ಚಿಮೂ ಕೃತಿಗೆ ಹೆಚ್ಚಿದ ಬೇಡಿಕೆ

ಬೆಂಗಳೂರು: ಹಿರಿಯ ಸಂಶೋಧಕ ಡಾ.ಎಂ.ಚಿದಾನಂದ ಮೂರ್ತಿ ಅವರ ‘ಕನ್ನಡ ಸಂಸ್ಕೃತಿಯ ಹಿರಿಮೆ, ಗರಿಮೆ’ ಕಿರುಕೃತಿ ಈ ವರ್ಷ ಕೇವಲ 6 ತಿಂಗಳಲ್ಲಿ 10 ಬಾರಿ ಮರುಮುದ್ರಣವಾಗಿದೆ. 

2009ರಲ್ಲಿ ಪ್ರಥಮ ಮುದ್ರಣಗೊಂಡಿದ್ದ ಕೃತಿಯ 30ನೇ ಆವೃತ್ತಿ ಇದೀಗ ಹೊರಬಂದಿದೆ.

ರಾಜ್ಯದ ಎರಡೂವರೆ ಸಾವಿರ ವರ್ಷಗಳ ರಾಜಕೀಯ, ಸಾಂಸ್ಕೃತಿಕ, ಸಾಹಿತ್ಯ, ಕಲಾ ಇತಿಹಾಸವನ್ನು ಒಳಗೊಂಡಿದೆ. ವಿವಿಧ ಸಾಂಸ್ಕೃತಿಕ ಸಂಘ–ಸಂಸ್ಥೆಗಳು ಈ ಕೃತಿಯನ್ನು ಮುದ್ರಿಸಿ, ಹಂಚುತ್ತಿವೆ.