ಆಸ್ತಿ ತೆರಿಗೆ ಪಾವತಿಯಲ್ಲಿ ರಿಯಾಯಿತಿ ಘೋಷಿಸಿದ ಬಿಡಿಎ

ಆದರೆ, ಹೊಸ ಆರ್ಥಿಕ ವರ್ಷ ಆರಂಭವಾಗಿ ಒಂದು ವಾರವಾದರೂ ಆಸ್ತಿ ತೆರಿಗೆಗೆ ಸಂಬಂಧಿಸಿದಂತೆ ಬಿಡಿಎ ಇನ್ನೂ ವೆಬ್‌ಸೈಟ್‌ ಆರಂಭಿಸಿಲ್ಲ. ಇದರಿಂದ, ಆಸ್ತಿ ಮಾಲೀಕರಿಗೆ ನಿರಾಶೆಯಾಗಿದೆ.

‘ಬಿಡಿಎನ ವಿವಿಧ ವಿಭಾಗಗಳ ಅಧಿಕಾರಿಗಳು ಸಮನ್ವಯದಿಂದ ಕಾರ್ಯನಿರ್ವಹಿಸಬೇಕು. ವೆಬ್‌ಸೈಟ್‌ ಆರಂಭಿಸದೆಯೇ ರಿಯಾಯಿತಿ ಘೋಷಿಸಿದರೆ ಏನು ಪ್ರಯೋಜನ’ ಎಂದು ನಾಡಪ್ರಭು ಕೆಂಪೇಗೌಡ ಬಡಾವಣೆಯ ನಿವೇಶನದ ಮಾಲೀಕರೊಬ್ಬರು ಪ್ರಶ್ನಿಸಿದ್ದಾರೆ.

‘ನಾಲ್ಕು ದಿನಗಳಲ್ಲಿ ವೆಬ್‌ಸೈಟ್‌ ಸಿದ್ಧವಾಗಲಿದೆ. ಈಗಿರುವ ಆನ್‌ಲೈನ್‌ ವ್ಯವಸ್ಥೆ ಮೂಲಕ ಆಸ್ತಿ ತೆರಿಗೆ ಸ್ವೀಕರಿಸಬಹುದು. ಆದರೆ, ಆಸ್ತಿ ಮೌಲ್ಯದ ಲೆಕ್ಕಚಾರದ ವ್ಯವಸ್ಥೆ ಮಾಡಲು ಸಾಧ್ಯವಾಗುತ್ತಿಲ್ಲ. ಹೀಗಾಗಿ, ಸಿಬ್ಬಂದಿಗಳೇ ಆಸ್ತಿ ವಿವರಗಳನ್ನು ಅಪ್‌ಲೋಡ್‌ ಮಾಡಬೇಕಾಗಿದೆ. ಇದರಿಂದಾಗಿ ವಿಳಂಬವಾಗಿದೆ’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.