ಜರ್ಮನಿಯಲ್ಲಿ 2016ರಲ್ಲಿ ಈ ಯೋಜನೆ ಆರಂಭವಾಗಿತ್ತು. ರೇಡಿಯೊ ಬಳಕೆದಾರರಿಗಾಗಿ ಗೂಗಲ್‌ ಅರ್ಥ್‌ ಬಳಸಿಕೊಂಡು ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಲಾಗಿದೆ. ‘ರೇಡಿಯೊ ಗಾರ್ಡನ್‌’ ಆ್ಯಪ್‌ನ್ನು ಡೌನ್‌ಲೋಡ್ ಮಾಡಿಕೊಂಡ ಬಳಿಕ ತ್ರಿಡಿ ಭೂಪಟ ತೆರೆದುಕೊಳ್ಳುತ್ತದೆ. ಕೆಲವೇ ಸೆಕೆಂಡುಗಳಲ್ಲಿ ಹಸಿರು ಬಣ್ಣದ ಚುಕ್ಕೆಗಳು ಕಾಣಿಸಿಕೊಳ್ಳುತ್ತವೆ. ಅವುಗಳಲ್ಲಿ ನಮಗೆ ಬೇಕಾದ ದೇಶದ ಮೇಲಿರುವ ಚುಕ್ಕೆಗಳನ್ನು ಮುಟ್ಟಿದರೆ ಅಲ್ಲಿಯ ರೇಡಿಯೊ ಕೇಂದ್ರಗಳ ನೇರ ಪ್ರಸಾರವನ್ನು ಕೇಳಬಹುದು. ಪ್ರತಿಯೊಂದು ಚುಕ್ಕೆಯೂ ಒಂದೊಂದು ರೇಡಿಯೊ ಕೇಂದ್ರದ ಸಂಕೇತವಾಗಿದೆ.
