟಿ ರೂಪಾಯಿ ಬಂಡವಾಳ ‌ಹೂಡಿದೆ‌. 1997ರಿಂದ 2008ರವರೆಗೆ 86,561 ಕೋಟಿ ರುಪಾಯಿ ತೆರಿಗೆ ಪಾವತಿಸಿದೆ' ಎಂದರು.

'ಘಟಕವು 25 ಸಾವಿರ ಮಂದಿಗೆ ನೇರ ಉದ್ಯೋಗ ನೀಡಿದೆ. ಒಟ್ಟು 2 ಲಕ್ಷ ಉದ್ಯೋಗಗಳ ಸೃಷ್ಟಿಯಾಗಿದೆ. ಸರೋಜಿನಿ ಮಹಿಷಿ‌ ವರದಿಯಂತೆ ಕನ್ನಡಿಗರಿಗೆ ಉದ್ಯೋಗಗಳನ್ನೂ ನೀಡಿದೆ' ಎಂದು ಹೇಳಿದರು.

'ಜಮೀನು ಮಾರಾಟದ‌ ವಿರುದ್ಧ ಮಾಜಿ ಸಚಿವ ಎಚ್.ಕೆ.ಪಾಟೀಲ ಅವರ ಹೇಳಿಕೆ ಸರಿಯಲ್ಲ. ಅವರಿಗೆ ಯಾವ ವಿಷಯವೂ ಗೊತ್ತಿಲ್ಲ' ಎಂದರು.

'ಕೈಗಾರಿಕೆಗಳ‌ ಸ್ಥಾಪನೆಯಿಂದ ಸ್ಥಳೀಯರ ಬದುಕು ಉತ್ತಮಗೊಳ್ಳುತ್ತದೆ. ಉಕ್ಕು ಉತ್ಪಾದನೆ ಘಟಕವನ್ನು ಸ್ಥಾಪಿಸಲಿ ಸರ್ಕಾರಕ್ಕೆ ಸಾಧ್ಯವಾಗದಿದ್ದಾಗ ಜಿಂದಾಲ್ ಮುಂದೆ ಬಂತು ಎಂಬುದನ್ನು ಮರೆಯುವಂತಿಲ್ಲ. ಇನ್ನೂ ಏನಾದರೂ ಸ್ಪಷ್ಟನೆ ಗಳು ಬೇಕಿದ್ದರೆ ಘಟಕದ ‌ಪ್ರಮುಖರಿಗೆ ಹೇಳಿ ಸುದ್ದಿಗೋಷ್ಠಿ ಏರ್ಪಡಿಸುತ್ತೇನೆ' ಎಂದೂ ಹೇಳಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 2

    Happy
  • 0

    Amused
  • 0

    Sad
  • 0

    Frustrated
  • 3

    Angry

Comments:

0 comments

Write the first review for this !