ಬುಧವಾರ, ಏಪ್ರಿಲ್ 14, 2021
24 °C

‘ಸೂಪರ್‌ ನ್ಯೂಮರರಿ’ ಹುದ್ದೆಗಳ ತ್ವರಿತ ಮರು ವಿನ್ಯಾಸಕ್ಕೆ ಸೂಚನೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ವಿವಿಧ ಇಲಾಖೆಗಳಲ್ಲಿ ದಿನಗೂಲಿ ಸೇವೆಯಿಂದ ಸಕ್ರಮ ಗೊಂಡು ‘ಸೂಪರ್‌ ನ್ಯೂಮರರಿ’ ಹುದ್ದೆ ಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಲ್ಲ ನೌಕರರ ಸೇವೆಯನ್ನು ಮಂಜೂರಾದ ಹುದ್ದೆಗಳ ಜತೆಗೆ ತ್ವರಿತವಾಗಿ ಮರು ವಿನ್ಯಾಸ ಮಾಡುವಂತೆ ಸಿಬ್ಬಂದಿ ಮತ್ತು ಆಡಳಿತ ಸುಧಾರಣಾ ಇಲಾಖೆ ಸುತ್ತೋಲೆ ಹೊರಡಿಸಿದೆ.

1984ರ ಜುಲೈ 1 ಮತ್ತು ಅದಕ್ಕೂ ಮೊದಲು ನೇಮಕಾತಿ ಹೊಂದಿದ್ದ ದಿನಗೂಲಿ ನೌಕರರ ಸೇವೆಯನ್ನು ಕಾಯಂಗೊಳಿಸಲು 1999ರ ಆಗಸ್ಟ್‌ 6 ರಂದು ಆದೇಶ ಹೊರಡಿಸಲಾಗಿತ್ತು. ಸೇವೆಯನ್ನು ಕಾಯಂಗೊಳಿಸುವ ಸಂದರ್ಭದಲ್ಲಿ ಅಗತ್ಯ ಸಂಖ್ಯೆಯ ಖಾಲಿ ಹುದ್ದೆಗಳು ಲಭ್ಯವಿರದಿದ್ದರೆ, ಸೂಪರ್‌ ನ್ಯೂಮರರಿ ಹುದ್ದೆಗಳನ್ನು ಸೃಜಿಸಿ ನೇಮಕಾತಿ ಮಾಡಲು ಅವಕಾಶ ಕಲ್ಪಿಸಲಾಗಿತ್ತು. ನಂತರದಲ್ಲಿ ಈ ಹುದ್ದೆ ಗಳನ್ನು ವಿವಿಧ ಇಲಾಖೆಗಳಲ್ಲಿ ಖಾಲಿ ಇರುವ ಮಂಜೂರಾದ ಹುದ್ದೆಗಳ ಜತೆಗೆ ಮರುವಿನ್ಯಾಸ ಮಾಡಲು 2028 ರವರೆಗೂ ಹಲವು ಆದೇಶ ಹೊರಡಿಸಲಾಗಿತ್ತು.

ಮರು ವಿನ್ಯಾಸ ಮಾಡುವವರೆಗೂ ಈ ನೌಕರರಿಗೆ ಕಾಲಬದ್ಧ ಬಡ್ತಿ ಮತ್ತು ವೇತನ ನೀಡುವಂತಿಲ್ಲ ಎಂಬ ಷರತ್ತುಗಳನ್ನು 2018ರಲ್ಲಿ ಹಾಕಲಾಗಿತ್ತು. ಈ ಸೂಚನೆಯನ್ನೂ ಹಿಂತೆಗೆದುಕೊಂಡು ಆದೇಶ ಹೊರಡಿಸಲಾಗಿದೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು